یئتر آرتيًق اوتانماق یاخجيً شئیدیر- ائلدار گونئلی(2)
- توضیحات
- منتشر شده در چهارشنبه, 28 خرداد 1393 21:12
1
پرئزیدئنت سئچیملری بیر ایل اوُتوشدو
روحانی وه ده لرینی اونوتدو
اورمو گوُلونون سویونو قوروتدو
دانيًشديًراندا حاقلاردان دانيًشيًر
ائتیراضچيًلاريً دوستاقا باسيًر.
2 *- ستتار بئهیشتی کیمیلر
آللاه آديًلا حکومت ائدیرلر
حاققا یئتیشمه یه دعوت ائدیرلر
حاققيً ایسته یه نی دوستاق ائدیرلر
باش ایمه یه نی ائدام ائدیرلر
اووسته لیک مئیید ین*ده وئرمه ییرلر.
3
قئیر فارسلارا بو قه ده ر ضولم ائدیرلر
آغزيً دولو حاقلاردان سوُیله ییرلر
حاققيًنيً اوُلکه ده طه لب ائده نلر
کافه ر اوُلوب، دوشمان دا آدلانيًرلار
کوُله اوُلارسا وطن داش سایيًرلار.
4
وه طه نین یوُلوندا جانيًن وئره نده
وطنداش ایله ایرانليً دئییرلر
میللی حاقلاريًن طلب ائده ن ده
سئپاراتیست ایله دوشمان گوُرورلر
اووسته لیک " تورک خر" ده آديً وئریرلر.
5 *- بالتاجيً آراز کیمی ایستیقلالچيً شاعیری
میللی قوروروموزو اوُلدوروب لر
خالقيًميًزيً آسیمیله شدیریب لر
اوُزله رینی داها اوستون گوُرورلر
آیديًنلاريًميًز تاماشا ائدیللر
یازارلاريًميًزيً* بایکوُت ائدیرلر
نییه بس راسیزمه یارديًم ائدیرلر؟
6 *- فارس کولتورونده
خالقيًميًز بیلیکسیزلیکده ن مه له ییر
بیگانه* کولتورده اوُزون اریدیر
آکتیویستلر مئدیادا سه رگیله نیر
میللی شوعورا بیگانه باخيًرلار
اوُزله رین خالقا تمسیلجی سایيًرلار.
7
اینتئرنئت، فئیسبوکداکيً فعاللار
ایت، آت- پیشیک شکیللرین یایانلار
میللی شوعورا بیگانه باخانلار
اوُزله رینی ایستیقلالچيً آدلانديًريًب،
خاقيًميًزا اوُنده ر یاراشمایيًرلار.
8
ایستیقلالچيً آدلانديًرانلاريًميًز
میللی شوعوردان یوخسونلولاريًميًز
خالقيًنا یالان ساتانلاريًميًز
سیز آذربایجانا بیگانه سینیز
گه له جه یین حمید کارزایلاريًسيًنيًز.
9
ای آذربایجانليً آیديًنلاريًميًز
بایکوُتچولاريًميًزلا هم آوازلاريًميًز
اوممتچی تربییه ت اوُلانلاريًميًز
خالقيً آیديًنلاشديًرمایانلاريًميًز
خالقيًن ایشینه گلمه یه ن له ریمیز
یئتر آرتيًق اوتانماق یاخجيً شئیدیر.
ائلدار گونئلی
بيست و پنجم خرداد ۱۳۹۳
