گونئی آذربایجانین سورگونده کی کئچیجی پارلئمئنتوسونون ایشچی گوروپونون بیرنجی آچیقلاماسی
- توضیحات
- منتشر شده در شنبه, 24 خرداد 1393 00:17
حورمتلی وطنداشلار!
گونئی آذربایجانین سورگونده کی کئچیجی پارلئمئنتوسونون ایشچی گوروپو بوگونه قئده ر دورد ایجلاس کئچیرمیشدیر. بو اوتوروملاردا چئشیدلی موضولار حاقدا دانیشیقلار آپاریلمیشدیر. او جومله دن ایشچی گوروپو اوزونون ایش پلاتفورمونو ، نیظامنامه و مرامنامه سینی حاضیرلاماغا چالیشیب ، سئچیم و چاغیریش مسئله لری و نهایت پارلئمئنتونون سئچیم ایجلاسی نین یئری و زامانی حاقدا حاضیرلیق ایشلری نین آپاریلماسی گوتور- قوی ائدیلمیشدیر..
پارلئمئنتونون ایکینجی ایجلاسی نین تاریخ و زامانی واختی ـ واختیندا اعلان ائدیله جکدیر. و بو ایلین ایچینده کئچیریله جکدیر. پارلئمئنتونون نیظامنامه سی و بو نیظامنامه اساسیندا اونون ایش کمیته لری نین تاسلاقلاریدا( لاییحه لریده ) میللتیمیزین ایختیاریندا قویولاجاقدیر.
آدی کئچه ن ایشچی گوروپو اوتوروملاری ( ایجلاسلاری) نین آتموسفری دئموکراتیک و خوش آب ـ هوا ایچینده کئچیریلمیشدیر. ایچه ریده ن آلینان بیلگیلر حرکتین نه قده ر دوزگون و زامانیندا اولدوغونو گوستریر. اونلار بو پارلئمئنتونون داهادا آکتیو اولماسی نین طرفداریدیرلار.
گونئی آذربایجانین سورگونده کی کئچیجی پارلئمئنتوسو میللتیمیزه عایید اولدوغوندان ، بوتون وطنداشلاریمیزین بو ایشده بیزه یاردیمجی اولمالارینی ، فیکیرلرینی ،توصییه و پیشنهادلارینی یازیلی شکیلده بیلدیرمه لرینی تمنا ائدیریک
گونئی آذربایجانین سورگون کئچیجی پتلئمئنتوسونون ایشچی گوروپو .
