تانینمیش آذربایجانلی شاعیر «فریدون حاصارلی» حیاتینی دئیشدی
- توضیحات
- منتشر شده در پنج شنبه, 05 شهریور 1394 01:07
آذوح: الیمیزه چاتان خبره اساسن، چوخ تاسفله آذربایجانین تانینمیش شاعری و ادبی جمعیتیمیزده لاییقینجه سئویلن صمیمی انسان اوستاد فریدون حاصارلی شهریور آیینین اوچونجو گونو تبریز شهرینده حیاتا گؤز یومموشدور.
اوستاد فریدون حاصارلی ۱۳۱۶ینجی ایلده جلفا ماحالینین «یکان کهریز» کندینده آنادان اولموش و گنج چاغلاریندان آذربایجان دیلینده شعر یازماغا باشلامیشدیر.
سئویملی شاعریمیزین جنازهسی چرشنبه گونو (۴ شهریور) ساعات ۱۲ ده تبریزین وادی رحمت مزارلیغیندا تورپاغا تاپشیریلاجاقدیر. همن گون آخشام چاغی ساعات ۱۷ دن ۱۹ قدهر تبریزین رسالت خیاوانیندا یئرلشن امام حسن مسجیدینده شام غریبان مراسیمی و شهریورین بئشینجی گونو (آدینا آخشامی) اؤلومونون اوچونجو گونو موناسیبتیله لاله خیاوانینداکی امام حسین مسجیدینده خاطیره آخشامی کئچیریلهجکدیر.