آلمانييادا اورمو گؤلو آکسيياسي
- توضیحات
- منتشر شده در سه شنبه, 02 ارديبهشت 1393 22:39
آذوح: 2014-نجي ايلين آپريل آيينين 20 و 21- نده آلمانييانين کؤلن شهرينده فعالييت گؤسترن اورمو گؤلو مووقتي کوميته سي و آذربايجان کولتور اوجاغي طرفيندن بو اؤلکنين آيفئل منطقه سينده ايکي گونلوک اعتيراض آکسيياسي کئچيريلدي.
بو حرکتده اورمو گؤلونون قوروماسي و عمدي اولارق قورودولماسي و ائلجه ده گونئي آذربايجاندا ميللي فعاللارين حبس اولونماسي و اونلارين آغير دوروملاري ساحه لرده بيلگيلر وئريله‌رک، پلاکاردلار نوماييشه قويولدولار.
بورادا سئوينديريجي بير خبر بو اولماقدادير کي، ايشتيراکچيلار چئشيدلي دونيا گؤروش و سليقه‌لريني ساخلاياراق، بيرليگيميز يولوندا حرکته کئچديلر.
بيرليک دئديگيميز بير اولماق يوخ، بلکه‌ده چئشيدليليک اولاراق، واحيد هدفه يئتيشمک مفهومونو داشاماسي ايدي.
بيز بورادا بوتون ايشتيراک ائدن قادين، آغا و اوشاقلاردان کي، زحمت چکميشييديلر، اؤز ميننتدارليغيميزي بيلديريريک.
22.04.2014
