کوپئنهاگئن توپلانتيسي ايله باغلي چئشيدلي الشديريلره قيسسا يانيت!- ائلدار قاراداغلي
- توضیحات
- منتشر شده در چهارشنبه, 27 فروردين 1393 23:19
"سئويملي سويداش! يئتر کي اولوسال اولايلاريميزي قارشيتسيز بوراخماياق!
يئتر کي، آنا هاقيميز اولان بوتون آغيميزا-قاراميزا يييلنميش اولاق! يئتر کي، دوشمنه داش کيمي سرت، اولوسوموزا پامبوق کيمي يوموشاق، آنا وطنيميزين هاقلارينا آخار قلم کيمي آرخاداش اولاق! اينانين، اگر بئله اولارساق قارشيميزداکي فارسچي راسيزم بوز کيمي اريگيب يوخ اولاجاق! بو دئديکلريمه اردبيليميزدن گلن ايگيد بير سسي شاهيد توتورام."
آبباس ليساني بي "چرشنبه گونو، 19 مارت، 2014 تاريخينده فارسچي رئژيمين دوستاغيندان چيخار-چيخماز آمئريکانين سسي راديوسو ايله دانيشميشدير. او، همين دانيشيغين سونوندا دئيير:
"...و منيم سون عرضيم بودور کي، (سون گونلرد) آنا ديلي گونو و بونا بنزر گنل ميللي مسله‌لرده اولانلار گؤسترير کي، (ميللي) فعال و اينسانلاريميز تامان ايختيلافلاري و سليقه‌لرين فرقليگيني گؤز آردي ائده‌رک بير يئره توپلاشير و هر زامان بؤيوک بير ايش باجارماغا قاديرديرلر. بوتون قوروهلاريميزدان، تشکيلاتلاريميزدان، جريانلاريميزدان و فردلريميزدن بو مراسيملرده اولوبلار، بوندان سونرا دا اولاجاقلار. يني قوروهلاريميز، تشکيلاتلاريميز، شخصلريميز و جريانلاريميزآذربايجان ميللي حرکاتي ايچينده بو موققه‌دهس حدف دوغرونتوسوندا (بيرليکد) ايره‌ليله‌ييرلر. (بونلار) بير يوموروغون (فرقلي) بارماقلاريديرلار. بونو هم دوستلار ائشيتسينلر و سئوينسينلر! هم بيزي اؤزونه دوشمن بيلن دوشمن ائشيتسين و دؤيونسون!"
بو سؤزلردن 4 گون اؤنجه يني 15 مارت 2014 گونونده کؤپئنهاگئن شهرينده "گونئي آذربايجان مووققتي موهاجير پارلامئنتي" يارانميشدير.
"گونئي آذربايجان مووققتي موهاجير پارلامئنتي"له باغلي مئديادا ياييملانان بير چوخلو الشديري و آلقيشلار اولموشدور. سؤزسوز کي، بو الشديريلرين هاميسيني بورادا يئرلشديرمک مومکون دئييلدير. سادج، بو الشديريلردن اؤرنک اولاراق بير نئچه‌سي نوتا آلينير:
- سئچيلنلرين آدلاري يان-يانا گلينجه قورخولو تابولو گؤز اؤنونه سرگيله‌نير. بو فرقلي دوشونجه‌لرين بير آرايا گلمه‌سي اوميد وئريجي دئييل!
-بو پارلامئنت هارادان چيخدي. يئني توکانديرمي؟ بو ميلتين دردي آزميش کيمي، بير ده پارلامئنت درديني باشينا آچيرسينيز! بوش-بوشونا اوميد وئرمگين. سيزلردن بير شئي چيخماز!
- بير گون دوست، بير گون دوشمن! بو جمعين ايچيندن ايختيلافدان باشقا هئچ بيرشئي گؤزله‌مک اولماز!
- کؤهنه حامام، کؤهنه تاس!
- گؤرونتو چوخ ايلگينج! بير-بيريني اولمازين ايهانتلرله آلچادانلارين پارلامئنتي!!!!!!!!!
- اوچ-دؤردونو چيخاندان سونرا پاسيولر ييغيناغي!
- ارککلر ييغينجاغي! گرچکدن اوتانج وئريجي!
- بير آرايا گلن چئشيدلي آيدينلاريميزين بو باشاريسي بايرام هاواسي کيميدير!
- ديلگيم ميلتيمين اؤزگورلوگودور. بو يؤنده بير-بيرينيزي باغيشلاياراق بير آيارا گلمگينيز بؤيوک بير اوغوردو. اومارام سونونادک سورر.
- سئوينديم و دؤيوندوم! کوسکونلرين باريشماسيندان سئوينديم. آنجاق، قادينلاري ائوده بوراخانلاردان اورگيم بولاندي! بير د، گنج فعاللارين اولماماسيندان نيگران اولدوم، اومودوم آزالدي!
- سيزي و ديلسيز ميلتيميزي تبريک ائديرم. لوطفا بير داها داغيلمايين. يازيق ميلتيميزين قورتولوشو اوچون داغيلمايين لوطفا!
- گؤزلريميز آيدين! اومودلاريميز و امکلريميز بار وئرير. گونئي آذربايجانيميزين سورگونده پارلامئن صاحيبي اولار!
گوزلریمیز آیدین! اومودلاریمیر و امکلریمیز باروئیری. گونئی آذربایجانیمیزین سورگونده پارلیمان صاحیبی اولور!
- ياشاسين ياشاسين
- بير يئرده ايشه باشلامالارينا چوخ سئوينديم!
- بو آدديم هئر نئدئن چوخ ميللئتيميزين خئيرينئ اولدو وئ اؤزئليکلئ اوردا اولان بؤيوکلئريميزين بير يئردئ اولماسي ايران ايستيهباراتينين گؤزونئ گيردي.
- لبتته‌کيدئديغيز کيميدير گنجليک آغ ساققالاريميزين تجروبه‌لرينه دايااراق بو ايشي سونونا يئتيره‌جک.
- وچ-دؤرد کيشينين گيزليجه بير آرايا گلمه‌سيله گونئي آذربايجانين سورگون پارلامانين يارانيلماسي م.ج.قوليزادنين سيجانلا فيل ناغيلينا بنزرسه د،داها چوخلو ناشي اوستانين هيکايه‌سيني آنيمسادير.
