اورمییه‌ده گوز آلتینا آلینانلارین اکثریتی آزاد ائدیلیب
- توضیحات
- منتشر شده در یکشنبه, 25 خرداد 1393 19:54
آذوح: اییون آیینین ۱۰-دا اورمییه گؤلو ایله باغلی اعتیراض آکسییالاری زامانی اورمییه‌نین گوللر باغی پارکیندا نزارت آلتینا آلینان اعتیراضچیلار، هابئله اییونون ۹-دا آکسییادان بیر گون اؤنجه توتولموش فعاللارین چوخونون اییونون ۱۱-ده ضمانت قارشیلیغیندا مووققتی شکیلده سربست بوراخیلدیغی، ۳ نفرین ایسه اورمییه‌نین مرکزی زیندانینا گؤندریلدیگی بیلدیریلیب.
اویان نیوز سایتینا ایستینادن، اورمییه‌نین مرکزی زیندانینا گؤندریلن اورمییه گؤلو مودافیعه چیلری نیما حسنی، آتا کریمی و یاسیر اکبری اوللر ده حبس و موهاکیمه‌یه معروض قالیبلار. هر اوچ فعال اییونون ۹-دا ایرانین تهلوکه‌سیزلیک قوووه‌لری طرفیندن نزارت آلتینا آلیناراق، ائتتئلااتین دوققوز پیلله محلله‌سینده‌کیحبسخاناسینا آپاریلمیشدی.
یاییلان معلوماتا گؤر، حبسلردن سونرا گنج فعاللارین عاییلهلری اؤولادلارینین حبسه سالینماسینا اعتیراض مقصدی ایله اورمییه محکمه‌سی قارشیسیندا توپلانیبلار.
اییونون ۱۰-دا اورمییه گؤلونون ایکی طرفینده یئرلشن شرقی آذربایجان و قربی آذربایجان ویلایتلرینین مرکزلری تبریز و اورمییه‌ده میللی فعاللار و شهر اهالیسی ایران دؤولتینین ائکولوژی مسله‌لری ایله باغلی سییاستلرینه قارشی اعتیراض آکسییاسی کئچیریبلر.
هر ایکی شهرده ایران پولیسی و تهلوکه‌سیزلیک قوووه‌لری بیر چوخ ایشتیراکچینی حبس ائده‌رک، اعتیراض آکسییالارینی داغیتماغا جهد ائدیب.
اعتیراضلاردا سسلنن شوعارلارا گؤر، اعتیراضچیلار اورمییه گؤلو بؤهرانینین دؤولتین یانلیش سییاستی نتیجه‌سینده اورتایا چیخدیغینا، ائلجه ده پرئزیدئنت حسن روحانینین ائکولوژی فلاکتین قارشیسینی آلاجاغینا دایر ودلرینه عمل ائتمه‌دیگینه اینانیرلار.
اعتیراض آکسییالاریندا “روحانی، روحانی، ودلرین بس هانی؟” ،”اورمو گؤلو سوسوزدو، آذربایجان اویانماسا، اودوزدو” ،”اورمو گؤلو سسله‌نیر؛ سوسوزام هارای هارای” و “اورمو گؤلو جان وئریر، مجلیس اونون قطعلینه فرمان وئریر” کیمی شوعارلار سسلندیریلیب.
آمئریکانین سسی
