بیلدیری: آوروپا پارلامئنتی‌نین سئچگی‌لرینه 100 گون قالدی، دیشاریدا لوبیچی‌لیک اساس یولوموزدور*****
- توضیحات
- منتشر شده در جمعه, 25 بهمن 1392 01:38
دیرلی سویداش‌لار،
گونئی آزربایجانین گله‌جک دؤولتچی‌لیگینی ایکی گوج بلیرلته‌جک‌دیر، اساس گوج میللتیمیز و اونون تالئیینی گونده‌لیکده ساخلایان و فارس شووینیسمینه قارشی بو میللی موجادیله‌یه یؤن وئرن میللی سیاسی فائل‌لاریمیز و ایکینجی‌سی ایسه اولوس‌لار آراسی اؤرگوت‌لر، سوپئر گوج‌لر و بؤلگسل گوج‌لردیر.
بیز دیشاریدا یاشایان آذربایجان‌لی‌لارین اساس گؤروی دیشاری گوج‌لرین ایچینده لوبیچی‌لیک‌دیر.
آمریکا و آوروپانین دؤولت قورولوش‌لاری و سیاسی گوج پای‌لاشیم مئخانیزماسی دئموکراتینی یول خریته‌سی سئچمیش‌لر و ساغلام سئچیب-سئچیلمک پروسئسی ان پریمیتیو حاقا چئویریلیمیش‌دیر و بو حاق و دوچونجه‌دن چوخ‌لو میللت‌لر اؤز میللی قازانج‌لارینی قوروماق اوچون یارارلانیب یارارلانماقدا‌دیرلار.
بیز بیر سیرا آددیم‌لار آتساقدا بو قونودا گؤرونمه‌ین چوخ ایش واردیر. آنجاق اینانیریق خاریجده یاشییان آذربایجان‌لی‌لاری و اؤزل‌لیکله میللی فئال‌لاریمیزین آپاردیغی میللی ساواشی، ائتگی‌لی و بل‌لی پروقرام‌لارلا، لوبیچی‌لییه دوغرو یؤنتمه‌میز ان دوغرو ایش و گله‌جک اوچون ان یارارلی سئچیم‌دیر.
آوروپادا یاشییان دیرلی گونئی آذربایجان تورک‌لری:
آوروپادا یاشادیغیمیز اؤلکه‌لرده ان اؤنم‌لی گؤرو‌لریمیزدن بیری لوبیچی‌لیک‌دیر. اؤزل‌لیکله چوخ آز تانیملانمیش گونئی آذربایجانیمیزین دورومونو آرتیق ائتگی‌لی و پروقرام‌لی ایره‌لی سورمییمیز اوچون، یاشادیغیمیز اؤلکه‌لرده سیاسی پارتیا‌لار ایچینده آکتیو فئالیت ائتمییمیز گرکیر.
آوروپا پارلامئنتین سئچگی‌لرینه آرتیق 100 گون قالیر. آوروپا اؤلکه‌لرینده اومومیتله ایکی سئچگی اولور ایلک آوروپا پارلامئنتی‌نین سئچگی‌لری سونراسی اؤلکه پارلامئنت‌لرین سئچگی‌لری، ایکی‌سیده بیزلر اوچون چوخ اؤنم‌لی‌دیر.
بیز تورک‌لر اؤزل‌لیکله گونئی آذربایجان تورک‌لری کئچمیشده بو سئچگی‌لره هر زامان بیگانه قالمیشیق و بونوندا زررینی آلیب تاوان اؤدمکدییک . بوگون آرتیق فارس‌لار، کوردلر، ائرمنی‌لر و... بئینالخالق قوروم قورولوش‌لاردا یئترینجه سؤز صاحبی اولموش‌دورلار. بیز دفعه‌لرجه سیاسی گؤروش‌لریمیزده اونلارین بو قورولوش‌لاردا ائتگی بیراخما‌لارینا تانیش اولموشوق.
دیشاریدا یاشییان مین‌لر آذربایجان تورکونون یالنیز 10 فاییزی میللی دوشونجه‌یه دایانا‌راق آوروپانین دییشیک‌لی سیاسی پارتیا‌لاریندا سس وئرمک‌لری و آوروپا‌لی سئچگی آدای‌لاری یانیندا آکتیو اولما‌لاری، میللتیمیزین گلجیینه چوخ یارارلی و ائتگین‌دیر.
هر بیر پارلامئنت آداییله سیغ علاقه ساخلاییب چالیشماق میللی ساواشیمیزی و میللی حاق‌لاریمیزی قازانماق اوچون بیزی بؤیوک یئرلره سفربر ائدیب پارلامئنت اویه‌لری واسطه‌سیله گونئی آذربایجانی تانیت‌دیرماق ایمکانینی حاضرلایا‌جاق‌دیر.