- يلک اؤنجه 1، 2، 3 فرقلي دوشونجه‌لرين جبهه سي يارانماليدير. بو جبهه لرين موزاکيره‌سي اولمالي و سونرا لازيم اولارسا پارلامئنت يارانماليدير.
- بو گونئي آذربايجان مسلسيدير. قوزئيين، تورکييئنين و ايرانين بونون حاقيندا موداخيله‌سي اولماماليدير.
- پارلامئنت ايدئياسي دوغرو و گؤزلدير. آنجاق، بئله گيزليجه يارانماسيني دوغرو بولمورام. بو اوزدن اونا اولوملو ياناشابيلمه‌ييرم.
- بو پارلامئنت بير روحاني پروژه‌سيدير. ايرانين بو ايشده الي اولابيلر.
- گونئي پارلامئنتينين دعوتي قوزئيدن اولموشدور.
- ئلدار بي قاراداغليني صدر سئچمک ايسته‌ييرديلر. آنجاق ندنسه بيردن بو ايش اولماميشدير!
-
و متاسفانه و صد متاسفانه افرادي چون ائلدار قاراداغلي و برخي ديگر براي هزارمين بار دم به تله دادند و بازيچه دستان مزودران افشا شده براي صدمين بار گرديدند…بارها در گفتگوها و ديدارها با افراد بحث کرده ام و گفته ام که گروههايي هستند که از اسم و منزلت شما سؤاستفاده ميکنند و شما بايد مراقب باشيد تا به دام اينها نيافتيد! اما هربار به بهانه اي خنده دار اقدامات خود را توجيه ميکنند، بارها پيشمان ميشوند و
- بار ديگر خودخواسته به دام ميفتند! چه ميخواهند اينها؟ چه ميتوانند اينها؟(يازيقلار اولسون و يوز کره يازيقلار اولسون کي، ائلدار قاراداغلي کيميلر مين کره اولاراق بو دوزاغا دوشه‌رک تانينميش عاميللرين اويونجاغينا چئوريليرلر. من دفعه لرله بونلارا دئميشم کي، سيزين آدينيزدان و مؤوقئعيينيزدن سو-ائ-ايستيفاده ائدن قوروپلار واردير. ديقتلي اولونوز، بو دوزاقلارا دوشمگينيز.آنجاق بونا باخماياراق (بونلار) هر زامان اؤز ايشلريني گولونج باهانالارلا ساوونور، پئشمانليق دويور و ايستمه‌دن دوزاغا دوشورلر. بونلار نه ايسته‌ييرلر؟ نه ائده بيلرلر؟)
بورادا عادتن هر هانسي ييغينجاغي خايينلر، شاپشاللار، باتي-ايسرايل قويروقلاري، اوبالي چته‌سي و بو کيمي اونوانلارلا آتشه توتاراق نيفرت پوسکورنلرين ايهانتلريني جوابسيز بوراخماق زوروندا قالاجاغام. چونکو، ايچيميزده نيفرت و آيريمجيليق سالماغا چاليشانلارين حسابيني دوغرو-دوزگون اينسانلاردان آييرماق گره‌کي ر. من، زاتن ميلت آدي ايله آذربايجانين قودسال آماجلاريني قارا دومانلار ايچينده گيزله‌دنلرله ايشيم اولماز! هر اؤنه چيخان اينسانيميزي قارالاماقلا اوغراشانلارين البتده کي،تئز-گئج گيزلي کيمليکلري اوزه چيخاجاقدير. بو اوزدن، بئله دوشمن آرخينا سو تؤکن اوجوز ايهانتلردن واز گئچيرم!
آنجاق، اورتادا هاقلي اولاراق بير بؤيوک الشديري آلاني واردير. سؤزسوز کي، اولماسي دا ايره‌ليله‌مگين اؤن شرطيدير. يوخاريدا سيرالانان بير چوخ گرچک، هاقلي و اورکدن گلن الشديريلري جوابسيز بوراخماق آچيقجاسي اخلاق ديشيدير. يازينين اؤلچوسو چوخ اولماسين دييه يوخاريدا يازيلان بعضي الشديريلره قيسساجا جواب بيلديرمگي اؤزومه بورج سانيرام.
اؤنجه چوخ قيسسا باشليق آتيشي:
سؤزسوز کي، بللي بير چاليشما آلانيندا قارشيدان گلن چئشيدلي الشديري و باخيش آچيلاريني گؤرمه‌مک ان چيرکين و قابا دئسپوتيزمدير. ميلت آدينا بير قوروم يارانير. بو قوروما قارشي چئشيدلي باخيش آچيسي ايره‌لي سورولور. اومودلو-اومودسوز ياناشمالار اورتايا قويولور. هئچ بير ندن اوزوندن، بو الشديريلري جوابسيز قويماق اولماز! دوشمنجه داش آتمالارين ديشيندا، بو ياناشمالارين هاميسينا باخيلمالي، اؤيره‌نيلمه‌لي و دوغرو يول بولونماليدير. شوبهه‌سيز کي، بللي آلانلاردا دئموکراتيک قوروملاشمانين باشليجا کيمليگي چوخونجولوقدور. چوخونجولوق بللي بير آنا آماج دوغرولتوسوندا چوخ دوشونجه‌لي اورتام ياراتماقدير. چوخونجولوق دوشمن قارداشلارين بئل، بير آرايا گلمه‌سي، آتا ائوينين بيرگه قورونماسي يولوندا قان، کولتور، گلنک، گؤرنک و اولکو پايلاشيميدير. کوردلرد، بيرلشيمي ساغلايان عاميل اشيرتديرس، روسلاردا ايمپئراتورلوق دؤولتچيليگي، ارمه‌نيلرده ايسه قوتساللاشميش دينسل ميلليتچيليديردير. بس، بيز آذربايجان تورکلرينده هانسي اولوسال ايدئولوژيک وار؟ بيز آذربايجان تورکلري اوچون چوخونجولوق بير سئچيم دئييلدير، بير تاريخسل گره‌کي مدير. آنجاق، بو "قيزيل آلما"ني نئج، نه زامان الده ائده‌جگيميزين اؤزو بئل، سورغو آلتيندادير! آچيقجاسي، اورتايا قوياجاق آزاد ايراده‌سي اولمايان بير توپلومون قانونسال و حوقوقسال گوجو اولاماز! بيز، حاضيردا بئله بير توپلوموق! ايران آدلانان يئرده اولدوغو کيمي، دونيادا دا ان اوفاق بئل، ايمضا حاقيميز يوخدور! آچيغي 35 ميليونلوق اينانيلماز بير اسارت بويوندوغو آلتيندا اولان توپلوموق! بيز، يوز ايللر بويونجا بو گرچگي ياشايان بير توپلوموق. ميلتلشمه سورجيميزي مينلرجه عاميل انگلله‌يير. اشيرتچي سيستئمين توپلوموموز ايچينده يئري يوخدور. دين اينانجيميزين ميللي کيمليگيميزله ياخيندان-اوزاقدان هئچ بير پوزيفيو (ولوملو) ايلگيسي يوخدور. چالديران چؤکوشوندن سونراکي دؤولتچيليک ايتگيميزين نيسگيلي شيش اولوب نفس يولوموزو کسمکده‌دير. بونلارلا ياناشي تاريخسل وارليغيميزي، کيمليگيميزي هر گون اودوزماقدايکن دوشمنين ان جللاديني اؤز ايچيميزده شيشيرمگين سانجيسيني چکيريک. آنجاق، بوتون بونلارا قارشين تاريخده گؤرونمه‌يهن بير گنجليک ايراده‌ميز سرگيلنمکده‌دير. گونئيين ميللي-سياسي هاواسي بام-باشقادير. گنجليک هر گون يئني بير اوميد اورتايا قويور. بوتون کسيب-باسمالارا قارشين فارس رئژيمينين بيچاغي هرگون کوته‌لير. آزاد آوروپادا 100 ميللي آکتيوين بير آرايا گلمه‌سي بؤيوک اولاي کيمي گؤرونسه بئل، اهر کيمي اورتا بير شهريميزده يوزدن چوخ ميللي آکتيوين فارسچي رئژيمين گؤزو اؤنونده ميللي-سياسي توپلانتيسي چوخ نورمال ائيلم کيمي گؤرونور! دئمک، ميللي چکيميزيي و اؤلچوموزو گونئيدن آلماغيميز گره‌کي ر. گونئي آذربايجان، هر شئيدن اؤنجه اؤزگور، باغيمسيز و اينسان کيمي ياشاماق ايسته‌يير. گونئيين اورتايا قويدوغو ستراتئژيسيني شوعارلاريندان آنلاماق اولار. بئيينده اؤزگور، تاواندا باغيمسيز اولماق دونيادا اؤزونه ستراتئژيک دوست آراماق، کورسل گوجلرين اويونلاري ايچينه يول تاپماق گونئيين اورتايا قويدوغو ستراتئژينين اؤزول داشيدير. 1945-46-جي ايلده روسلارين آيي دوسلوغونا ايناناراق دونيايا قافا توتدوق. بير نئچه آي گئچمه‌دن همين روسلارين دوشمن اوزونو گؤرونجه دونيايا سسلنسک ده "افسوس بره بيتيرمه‌دي!" آنجاق، سئوينديريجي حالدير کي، بو گون، آذربايجان ميللي حرکاتي چوخ دوغرو سيياسال تجروبه‌ني منيمسمکده‌دير.
آذربايجان ميللي حرکاتينين بؤيوک بير گليشمه‌سي ده چوخونجو حرکت اولماسيدير. هر قوروم بو حرکاتي اؤز يؤنتميله دييشمه‌يه چابالادي. اونو، آذربايجان ميللي دئموکراتيک حرکات، آذربايجان ميللي آزادليق حرکات، گونئي آذربايجان ميللي اويانيش حرکاتي و بو کيمي بللي سوجيال ايدئولوژيک تاخمالارلا منيمسمک ايسته‌ديرلر. آنجاق، ايچري فعاللارين هر زمان بير آد اوستونده دايانماسي بو حرکاتين بوتون دوشونجه‌لري قاپساماسيني آيدينلاشديردي. بو حرکات زاتن چوخونجودور. بونو بو قوروما ويا بير دونيا گؤروشونه مال ائتمک مومکون دئييلدير.
آذربايجان ميللي حرکاتينين اورتايا قويدوغو بير "قيزيل آلما" وار. گونئيين تام باغيمسيزليغي دؤردگئنينده چوخونجولوق! بو، حرکاتين بيز ديشاري فعاللاري اوچون بيرجه حؤکمو واردير. بو حؤکم بئله‌دير: "سيز، ديشاري فعاللاري ايچريده اولانلار کيمي فرقلي دوشونجه‌لرين اولماسيني قبول ائتمه‌ليسينيز!"
ساغلام دوشونمگين ايلک آشاماسي ساغلام گؤرمکده‌دير. دونياني آغ-قارا گؤرمک ان ساده گؤروشدور. من آغام، مندن باشقاسي قاپ-قارادير کيمي کور باخيشلارين بو ميلته ايگنه اوجو قدر ياراري يوخدور. کيچيک-بؤيوک بيلمه‌دن، سئوديگي ميلتينين اوغرونا اوداخلانان اينسانلاري خايين، جاهيل، موزدور، شرفسيز، دوشمن جاسوسو، فارسچي رئژيمين سيزميش فيقورلاري و بو کيمي قارا ياخمالارلا آدلانديرماغين آلتياپيسيندا بوس-بوتون ايتتيلاات ايمضاسي گؤرونمکده‌دير.
