اویان حیدر بابا!(ائوینین ۳۵۰ اینجی بؤلومونده کی محبوسلارینا) ــ محمد احمدی زاده

حیدر بابا ایلدیرملار شاخدی آمما

سئللر کیمی شاققیلداییب آخمادین

ایلدیریمین سؤنمه سینه باخمادین

یازیق اولسون شوکتیوه، ائلیوه

اوچ یوز اللی ائوین گلسین دیلیوه

تتتتتحیدر بابا مرد اوغوللار دوغدون آمما

نامردلرین بورونلارین اوغمادین

رذیللرین قارشیسیندا دورمادین

ایگیت لرین قول قانادین باغلادین

قانداللاری اللریندن پوزمادین

حیدر بابا دونیا یالان دئدین آمما

زنجیرلره سن هئچ دؤنوب باخمادین

حاق سؤزؤ سن ائشید مه‌دین، قانمادین

ناحاق قانین آخماسینی سایمادین

آغلار آنایا بیر قولاق آسمادین

داشلی بولاق داش قومونان دولدو آمما

باخچالارین یانماسینا یانمادین

سویون یولون هامی یا سن باغلادین

سویون یولون باغلایانی سازلادین

آتلی لاری گینه سوسوز ساخلادین

خزان یئلی یارپاقلاری تؤکدو آمما

بولود کیمی داغدان کنده چؤکمه دین

ایگیت‌لرین دادینا سن گئتمه دین

باغلی اولان اللره هئچ دَیمه دین

اوزلریندن آخان قانی سیلمه دین

حیدر بابا کندین تویون توتدون آمما

قیز گلینین یاس توتماسین گؤرمه‌دین

بیگین توتساق حوجره‌سینه گیرمه‌دین

اَل قولوندان زنجیریوی کسمه دین

اؤزگور اولوب یئللر کیمی اسمه دین

محمد احمدی زاده

جنبش دانشجویی آذربایجان (آذوح)