تورکییه‌ده م. ا. رسول‌زاده‌نین “ایهتیلالجی سوسیالیزم و دئموکراسی” آدلی کیتابی یایینلانمیش‌دیر*****
- توضیحات
- منتشر شده در سه شنبه, 06 خرداد 1393 15:26
آذوح: م. ا. رسول‌زاده‌نین 130-جو دوغوم ایلدؤنومو خاطره‌سینه حصر اولونان بو کیتاب، 28 مای ایستیقلال بایرامی آستاناسیندا نشر ائدیلمیش‌دیر.
کیتابین اؤنسؤزوننون مؤلفی پروف. دؤکتور جمیل حسن‌لی‌دیر. اؤنسؤزده، م. ا. رسول‌زاده‌نین یاشادیغی سیاسی موحیط و اونون فعالیت‌لری حاقیندا گئنیش بیلگی وئریلمیش‌دیر. کیتابین یازی‌لارینی سئچیب تورکییه تورکجه‌سینده چئویرن، تورکییه‌ده موهاجیرت حیاتی یاشایان گونئی آذربایجان‌لی آراشدیرماچی- یازار رامین جاببارلی‌دیر.
کیتاب، رسول‌زاده‌نین ایکی اؤنم‌لی ریساله‌سی و 10 دیگر یازی‌سین‌دان عبارت‌دیر. بو کیتابدا رسول‌زاده‌نین داها چوخ سوسیولوژیک و فلسفی یازی‌لاری سئچیلمیش‌دیر. کیتابین آدی “ایهتیلالجی سوسیالیزمین ایفلاسی” و “دئموکراسی‌نین گئلئجئغی” آدلی ایکی ریساله‌له‌نین آدی‌نین بیرلشدیرمه‌سی‌دیر. بو ایکی ریساله “ایختیلالچی سوسیالیزمین ایفلاسی و دئموکراسی‌نین گلجیی” آدییلا 1928-جی ایلده “میللی آذربایجان نشریاتی”نین 8-جی سایی‌سیندا ایستانبولدا یایینلانمیشدی.
“اولوسال دایانیشما”، “میللئت اولماک آزمی”، “میللئتچی‌لیک- پاتریوتیسم”، “اولوسال بیرلیک”، “یانلیش تئریم کوللانمایالیم”، میللئت و کاویم”، “اولوسال آهلاک”، “ایدئالیستلئر اوپورتونیستلئر، بوزگونجولار”، “دوغو ایسلام اویگارلیغیندا آزئربایجان’ین رولو”، “بیبلیوگرافیا؛ ریجال-ی آذربایجان دئر آسر-ی مئشروتیئت” آدلی یازی‌لار ایسه کیتابدا یئر آلان دیگر یازی‌لاردیر.
کیتابی ایستانبولدا دوغو نشریاتی طرفین‌دن یایینلانمیش‌دیر.