گلين بيرليکده دوشونک! هانسي منطيق و ساغلام دوشونج، گونئي آذربايجاندان اولان فرقلي دوشونورلرين بير آرايا گلمه‌سيني خيانت اولاراق آلقيلايابيلر؟ دوغرو ويا يالنيش اولاراق گونئي آذربايجان آدينا قودسال بير آماج اوغروندا بير-بيرينين سيياسي يولونو بينمه‌يهن اينسانلار بير آرايا گلمک گرگينجه قوجاقلاشيرلار. بو قوجاقلاشما جاني دوشمنيميزدن باشقا کيمي راحاتسيز ائدبيلر؟ ندن بعضيلرينين بو قوجاقلاشمادان دولايي جاني و روحو تيترمه‌يه باشلايير؟ تنقيد وار، تخريب وار! تنقيده جان قوربان! تخريبه آجيماماق گره‌کي ر! يوخاريدا بير چوخ الشديري واردير. دوغرو الشديريني تخريبات کيمي ديرلنديرمک گرچکدن جهالتدير. کوپئنهاگئنده توپلانان سئوديگيم-سئومه‌ديگيم، سئويلديگيم-سئويلمه‌ديگيم بعضي داواداشلاريملا ميلت و وƏتƏن آدينا بير آرايا گلديک. هامي بير يئرده گؤروشدوک، گيلئيلنديک، ميلتيم و وطنيم آدينا بيرلشمه يولوندا آدليملاديق، آندلاشديق! هرکس اولدوغو کيمي قبول اولونما يولوندا چابا گؤستريلدي! يئنه ميلت و وتن آدينا بير-بيريميزين گؤزونه ديرک باخديق! عجبا بونون هاراسي خايينليکدير!!! ؟کسيرلريميز اولدو. چاتيشمامازليقلار اولدو. بونلاري آرادان قالديرماق اوچون کسکين قارشي دورمالار اولدو. قارشيليقلي سس اوجالتمالار اولدو. آنجاق، ايچيميزده نيفرت، دوشمنليک آدينا هئچ بير شئي اولمادي! تديرگينليکله باشلايان توپلانتي گؤزل ديلکلرله سونلاندي! بونون نيي پيسدير کي؟ لوطفا يازينين باشينداکي سايين آبباس بي ليسانينين آغزيندان باغير-باغير باغيريلان گونئيين ديلکلريني بير داها گؤزدن گئچيره‌ليم!
هئچ قوشقوسوز، بوگونه‌دهک گونئي آذربايجان آدينا يارانان بير قورولوش بو گئنيشليکده موزاکيره آلاني آچماميشدير. آردي-آردينا مئديالاردان سسلنن دوشونجه‌لر، گئنيش چاپدا ياييلان يازيلار، ايشين بؤيوکلوگونو گؤسترمکده‌دير. گئنيش آلاندا بو فيکيرلري ايکي آ و ب بؤلوملرده يئرلشديرمک اولار:
- ا) "گونئي آذربايجان مووققتي موهاجير پارلامئنت" تملجه دوغرودور. آذربايجان ميللي حرکاتينين بو آشامادا اونا بؤيوک احتيياجي واردير. آنجاق، حوقوق، قانون، دوزن و تاکتيکا باخيميندان بؤيوک کسيرلري واردير. يئنيدن باخيلماسي گره‌کي ر!
- ب) "گونئي آذربايجان مووققتي موهاجير پارلامئنتي" تملدن خايينجه بير چابادير. بونو يارادانلار ميلتين دوشمنلريدير. کوپئنهاگئنه توپلانانلار تورکيي، قوزئي آذربايجان، ايسرايل و باتي جاسوسلاريديرلار. خايين، باشدان خاراب، شاپشال و ساتيلميشديرلار!
گؤروندويو کيمي، قارشيدا ايکي فرقلي باخيش آچيسي دايانير. بيري "تورک محورلي آذربايجانلي" باخيش، ايکينجيسي ايس، "فارس محورلي ايرانلي" باخيش! بو ايکي دوشمن باخيشي بير آرادا توتماغا چاليشان بير کسيم خبرسيزلر واردير کي، کؤتو نيتلي اولماديقلارينا قارشين گئچري اولسا بئل، ايکينجي کاتئقوريده يئرلشيرلر. ب بؤلومو ايله باغلي يوخاريدا يازيلان ايکي پاراقرافدان عيبارتاچيق-آيدين آنلاملارين يئترلي اولماسينا ايناناراق داها چوخ ايلگي آلاني اولان آ بؤلومونه گئچيريلير.
ايلک اؤنجه کوپئنهاگئن چاليشماسينين ان اينجه و دئموکراتيک يؤنتمينه باخاليم. "مووققتي"! "مووققتي" سؤزچوکو اوزرينده دايانماغين ندني بير ساوونما مئتودو اولماقدان داها چوخ دئموجرات قاورام اولاراق دوشونولمه‌ليدير. بئله کي، کوپئنهاگئن توپلانتيسي ان ايلک آنلاريندان بري گئنيش گونئي آکتيويستلرينين بير آرايا گلمه‌سي يوللاريني آختارماغا اؤزن گؤسترميش اولدو.بو اوزدن گئچيجي سؤزو اوزرينده دايانماق تمل شرط اولاراق ايلک سسوئرمه‌ده قبول اولوندو. بو قونو ايله باغلي جيدي دوشونجه دارتيشمالاري اولسا دا "گئچيجي" سؤزو، يئريني قورودو. دوشونولدو کي، "گونئي آذربايجان سورگون پارلامئنتي"نين يارانماسي آغير سوروندور. بو سورون داها قاپساملي، داها گئنيش، داها چئشيدلي دوشونورلريميزين ايشتيراکيله اؤز حليني تاپمليدير. کوپئنهاگئنده توپلانان کيمسه اؤزونو قوروم، پارتييا و يا بير دوشونجه‌نين سئچيلميشي کيمي تانيتمادي. اورادا اولان کيمسه اؤزونو "آذربايجان ميللي حرکاتينين ليدئري، يولبايي و يا نوماينده‌سي کورسوندا گؤسترمه‌دي. هرکس اؤز حددينده دانيشدي، اؤز ايمکاني قدر اورتاقليق ائتدي. هرکس ياخين گله‌جکده تانينميش ميللي فعاللارين بير آرايا گلمه‌سيله "مووققتي" سؤزونون گؤتورولمه‌سيني و گئنيش گنجلي، قادينلي "گونئي آذربايجان سورگون پارلامئنتي"نين يارانماسيني ديله‌دي.
بير نئچه اؤنملي الشديريلره قيسسا باخيش:
- ا) سئچيلنلرين آدلاري يان-يانا گلينجه قورخولو تابولو گؤز اؤنونه سرگيله‌نير. بو فرقلي دوشونجه‌لرين بير آرايا گلمه‌سي اوميد وئريجي دئييل!
