Warning
  • JLIB_APPLICATION_ERROR_COMPONENT_NOT_LOADING
  • JLIB_APPLICATION_ERROR_COMPONENT_NOT_LOADING
  • JLIB_APPLICATION_ERROR_COMPONENT_NOT_LOADING
  • Error loading component: com_content, Component not found.
  • Error loading library: joomla, Library not found.
  • Error loading library: joomla, Library not found.
  • Error loading library: joomla, Library not found.
  • Error loading component: com_content, Component not found.
  • Error loading component: com_content, Component not found.

ناغیل: بیر موعللیم وارایدی- محمود دالغا

بیری وارایدی،بیری یوخودو.بیرموعللیم وارایدی دردی چوخودو.اورگینه کسکین آغرێ دوشموشدو،بیلمیردی نئیله سین.بو آغرینین سبب اؤز دردی دیردی،ایسه اوشاقلاردردیدی کی ائلییه بیلمیردیلر درس اوخوسونلار.اوشاقلاردردایدی کی خیرداجا واختدان ایشله مه گه باشلارمیشدیلار،اؤز یاشلارینان یئکه ایشلر گؤروردیلر، آمما گینه ده آجیدیلار.
یاتانمیردی هر واختدا گؤزون یوموردو  شئه لی یئرلرده فرش توخویا مناف یاداینا دوشوردو، گؤرودو کی منافین گون به گون رنگین سارالیر، ضعیفلیر. گؤروردو کی کچل ننه سی ائله آجدیلار. گؤروردو کی یاشار ننه لیگین الینده اسیردی و کؤتک یئرلرین هئچ کیمه کوستره بیلمیر، یاشار هامیدان قورخوردو ، ننه لیگین هامیدان زورلی بیلیردی.
موعللیم فیکیره قالمیشدی، دردلری تانیردی، سببین بیلیردی،آمما بیر الده سس یوخدو، نئینه ملی اولسون،دئدی گرک بیر ایش گؤرم اوتورماقدان هئچ زاد چیخماز،اؤتورماقین فایداسی یوخدو،هاواختدا قدر گرک قورخاق. قوخماقدا اؤلومنن پیسدیر،بو سببه گؤره دوردو آیاغا، یاشاری اولدوزائله یولداش ائله دی و اونلارا دئدی کی بیرلیک قورخویا گؤردو.
قارانلیق یوللاردا اؤزننه یول آچدی، بالاجا ایشێلداقۇشی او قارا یوللاردا بیزه نیشان قویدی. گلدی یئتشدی قارابالیق یاشییان یئرین باشینا گؤردو او چوخ هئیجاندادیر.
دئدی: نه اولوب بالا،بو هئیجان و آتیلیب دوشمگین سببی ندیر؟
خیرداجا بالیق باشین سودان قوزاییب دئدی:
-         آ کیشی!سن نه بیلیرسن من نه چکیرم؟ سن کئنش دونیادا آتلیب دوشورسن،من بیر اووج سوو ایچنده بو بیلمزلرله گون سوورام. منیم حقیم بو دونیادا ائله بو بیر سیخما سودو؟
-         یوخ،موعللیم دئدی.
-         بس نینه ملییم؟ بولار کی هئچ بیری منه یاریم اولمیلار،منی یولارین خطرینن قوخودورلار، دئیرلر بوردان چیخسان عومرو تز سونا چاداجاقدیر، سنی یولداکی یئکه قورد قوشلار یئیب آردا آپاراجاقدیر...
-         موعللیم ایسته دی دانیشسین و دئسین کی بو آداملار بیزیم گنجینه میزدیلر و چؤخ،چؤخدا بیله یندیرلر آمما زامان لازیمدیر اؤزلرین گؤسترسینلر...
لاکین قاربالیق ماجال وئرمیردی اورگی اوقدر دولوایدی تز،تز دانیشیب و موعللیمین سؤزولرینی آراسینا آتیلیردی و دئیردی:
-         آمما منیم قورخوم یوخدو،هئچده ایسته میرم نوح پیامبرجه عؤمور ائلییم،آز یاشییب، آزاد یاشاماق اونان اؤنملی دیر...
