دونموش گونش لر!- محمد احمدیزاده

گئجه نین سس سیزلیگی

و قارشیمداکی چای فینجانیم

یالنیزلیغیندا گؤره سن بیر داها

هانکی گونه شین سوغوماسینی گؤزله ییر؟

دوغمادان دونموش گونش لری

بارماقلیقلار آرخاسینداکی سوغوموش گونش لری

بیته جک گونی یوخ سانکی بو قیشین

سوموک لریمیزه دک ایشله ین اونون سویوغو

قان دامارلاریمیزدا دولاشیب

به یین حوجره لرینی دوندورموش بو قیشین

قارا ساریغی اؤرتموش گؤزلریمیزین اؤنونو

گؤره جک یئر قویمامیش گؤرمه یه

دوغمادان دونموش گونش لره

بارماقلیقلار آرخاسینداکی سوغوموش گونش لره

بیته جک گونو یوخ سانکی بو قیشین

تانریسینین ایستی پارلاق گئجه سینی وعد وئرن

گوندوزوموزو سوغودوب قارالدان بو قیشین

تسبه یین ده کی قارا دنه لری

بیزلر اولان او دنه لری گزدیرن

جنتی نی، جهنمی میزه داشی یان بو قیشین

گونش لری دوغمادان دوندوران

گونش لری بارماقلیقلارآرخاسینداکی سوغودان

بیته جک گونو یوخ سانکی بو قیشین

جنبش دانشجویی آذربایجان (آذوح)