سؤزسوز کي، بو قورخو يئرسيز دئييل! داک، داک-لار، جبهه لر، بيرليکلر، شورالار! بو قوروملارين چئشيدلي آدلار آلتيندا بنزر اوغورسوز سونوجلار اورتايا قويماسي ايله ايستر-ايسته‌مز اينسانلار آراسيندا اينامسيزليق يارانميشدير. هاقلي اولاراق گونئيين گله‌جگيله ماراقلانان اينسانيميزين بئله بير تديرگينليک ايچينده اولماسي نورمالدير. آنجاق، هر اوغورسوزلوغون آرخاسيندان بير يئني اوغورسوزلوغون يارانماسي دا منطيقه سيغماز بير قورخودور. اولومسوز گؤرونن قوروملاردا امک وئرميش بير چوخ ميللي چاليشقانين اورتاق نؤقته‌سي اوموددور! اومودسوز هئچ بير گله‌جک اولاماز! گئچميشدن تجروبه آلماق، گله‌جگه اومودلا کؤرپو سالماقدير. اومودسوزلوق ياراتماق دوشمنين ان تمل چاباسيدير. تپه‌دن-ديرناغا اوبيئکتيو و سوبيئکتيو سيلاهيله آذربايجان تورکلوگونون اوزرينه زوملاشميش فارسچي رئژيمين قارشيسينداييق! اومودوموزا، ميللي ايراده‌ميزه و دوغرو اولدوغوموزا ايناناراق بئله بير دوشمنين قارشيسيندا ديرک دايانان ميللي آکتيولريميزين اللريندن توتماليييق. دوشمن، آذربايجان تورکلرينين بيرليگيني داغيتماق اوچون بوتون دؤولت بودجه‌سيني بئل، وئرمه‌يه حاضيردير. تبي کي، اؤز ايچيميزده اولان سورونلارين هاميسيني دوشمنه باغلاماق اولماز. بو سورونلارين بعضيسي اؤزت اولاراق آشاغيداکي کيمي سيرالانير:
- سکيدن قالان سولچو باخيشييلا ميللي سورونا ياناشما سيخينتيسي!
- ميللتچي کسيمين راديکال توتومو ايله سولچو کسيمين موحافيظ اکار باخيشي آراسيندا اولان اويوشمامازليق!
- ميللتچي کسيمين ايچينده‌کيباخيش آچيسي چئشيدليگي! اؤرنک: تورکچولوک، آذربايجانچيليق، ايران تورکچولوگو، بوتؤوچو، گونئيچي...!
- قوروم و قوروملاشما ماهيتيني ايتيرينجه قوروپلاشما پروبلئمي!
- کيشيسل منمليکلر! بو سورون گوندن-گونه يئريني اولوملو قارشيليغا وئرمکده‌دير.
- دويغوسال داورانيشلار! بير چوخ زامانلار ايدئولوژيک قابيغي ايله اؤزونو گؤسترميش اولسا دا، اصلينده عاييله، دوستلوق، هميئرليليک کيمي ميلتلشمه سورجينه قارشي اولان دويغوسال موحافيظ اکارليق کيمليگي چنبري آلتيندا قالير.
- تبريزده ديلده-آغيزدا گزن بير کوتله دئييمي واردير. " سن يئم، من يئييم داواسي!" نه يازيق کي، ديشاريدا اولان ميللي چاليشقانلارين ايچينده بو سورون هله ده گؤزه ديمکده‌دير.
- سؤزسوز کي، يوخاريدا سيرالانميش کؤکلو ندنلره آيريلاريني دا آرتيرماق اولار. آنجاق، يوخاريدا سادالانميش و سيرالانماميش ندنلرين ان آجي سونوجونا گؤزاتماقلا بو بؤلوم قاپانير.سيياسال کولتور! آجي اولسا بئل، بو ان اؤنملي آلاندا ايره‌ليله‌مه نومره‌ميز چوخ آشاغيلاردادير. آچيقجاسي پانروسيزميله پانفارسيزمين بوتون آلانلي باسغيسي آلتيندا آذربايجان تورکلوگونون سيياسال کولتورو بؤيوک اؤلچوده آرادان گئتميشدير! اوزون سور، بو ايکي دؤولت راسيزمينين هئگومونلوغو آلتيندا سويکؤکوموز اولان تورک کيمليگيميز آغير داربا آلميشدير. ايکينجي دره‌جگه دوشن سيياسال، سوجيال و ميللي کولتورل وارليغيميزين آجي سونوجلاري هر بير اولايدا اؤزونو گؤسترمکده‌دير. اؤرنگيم، ان ساده دانيشيقلاردا دويغولانير، سينيرله‌نير، ايلکين داورانيشلا اينانيلماز قارا ياخمالارا تانيق اولوروق. ان ايلکين بير ديالوق اوزوندن عؤمرونو ميللي موجاديله‌ده قويان بيريلري بير آن ايچينده ميت، متن، کگب، ساواما/يتتيلاات/ موساد، سيا کيمي اورقانلارين سرفسيز، ناموسسوز ال آلتيسي مئداليله تلفيقله‌نير!...
اورتادا هاقلي، هاقسيز طرف آراماقلا بيرلشمه‌سي گرکن ائنيرژيميزي پارچالاماق يئرين، ال بير، گوچ بير اولاراق آنتيتورک، آنتيازربايجان دوشمنين قارشيسيندا بؤيوک ايشلري باجارماغيميز گره‌کي ر. بيز، الشديريچيله الشديريله‌نين هر ايکيسينه هاق وئرمه‌ليگيک. سويداشا گؤردوکلري آجيلاردان دولايي، ميللي آکتيويستلره ايس، گئچميشين تجروبه‌لرينه داياناراق ميلت و وتن يولوندا فارسچي رئژيمه قارشي يئني ساواشا گيرمه‌سي اوچون اينانماليييق! باشقا يول يوخدور! بو رئژيمين اوزرينه او قدر گئديلمه‌ليدير کي، آياقدان دوشسون! بونو بيز ميلت باجاراجاييق، باجارماليييق! حتّي دوشمن قارداشلار اولساق بئل، آتا-آنا ائويميزين ناموسونو دوشمن اليندن قورتاراجاييق!
- ب) - ارککلر ييغينجاغي! گرچکدن اوتانج وئريجي!
