دونیالیق آنا دیلى گونو و سون توتوقلامالار ایله باغلى واشنگتوندا اعتراض آکسیاسى گئچیریلدى
- توضیحات
- منتشر شده در چهارشنبه, 07 اسفند 1392 22:08
آذوح: بوگون٢۶ فوریه چرشنبه گونو دونیالیق آنا دیلى گونو و گونئى آزربایجاندا سون کوتلوى توتوقلامالار موناسبتى ایله باغلى واشنگتوندا یاشایان بیر سیرا میلى فعالار اعتیراض آکسیاسى گئچیریلدى.
قارلى بیر گونده گئچیریلن آکسیایا واشنگتوندا و جیواریندا یاشایان بیر سیرا میلى فعالارا او جومله دن آزربایجان میلى دیرنیش تشکیلاتى تمثیلجیلرینین قاتلیمى ایله دوزنلى بیر شکیلده ایران ماراخلارینى مودافع ائدن اوفیسین اونونده گرچکلشدى.
پروتستویا قاتیلانلار ایراندا تورک دیلینین رسمى اولماسینى و توتوقلو میلى فعالارى آزاد اولونماسینى طلب ائتدیلر.
آنا دیلینده مدرسه، محبوس لارا آزادلیق، ایراندا تورکلره قارشى آیرى سئچکى سیاستلرینه سون و … ایسلوقانلار آتیلدى.
ائیلمه بى بى سى، آمریکانین سسى و تورکیه خبر آژانسلاریندان بیر نئچه سى ایشتیراک ائمیشدیر.
ائیلمین سونوندا حبیب بئى آذرسینا طرفیندن بیان نامه اوخونوب و بیر نسخه ده ایران ماراخلارینى قورویان اوفیس باشقانینا وئریلدى.
قئید اولونور کى گونئى آزربایجاندا ٢١ فوریه(٢ اسفند٩٢) دونیالیق آنا دیلى گونونده ٢٠٠ یاخین میلى فعال بو گونو قوتلاماق سوچو ایله، ایران امنیتى قوولرى طرفیندن گوز آلتینا آلینیب.
ایراندا ٣٠ میلیونو آشیق گونئى آزربایجان تورکلرینین آنا دیلینده ائیتیمى آلماقلارى ارتجاع رژیمى طرفیندن قاداغان اولوب، بو حاقسیز قاداغیا اعتیراض ائدن اینسانلار رژیم طرفیندن گوز آلتینا آلینیب و اوزون حبسلره معروض قالیرلار.
بوگون گونئیلى فعالار خوجالینیدا اونوتمادیلار
آنا دیلى ائیلمیندن همن سونرا قوزئیلى هموطنلرله برابر ارمنستان ائلچیلیگى اونونده خوجالى سویقیریمنى پروتستو ائتدیلر.
چوخ سایداائیلمه قاتلیلانلار، خوجالیا عدالت، خوجالى قتل وعامى سوى قیریمدى، ارمنستان آزربایجان توپراقلارین ترک ائت و … کیمین شوعارلار سسلندیردیلر.
