آمریکانین کالیفورنیا ایالتینده دوکتور هئیتین آنما مراسیمی کئچیریلمیش *****
- توضیحات
- منتشر شده در چهارشنبه, 05 شهریور 1393 22:08
آذوح: آوقوست آيينين 23 سان خوسئ شهرينده اونودولماز آليم دوکتور هئيتين آنما مراسيمي کئچيريلميش. شيمالي کاليفورنيا کولتور اوجاغينين چاغريشي و تشببوسويله او تايلي بو تايلي يوردداشلاريميزين ياخيندان اوزاقدان توپلانماسي مرحوم دوکتور هئيته اولان سايقي و سئوگينين گؤستريجيسييدي.
اوجاغين مسئولو حميد بي اوستادي ايله اولان خاطيره‌لريني پايلاشيب، دوکتورون حياتيندان فيلم و ايسلايدلار سونولدو . دوکتور هادي سولطانقرايي دوکتور هئيتين تورک دونياسينين کلاسيکلريندن اولدوغونو وئرديگي اؤرنکلرله آچيقلاميش و ميللي ادبياتيميزدان دانيشميشدير.
ايسماعيل بي جميلي، وارليق مکتبي و وارليغين يازارلاري و اؤنميندن، ميللي ديرچه‌ليش و کيمليگيميزين قورونماسيندان سؤز آچيب، اوستادين دفني ايله باغلي تئهرانين موناسيبتيني قيناييب، سونوندا "وارليغينين ايشيغيندا" آدلي شئعيري سونموش.
اوستادين ياديگاري اولان خانيم دوکتور مارال هئيت عاليم آتاسييلا اولان صميمي خاطيره‌لريني پايلاشيب نيسگيل اولان آنيلاردان و اوستادين نئجه بير مئهريبان و مسئول اينسان اولدوغوندان سؤز آچميشدير.
او تايلي، بو تايلي قوناقلار دا اوستادلا اولان آنيلاريندان پايلاشميشلار.
مراسيم شام يئمگيندن سونرا سونا چاتميش.