اوتانج وئريجي و گرچک! کوپئنهاگئن توپلانتيسينا بير قادين آجتيويست بئل، قاتيلمادي. دوغرو آدلانديريلان "ارککلر ييغينجاغي"نا قارشي ساووناجاق بير شئي يوخدور! بيلديگيمه گؤر، تکجه بير قادين چاغريلميشدير کي، او دا گلمه‌دي! بلکه د، او خانيم تکباشينا اوزگون اولداجاغيني دوشونه‌رک گلمه‌دي! منج، گلسئيدي بئل، آجي گرچگيميز دييشمزدي! گونئيده قادينلارا ايشيق اوزو گؤسترمه‌يهن فارسچي-شيه رئژيمينين ياراتديغي بير ارککچي توپلومو هرکس بيلير! لاکين، ديشاريدا بئله بير گؤرونتو يوخدور. ارکک و قادين ائشيدليگي وار. قادينلارا يؤنه‌ليک چوخ اؤنملي دؤولت قانونلاري واردير. بس، بورادا سورون هارادادير؟ بيلريميز اينجيمه‌سهسورونون کؤکونو اؤزلرينده آختارماليديرلار. سؤزوم قادينلارا ائشيدليک حاقي تانييان، آنجاق خانيملاريني اوشاقلارين، ائوين، مطبخين، ائکونوميک تکرين، عاييله دويغوسونون دؤردگئنينين سولطاني سئچنلرله‌دير. بو موللا مئنتاليتينين دوغرودان باتي فورماسيدير. آوروپا و آمئريکادا ميللي موجاديله ايچينده اولان قادينلاريميزين يوزده نئچه‌سي قارشيسيندا اولان بو گيزلي پوسودان قورتولاراق ميلت و وتن موجاديله‌سينه قالخابيلير؟ سورونون کؤکو اولدوقجا دريندير. سادجه بونو آمستئردامدا، بروسسئلد، کوپئنهاگئنده آختارماق دوغرو اولاماز! بير ميلتين ياريسينين اولوسال-سيياسال اولايلاردان اوزاق قالماسينين کؤکونو توپلومون قبير داشلاريندان اله آلماق اولار. تاريخيميزده بئش-اون قادين آديندان باشقا هانسي قبير داشلاريميزين ليدئرليک کيمليگي قادين آدينا عاييددير! تبي کي، بوتونلوکله بشريت تاريخينين بو هاقدا اورتايا قوياجاق بؤيوک ايديعاسي اولابيلمز. آنجاق، بيز اؤز توپلوموموزون بو گونوندن دانيشيريق. آذربايجان ميللي حرکاتي چوخ آجيليقلا بو گرچگي قبول ائتمه‌لي، قادينلارين شوعاردا دئييل، ياشامدا حرکته گيرمه‌سينين يوللاريني ساغلاما آلماليدير.
قادين دردي اؤزلدير! بو اؤزلليگي گؤرمه‌دن قادينين ياشام آلانيندا سؤز صاحيبي اولماسي مومکون دئييل! فئمينيزمين نه اولدوغونو قادين قدر ارکک ده منيمسمه‌ليدير. فيمينيزمي قادينين ارکه‌يه قارشي ساواشي کيمي ديرلنديرمک بيله‌رکدن و يا بيلميه‌رکدن جاهيل باخيشدير. فئمينيزمين آذربايجان ميللي حرکاتي ايچينده تانيتيمي بؤيوک بير هاق کيمي قبول اولونماليدير. عکس تقدير د، آذربايجان ميللي حرکاتينين زاتي سورو آلتيندا قالار. ايستر ايچريد، ايسترسه ديشاريدا قادين باخيشينين اؤزلليگيني قبول ائتمه‌ين دوشونجه‌نين تمه‌لينين آخساقليغي آجي گرچکدير. قاديني، اؤزلليکلري ديشيندا آنلاماغين سونوجو فورماسيندان آسيلي اولماياراق توپلومو ايکييه بؤلمک دئمکدير. چاغداش ائورنده بير توپلومون ديري، قادينين او توپلومدا اولان رولو ايله اؤلچورور. اومارام کي، بو يئني ميللي ايراده‌ميزين قادينا باخيشي تملدن دييشميش اولسون! بيز، قادينا اولان ارکک گؤزلوکلو باخيشيميزي، اينسان گؤزلوگو ايله دييشمه‌ليگيک!
- ج) - "اوچ-دؤرد کيشينين گيزليجه بير آرايا گلمه‌سيله گونئي آذربايجانين سورگون پارلامانين يارانيلماسي م.ج.قوليزادنين سيجانلا فيل ناغيلينا بنزرسه د،داها چوخلو ناشي اوستانين هيکايه‌سيني آنيمسادير."
"پارلامئنت ايدئياسي دوغرو و گؤزلدير. آنجاق، بئله گيزليجه يارانماسيني دوغرو بولمورام. بو اوزدن اونا اولوملو ياناشابيلمه‌ييرم."
بو يازي ياييلارکن هارداسا بير آي کوپئنهاگئن توپلانتيسيندان کئچميش اولاجاقدير. بو بير آي بويونجا "گئچيجي" يئتگيليلرين هر هانسي بيلديرگه‌سي چيخماميشدير. بوندان سونرا چيخماسي دا گؤزله‌نيلمه‌يير. بو عمل، سئچيلميش هئيتين ايش گؤرمه‌مه‌سي دئمک دئييلدير. ايش گؤرولور، آنجاق ميلتيميزدن داها چوخ ميللي دوشمنيميزين دؤرد گؤزو يئرسيز دويغوسال داورانيشلارا ديکيلمکده‌دير. گئچميش تجروبه‌لرين بوتونونون بوشا چيخماماسي بوردا بللي اولماقدادير. بوندان اؤنجه اولدوغو کيمي، بوندان سونرا دا ايشلرين دوغرو يئرينده اوتورماسي اوچون سويداشلاريميزين بعضي الشديريسل گؤروشلريني ايچه چکه‌رک ايره‌ليله‌مک گره‌کي ر. بير چوخ چاليشقان سويداشيميزين چاغيريلانلار ايچيندن اولماق آرزوسونو نجيب بير ايستک ساناراق هامينين گلن توپلانتيدا اولماسينين ايمکانسيز اولدوغو بلليدير. بو اوزدن دوروما خوشگؤرولو ياناشماغين يارارلي اولدوغونو دوشونورم. 9 کيشينين الينده بير-ايکي آيليغينا امانت واردير. هر 9 کيشينين بو امانتي اصيل سئچگينلرينه چاتديرماسي ديلگيني سورغو آلتينا سالمادان اونلارا دستک وئرمک گؤزله‌نيلير. بو چاليشما، گونئي آذربايجانين ميللي ايراده‌سيني کورسل آلاندا ستاتيستيکلشتيرمکله باغلي شانسدير سادجه! کسينليکله بئله شانسلارين دوغرو ديرلنديرمه‌سيله تبريزده قورولاجاق "گونئي آذربايجان ميللي پارلامئنتي"نين گرچکليگي دانيلماز اولاجاقدير!