موعللیم فیکیره گئتدی داهی قارابالیقین سؤزلرین ایشتمیردی،آخی او بیر موعللیمدیر،یول آچاندیر.اولماز بو شرایطده قارابالیغی اؤز باشینا بوشلاسین،کرگ کی اونا یول گوستریب،یول ابزارلاریندا اونا وئرسین، و یئکه لردن قالمیش کینه نی اونون سینه سینن ائشیگه آتسین، یئکه لرین کی گوناهی یوخدو،اونلار بو شرایطده دوغولوب و بؤیوب باشا چاتیبلار، هئچ واخدا ایسته مییبلر اؤز شرایط لرین دیشسینلر،البته بو فورصت اولارا وئریلمییب.
موعللیم اؤز ایچنده چالیشمادایدی،پئلیکان نی گؤروردی کی یول اوستونده دوروب، بو چنقلی قارابالیغا کمین قوروب،و ایستیردی ...
قارابالیق بیر آز سو سپه لدی موعللیمین اؤزونه و دئدی :
-         گؤردون سننده منه یولداش چیخماز،سنده بونلار کیمین سن،من دانیشماقدایم،سن اؤزوندا سئیر ائدیرسن.
آمما موعللیم یول آلتلرین دۆزلتمیشیدی و او موقعیدی کی اونلار بیر،بیر قارابالیقا وئریب و اونو یوللا سالسین .
-         یوخ، بو جور دانیشما، من آخیرجا سنن وارم، اوجور کی اؤزون دئدون بورداندا سونرا دونیا واردی،آین شاین یاشاماقدا واردی،بیز اؤز دونیامیز تغییر وئرمکه کرگ چالیشاق،آسایش و راحتلیق قازاناق، آمما سانکیلار دونیاسیندا تاثیر قویماق اؤنملی دیر.
قارابالیق موعللیمنن چنقلی قیلنجی آلدی،بئلینه باغلادی.موعللیمین باخیش یولون دوام ائتمگه یولا دوشدی، و بو یولدا هامی خطرلرله برابر گلمه گه بیر آلت  وارایدی.
قارابالیق آز گئتمه میشدی کی گؤردو اورگی چوخ سیخینتیدادیر،و آناسی و یولداشلاری یادینا دوشدولر،لاکین باشلانمیش یولون اؤنملی اولدیغی اونا قووت و قودرت وئریردی.
آیلار کئچدی،ایللرکئچدی قارابالیق یول گئدیردی و هامی خطرلری اؤزنن اوزاقلادیب، و چوخلارینی اؤزنه یولداش ائلییردی،هانسی یئرده دوران زامان،اورداکیلارین زندگانلیقیندا بیر تاثیر بیراخیردی، آمما قالماغا راضی اولمیردی،بیلیردی کی بیر یئرده قالان سو ایلنمه لیدیر، او دئیردی من گرک تاپام و گؤرم کی بو خیرداجا آخان سوون سونی هاردیر.
یوللار گئتدی، آز گئتدی، چوخ گئتدی ایتیشدی بیر یئکه چای یا، بیردن اؤرگینه بیر قورخولو چیرپینما دوشدو.
-         بو را هارادی؟ بس نئییه موعللیم بورانی منه دئمه میشدی ، من ایندی بوردان نئجور چیخمالییام؟
ننه سین سوزی یادینا دوشدو کی دئمیشدی"یولار دؤلودو قورد قوشونان،سنی یئییب آرادان آپارال لار"....
قارابالیق بو فیکیردئدی کی بیردن بیر یئکه تور اونو گرفتار ائله دی، جنقلی قیلنجین بئلیندن آچیب هر نئیله دی توری کسه بیلمه دی. اومیدین النده وئرمیشدی.
-         دئدیم سنن منه یولداش چیخماز،منی گؤر هادا گرفتار ائله دون؟
-         یوخ، منده دئدیم کی آخیراجا سنن وارام، بونو موعللیم دئدی.
قارابالیق ساغ، سولا باخدی،دال،قاباقا باخدی،سئویندی و اؤز دئدیگی سؤزدن اؤتاندی. موعللیم، اؤنجه ده دورموشدو  و او تورون ایپله رین قیرماقدایدی.
چوخ زامانلار کئچیبدیر، ایندی قارابالیق دنیزده اؤز نوه و نتیجه سی ائله آین ،شاین یاشاییر، و او موعللیمنن هر ده بیر بالاجا نوه لرینه سؤز آچیر و موعللیمنن آلان قیلنجی اولارین بئینه تاخیر.
Submit to DeliciousSubmit to DiggSubmit to FacebookSubmit to Google PlusSubmit to TwitterSubmit to LinkedIn