دیشاریدا یاشییان بوتون میللی سیاسی تشکیلات‌لاریمیزی، میللی فئال‌لاریمیزی، اینسان حاق‌لاری قورولوش‌لاری و... بو گلجییمیز اوچون ان اؤنم‌لی اولان یول و چتین ساواشدا داوام‌لی حرکته دعوت ائدیریک.
آوروپا پارلامئنت و اؤلکه پارلامئنت سئچگی‌لرینده ایلک آددیم‌لاریمیزی کیچیکده اولسا، بیرگه آتماغا باشلییاق.
گوج بیرلیکده‌دیر
گونئی آذربایجان ایتتیفاقی (گادپ – آذوح )
14.02.2014
BİLDİRİ: Avropa parlamentinin seçgilərinə 100 gün qaldı, Dışarıda Lobiçilik əsas yolumuzdur
Dəyərli soydaşlar,
Güney Azərbaycanın gələcək dövlətçiliyini iki güc bəlirlətəcəkdir, əsas güc millətimiz və onun taleyini gündəlikdə saxlayan və Fars şovinisminə qarşı bu milli mucadiləyə yön verən milli siyasi faellarımız və İkincisi isə uluslar arası örgütlər, super güclər və bölgəsəl güclərdir.
Biz dışarıda yaşayan Azərbaycanlıların əsas görəvi dışarı güclərın içində lobiçilikdir.
Amrika və Avropanın dövlət quruluşları və siyasi güc paylaşım mexanizması demokratini yol xəritəsi seçmişlər və sağlam seçib-seçilmək prosesi ən primitiv haqqa çevirilimişdir və bu haq və düçüncədən çoxlu millətlər öz milli qazanclarını qorumaq üçün yararlanıb yararlanmaqdadırlar.
Biz bir sıra addımlar atsaqda bu qonuda görünməyən çox iş vardır. Ancaq inanırıq xaricdə yaşıyan Azərbaycanlıları və özəlliklə milli feallarımizın apardığı milli savaşı, etgili və bəlli proqramlarla, lobiçiliyə doğru yönətməmiz ən doğru iş və gələcək üçün ən yararlı seçimdir.
Avropada yaşıyan Dəyərli Güney Azərbaycan Türkləri:
Avropada yaşadığımız ölkələrdə ən önəmli görəvlərimizdən biri lobiçilikdir. Özəlliklə çox az tanımlanmış Güney Azərbaycanımızın durumunu artıq etgili və proqramlı irəli surməyimiz üçün, yaşadığımız ölkələrdə siyasi partiyalar içində aktiv fealiyət etməyimiz gərəkir.
Avropa Parlamentin seçgilərinə artıq 100 gün qalır. Avropa ölkələrində umumiyyətlə iki seçgi olur ilk Avropa parlamentinin seçgiləri sonrası ölkə Parlamentlərin seçgiləri, ikisidə bizlər üçün çox önəmlidir.
Biz Türklər özəlliklə Güney azərbaycan türkləri keçmişdə bu seçgilərə hər zaman biganə qalmışıq və bununda zərərini alıb tavan ödəməkdəyik . Bugün artıq Farslar, kürdlər, ermənilər və... beynalxalq qurum quruluşlarda yetərincə söz sahibi olmuşdurlar. Biz dəfələrcə siyasi görüşlərimizdə onların bu quruluşlarda etgi bıraxmalarına tanış olmuşuq.
Dışarıda yaşıyan minlər Azərbaycan Türkünün yalnız 10 fayızı milli düşüncəyə dayanaraq Avropanın dəyişikli siyasi partiyalarında səs verməkləri və Avrupalı seçgi adayları yanında aktiv olmaları, millətimizin gələcəyinə çox yararlı və etgindir.
Hər bir parlament adayilə sığ əlaqə saxlayıb çalışmaq milli savaşımızı və milli haqlarımızı qazanmaq üçün bizi böyük yerlərə səfərbər edib parlament üyələri vasitəsilə Güney Azərbaycanı tanıtdırmaq imkanını hazırlayacaqdır.
Dışarıda yaşıyan bütün milli siyasi təşkilatlarımızı, milli feallarımızı, insan haqları quruluşları və... bu gələcəyimiz üçün ən önəmli olan yol və çətin savaşda davamlı hərəkətə dəvət edirik.
Avropa parlament və ölkə parlament seçgilərində ilk addımlarımızı kiçikdə olsa, birgə atmağa başlıyaq.
Güc birlikdədir
Güney Azərbaycan İttifaqı (GADP – AZOH )
14.02.2014