- د) ايلک اؤنجه 1، 2، 3 فرقلي دوشونجه‌لرين جبهه سي يارانماليدير. بو جبهه لرين موزاکيره‌سي اولمالي و سونرا لازيم اولارسا پارلامئنت يارانماليدير.
بو سؤزلرين صاحيبي کوپئنهاگئنه چاغيريلان، آنجاق اورا گلمکدن قاچينان جبههيييه‌سي آرزوسوندا اولان بير قارداشدير. لوطفا يوخاري جومله‌نين ايچينده گيزلنن دوشونجه‌يه ديقتله ياناشاليم. دوستوموز ايلک اؤنجه ايدئولوژيک پارچالانمايي، سونرا ايسه "آذربايجان ميللي حرکاتيني" رسمي شکيلده فرقلي دوشونجه‌لرين - اوخو! سول، ساغ، ليبئرال - توپلوسو حالينه گلمگي اؤنرير. تبي کي، بورادا بير ايدئولوژيک جبهه نين باشقاني کيمي تمثيل اولماغا دا يئر ساخلانيلير! يوخاريدا دا دئييلديگي کيمي "آذربايجان ميللي حرکاتي"ني سول دوشونجئيله تعريف ائتمک ييخيجي، بؤلوجو و داغيديجيدير. بورادا خوشگؤرولو بير ياخلاشيم اورتايا قوياليم:
آذربايجان ميللي حرکاتي، اؤنون، اورتاسينا سئچيلن بوتون اکلري کسينليکله ردد ائده‌رک بوتون وار اولان ايدئلوژيک گؤروشلري اؤز ايچينده بايينديرماغا اوستونلوک وئرير. فارسچي رئژيمين داغيديجي سيياستلرينه قارشين بو ان دوزگون توتوم و گرکن آنا گؤروشدور. آذربايجان همين دوزگون توتوم اوزوندن ايرانچي ياشيل ديرنيشيندن سيريلمگي باجاردي. هرکس آذربايجان ميللي حرکاتينين بوتؤوچو، تورکچو روحونو بئله ايناندي، بئله قبول ائتمه‌يه چاليشدي. بو ايچرينين دورومودور. بس ديشارينين دورومو ندير؟
ديشاريدا فرقلي تشکيلاتلار ايچريدن آدلانان آمه-نين کيمليگيني اؤز قوروم منفعتلري کيمي گؤرمه‌يه اوستونلوک وئردي. يوخاريدا دا قئيد ائتديگيم کيمي، بير قوروپ اؤز ايدئولوژيک باخيشينا دايالي اونو"آذربايجان ميللي دئموکراتيک حرکاتي" ،بير باشقا قروپ "آذربايجان ميللي آزادليق حرکاتي" ،باشقا بيريسي "آذربايجان ميللي قورتولوش حرکاتي" و هتا بعضيلري داها ايره‌لي گئده‌رک تشکيلاتلارينين آدييلا اونو منيمسمه‌يه اؤزن گؤسترديلر. چوخ قريبدير کي، بو قوروملارين بير چوخو کوپئنهاگئنده بير آرايا گلمه گرگيني حيسئده‌رک "آذربايجان ميللي حرکاتي"نين ندن بئله قالماسينين دوزگون اولماسيني ايشده قبول ائتديلر. آنجاق، بعضيلري هله د، "گلين داغيلاق لازيم اولارسا سونرا بيرلشريک" شوعاريني تو-دن سسلنديريرلر!
- د)- "بو گونئي آذربايجان مسلسيدير. قوزئيين، تورکييئنين و ايرانين بونون حاقيندا موداخيله‌سي اولماماليدير."
"گونئي پارلامئنتينين دعوتي قوزئيدن اولموشدور."
1997-جي ايلين بلکه ده ان بؤيوک ميللي اولايي باکيدا "بوتؤو آذربايجان بيرليگي"نين يارانماسي اولدو. اؤلمز ائلچيبي همين قورومون يارانماسييلا باغلي بونا بنزر سؤزلرله چيخيش ائتدي: "1828-جي ايلده روسلارين عليله بؤلونن ميلتيميزين بيرلشمه و بوتؤولشمه اوميدي بير آنليغينا ايتمه‌دي.آذربايجان خالق جومهوريتيند، قاراباغ ساواشيندا وآذربايجان (قوزئي) ميللي آزادليق مئيدان حرکاتيندا جانلارينيني وتن اوغرونا قويان گونئيلي قارداشلاريميز بونون ايثباتيدير! بيزلر اؤنجه گونئيي آزاد ائتمه‌لي، سونوندا بوتؤو آذربايجان ايدئياسيني گرچکلشديرمه‌ليگيک. آذربايجانين بوتؤولوگو بير ميللي ايدئيادير!"
بير اؤزو، بير قارداشي، بير ده اؤزگه دوشمني بير سيرادا يئرلشديرمک گرچکدن بؤيوک يالنيشدير. هانسي ميلتيني سئون بيريسي، بيله‌رکدن آذربايجان و تورکييه جومهوريتلريني ايران آدلانان دؤوتيله بير آرادا توتار! آذربايجان اؤز به اؤز وطنيميدير. تورکييه اؤز به اؤز قان قارداشيميزدير. ايران آدلانان دؤولت ايس، اؤز به اؤز ميللي اؤزگورلوگوموزه قارشي دوشمنيميزدير! يازيقلار اولسون کي، بوگونه‌دهک آذربايجان و تورکييه دؤولتلريندن گونئيين اؤزگورلوک داواسينا هئچ بير يارديم اولونماميش، بوندان سونرا دا اولماسينا ايشيق گؤرونمه‌يير. سؤزسوز کي، بو ايکي دوغما اؤلکه‌ده دئييل، بوتون دونيا اوزرينده سسيميزه سس وئرن، سياسي، اينساني، حوقوقي و حتّي مالي-تشکيلاتي يارديما قالخان غئيري دؤولت اورقانلارا، سيويل توپلوم قورولوشلارا اولوملو ياناشماغي گؤز آردي ائتممه‌ليگيک! گونئي، بير دونيا گرچگيدير. دونيادان تجريد اولاراق اؤز آنا حاقيميز اولان ميللي ايستيقلاليميزي دوشمنه چئينتممه‌ليگيک! قوزئييميزدن گونئييميزه اوزانان اللرين قيريلماماسينا قارشي بيرليکده آدديملاماليييق. اونوتماياق کي، روسلارين تورک قاجار دؤولتينه قارشي آچديغي ساواش جبهه سينين (1801-1828) فارسلارا هئچ دخلي يوخدور. بوگونون آنلامييلا دئسک 28-ايلليک سويوق و سيجاق ساواش رور-آذربايجان ساواشلاري اولموشدور! بؤلونن وتن و ميلت ايسه آذربايجان تورک ميلتيدير. بو گرچگي گؤز آردي ائده‌رک تاريخده باش وئرمه‌يهن بير افسانه‌ني (يران-روسييا/روس-پئرس/ ساواشيني) گرچک تاريخ کيمي گؤسترممه‌ليگيک. يالنيش، گؤروشلرله ايستر-ايسته‌مز آذربايجاني ايرانين بير عيالتي کيمي گؤسترمک ان بؤيوک باخيش فاجيعه سيدير. بو فاجيعه وي باخيشدان يولا چيخاراق، آذربايجانين دوگما حوقوقلارينين قلوباللاشماسي يوللاريني اؤز اليميزله انگلله‌ميش اولوروق.
