محموددالغا -بیزیم یول

اوردا بیر یول وار منیم یولومدی

اوزاقدا اولسادا

منی یورسادا.

قیچ لاریم یارالی

ایاقلار قابار

یولومدا دورمایین داشلار، قایالار.

اورکده اود یانیر گؤزومده شاپاق

دایانما قیچلاریم

یورولما، دورما

دایاغیم اول منیم، چاتیم داغا من

داغین باشیندادیر گونشیم منیم.

چوخ اولدوز قارانلیق یوللاردا یاندی

یانان اولدوزچوخدور

سایین بیلمیرم!

کئچمیشیم ده یانیب

تایین بیلمیرم.

گئجه نین گؤزونه گوندوزی سوخدوم

نورساچدیم تئللره قاراسی ایتسین

قارا گونلریمین عؤموری بیتسین

دای او گونلرده گؤزوم قالمییب.

عؤمورم آز دایان،چاتما سونا سن

یولومون یوللاری چتیندیر منیم

گلجک آیدین دیر بیلیرم آمما

اولدوزوم بیر گئجه شاخاجاق گؤیده

یاراجاق قارانلیقین اورگین اوندا

ائلیمین گوجونی گؤررسن اوردا.

اوردا بیر یول وار

بیزیم یولوموز

بیرلیگیمیزده دیر

دیریلیگیمیز.

جنبش دانشجویی آذربایجان (آذوح)