سعید متین پورون آجلیق آکسییاسی داوام ائدیر
- توضیحات
- منتشر شده در سه شنبه, 09 ارديبهشت 1393 00:16
آذوح: تانینمیش گونئیلی سیاسی محبوس سعید متینپور بو یاخینلاردا تهرانین اوین حبسخاناسیندا تک آداملیق کامئرایا کؤچورولوب. تهران اونیوئرسیتئتینین فلسفه فاکولتهسینین ماذونو، یازار، ژورنالیست و حقوق مودافیعهچیسی اولان سعید متینپور ۲۰۰۷-جی ایلده حبس ائدیلدیکدن سونرا ۸ ایل حبس جزاسینا محکوم ائدیلیب. او، یئدی ایله یاخیندیر اوین حبسخاناسیندا ساخلانیلیر. سعید متینپورون خانیمی عطیه طاهری حیات یولداشینین اوین حبسخاناسیندا محبوسلارا قارشی زوراکیلیغا اعتیراض اولاراق آجلیق آکسییاسینا باشلادیغینی بیلدیریب.
سعید متین پورآمئریکانین سسینین ونکووردەکی موخبیری علیرضا قولونجو “ آمئریکا ایجمالی “ پروقرامیندا سعید متینپورون دورومو ایله باغلی سون معلوماتلاری شرح ائدیب.
علیرضا قولونجو سعید متینپورلا بیرلیکده ۲۱ محبوسون آجلیق آکسییاسینا داوام ائتدییی حاقدا معلوماتلارین وئریلدییینی بیلدیریر. اونون سؤزلرینه اساسن، اوین حبسخاناسیندا محبوسلارین هوجوما معروض قالماسی و اورادا باش وئرەن قانونسوزلوقلارا اعتیراض اولاراق کئچیریلن آجلیق آکسییاسی گونئی آزربایجان حاقدا معلوماتلاری آچیقلایان وئب صحیفەلرین دیقت مرکزینددیر. علیرضا قولونجو بیلدیریب کی، وئریلن معلوماتلارا اساسن، اوین حبسخاناسیندا سعید متینپور دا داخیل اولماقلا، آجلیق آکسییاسی کئچیرن بیر نئچه باشقا محبوس تک آداملیق کامئرادا ساخلانیلیر.
سعید متینپورون خانیمی عطیه طاهری ایله آمئریکانین سسینه موصاحیبەده اوین حبسخاناسیندا حیات یولداشینین و دیگر محبوسلارین فیزیکی تضییقه معروض قالدیغینی دئییب. عطیه طاهری حیات یولداشی ایله قیسا گؤروشده اونون فیزیکی جهتدن ضعیف گؤروندویو بیلدیریب. او، گؤروشو بئله بیر تصویر ائدیب : “ واخت چوخ دئییلدی، آما او ۶-۵ دقیقهده منه دئدی کی، بو ایشی هئچ بیر دلیل اولمادان گؤروبلر، بو، اصلینده قانونسوزلوقدور. هئچ بیر دلیل اولمادان گلیب بیزی ووروبلار، من هئچ بیر ایش گؤرمهمیشم، بورادا زینداندان هئچ کس بیر ایش گؤرمهییب، گلیب تؤکولوشوب ووروبلار، آخیردا دا آپاریبلار اینفرادییا (تک آداملیق کامئرایا) . اونلار بونا اعتیراض ائدیبلر و سعیدده بونا اعتیراض اولاراق یئمک یئمیر، دیل-دوداغی قوروموشدو، رنگی آغارمیشدی، بیر آز آریقلامیشدی، ساچلارینی قیرخمیشدیلار. “
علیرضا قولونجونون سؤزلرینه گؤره، عطیه طاهریده حیات یولداشینین زوراکیلیغا معروض قالماسینا اعتیراض اولاراق آجلیق آکسییاسینا باشلاییب، لاکین سونرادان آجلیغی دایاندیریب. عطیه طاهری موصاحیبه زمانی جمهور باشقانی حسن روحانی-نین حاکیمیییتی دؤورو اینسان حاقلاری ساحهسینده وضعیتده دەییشیکلیین اولمادیغینی قئید ائدیب.
بئین الخالق اینسان حاقلاری قروپلاری، او جوملەدن “ آمنئستی اینتئرناسیونال “ ایراندا سیاسی محبوسلار، او جوملهدن، سعید متینپورون دورومو ایله باغلی ناراحاتلیقلارین ایفاده ائدیبلر. علیرضا قولونجو ایران حؤکومتینین اینسان حاقلارینین دورومو ایله باغلی بئین الخالق تشکیلاتلارین بیاناتلاری و چاغیریشلارینا اهمییتسیز قویدوغونو بیلدیریب. اونون سؤزلرینه اساسن، ایران حؤکومتی بی ام ت-نین اینسان حقوقلاری شوراسینین ایران اوزەره معروضهچیسی احمد شهید-ین اؤلکهده اینسان حاقلارینین سیستئماتیک شکیلده پوزولماسینا سون قویاراق، ایصلاحاتلار کئچیریلمەسی حاقدا تؤوصیهلری ایله باغلی ایندییه کیمی آددیملار آتماییب.
آمئریکانین سسی/دیلشاد علییارلی