آنا دیلی ندیر؟- ائلدار گونئیلی
- توضیحات
- منتشر شده در یکشنبه, 04 اسفند 1392 21:57
1
اوشاق ائشیدر ایلک آنا دیلینده
سوُنرا اوُیرنر بو دویدوغو دیلده
باشلار دانيَشماغا دوُغدوغو دیلده
دیلی اینسان سسلرده ن یاراديًب ديًر
اوُزونو حئیوانلاردان آیيًريًبديًر.
2
دیل اوشاغيًن آنا لای لای سسی دیر
آنا بطنینده ن دویدوغو سسی دیر
بطینده یارانان دوشونجه سی دیر
دوشونجه نی کیمسه دن آلماق اوُلماز
باشقا دوشونجه یه دوُندرمک اوُلماز.
3
اوشاق ایلک اوُنجه ایچینده دوشونر
سوُنرا دوشونجه سین، سه سه گتیرر
سسلر فوُرمالاشيًب دیلی یارادار
دیل اینسانيًن دوُغال دوشونجه سیدیر
دوشونجه نین دویدوران شکیلیدیر.
4
دیل اینسانيً یاشامدا گلیشدیرر
حیوان سوییسینده ن ائنیشدیرر
اینسانليًق قابیلییه تی یارادار
سوُنرا قلمی ایله یازيًیا گئچر
یازيًیا گئچه ن دیللر مکتب لشر.
5
قلمسیز دانيًشيًق حیوانا بنزر
چونکو یالنيًز مئشه لرده سه سله نر
مئشه لرده ن اینسان چوُخدان چيًخيًبديًر
باشقا اینسانلارلا قوُنشو اوُلوبدور
بیرلیکده بیر یئرده توُپلوم قوروبدور.
6
بوتون اینسانلاريًن آنا دیلی وار
اوُنو دانيًشماغا دوُغال حاقيً وار
دیلی یازماغا قانونی حاقيً وار
بیر دیلی یاساقلاماق مومکون دئییل
اوُنا قارشيً چيًخانلار اینسان دئییل.
7
بو گون ایران آدلانان مملکتده
یاشایيًرلارنئچه دیللی میللت لر
هاميًسيًنيًن اوزه ل دیللری وارديًر
هرکسین اوُز دیلی اوُزونه خوشدور
چونکو اوُز دیلی ایله بوُیوموشدور.
8
دیل ایکی فوُرمادا گلیشدیریلر
بیرینجیسی آغيًزدا فوُرمالاشار
ایکینجیسی یازيًدا فوُرمالاشار
یازيًلمایان دیللر ایندیکی اثیرده
محو اوُلوب گئدر ایکی اوچ نسیلده.
9
آنا دیلی خالقيًن گنجینه سیدیر
فوُرمالاشماسيً مینلر ایل چکمیشدیر
اجدادلاريًميًزدان قالميًش ایرسیدیر
قوُروماسيً خالقيًن وظیفه سیدیر
یوُخسا اوُ خالقيًن محو اوُلماسيً ديًر.
ائلدار گونئیلی
سی و یکم بهمن۱۳۹۲