- ئ)- ائلدار بي قاراداغليني صدر سئچمک ايسته‌ييرديلر. آنجاق ندنسه بيردن بو ايش اولماميشدير!
بير نئچه يئرده منيم ده آديمين حاللانماسينين ان گولونج يانسيتماسينا قيسساجا يانيت وئريرم. چوخ قيسسا زامان ايچينده دوغرو يؤنتميله ميللي مئديالارين ايچينده پارلاق يئره يييلنميش اولان www.اوجاق.تو <هتتپ://www.اوجاق.تو> آپاريجيسينين بو هاقدا اولان سورغوسونا وئرديگيم جوابيب بنزگيني بورادا تکرار ائديرم. بيرينجي) کوپئنهاگئن گوندمينده بئله بير قونو اولماميشدير! ايکينجيسي) اورادا اولان بير چوخلاري هر باخيمدان مندن ايداره‌چي و بير قوروم باشقانليغينا ياخين اينسانلاردير. من شخصن اوردا اولان بير چوخونو اؤزومه باشقان سانيرام!
يوخاري سطيرلرده ده قئيد اولوندوغو کيمي سيياسال کولتور ايچيميزده ان چوخ دوروخلانميش سورونوموزدور.
سياسي اخلاق، ايچيميزدن اولان بعضيلري اوچون بير بارداق چاي کيميديرکير. بو چاي، سوزنيندن آسيلي اولاراق هر دفعه سينده بير رنگده اولور! آديني چکمه‌ديگيم دوست، مني کوپئنهاگئنه گئتمه‌مک اوچون تشويق ائدير، من ايس، اورا گئدينجه چايينين رنگي دييشير! يالان بيلگي، بؤهتان، ايفتيرا بير آن ايچينده ايللرجه ايليشگيني کؤلگله‌يير! بو هاقدا آرتيق سؤز دئمه‌يه گرک يوخدور منجه!
سونوج:
هر گونئيلي آذربايجان تورکونون اؤزگور و باغيمسيز ياشاماق دردي واردير. حاضيردا بير چوخلاري اؤزگورجه ياشامين نه اولدوغونون ايدراکينا وارماسالار دا، چوخ گئچمه‌دن ميللي قورتولوش يولونا آياق قوياجاقلار. بونون ساغلام ايره‌ليله‌مه‌سينين باشيليجا شرطي الده توتولاجاق لوببي و دياسپورا گوجودور. کيملر بو گوج يولوندا دستکچيميز اولورسا دوستوموزدور. گونئي آذربايجان ميللي قورتولوش ساواشي دوستا احتيياجي واردير. قانباغي بير يانا قالسين، اولوسلاراراسي ستراتئژيک دوستون آذربايجان ميللي حرکاتي اوچون گرکلي اولماسي دانيلمازدير. وته‌نيميز آذربايجانين دا يئرلشديغي بؤلگه‌ني ساواش آلوولاري بوروموشدور. هر داشين آلتيندان ائتنيکسل کيمليک باش قالديرماقدادير. نه آدلا اولورسا تمل ستراتئژيلرين سون آماجيندا يئني کيمليکلر اورتايا چيخير. هر زامان اولدوغونو کيمي سؤمورولن بؤلگه اوزرينده گوچ ساواشي گئدير. هر گون پارتلاقلار اوز وئرير. عوضورن پارتلاقلار قاپيميزي چالماقدادير. هله‌ليک قاپيميزي اؤزوموز دئييل، ايشغالچي فارس رئژيمي آچير. بؤلگه‌نين خريته‌سي دييشير. يئني خريته‌لرين مرکزينده يئرلشن بيز تورکلرين بو دييشيمده هئچ پايي گؤرونمه‌يير. آچيقجاسي، ياشاديغيميز بؤلگه‌نين دورومو وولقان داغينابنزه‌يير. چوخدان بري بو وولقانين پارتلاما ايزلري اوزه چيخماقدادير! بس، بؤلگه‌نين ان بؤيوک سؤمورولن يييه‌سي اولان گونئيين يئري بو وولقانين هاراسيندادير؟ بير سؤزله دئسک ساواشين تام اورتاسينداييق. آنجاق، هله‌ليک اؤز دوروموندان خبرسيز ساخلانيريق. سؤزسوز کي. آز بير زامان ايچينده بؤلگه اولايلاري بومبا کيمي اوزريميزه پارتلاياجاقدير. عجبا، او زامان دا حوقوق دؤولتي، قانون دايره‌سي آختاريشيندا اولاجاييقمي! سيزجه آرتيق، حوقوقون و قانونون گونده‌ليک دييشيمينه اينانما زاماني يئتمه‌ميشدير؟ آرتيق، دونيا آليش-وئريش سيياستينه گيره‌رک شرفيميزي قورتارمانين زاماني گلمه‌ميشدير! يوخسا، اوزاقدان اوتوروب ميلتيميزين و وطنيميزين اؤلوسو اوزرينه آيئ-يئ ياس اوخوماليييق. سئچيم اؤزوموزوندور! دونياني دوست توتماق اوچون دونيادا اولماغيميز گره‌کي ر!
مرحبا دونيا! بيزي دويماغا وارميسينيز!
ائلدار قاراداغلي
2014-04-08
