هارا گئدیر میللی حرکتیمیز ( ایکینجی بولوم )- یاشار گونئیلی
- توضیحات
- منتشر شده در یکشنبه, 08 تیر 1393 19:20
یاخلاشیق 2 ایل بوندان اؤنجه " هارا گئدیر میللی حرکتیمیز " باشلیغیندا بیر یازیم اولموشدور ، ایکینجی بؤلومو اوخومادان ، اوخوجولاردان ایسته ییم بودور کی بیرنجی یازینی ( * ) دیقتله اوخوسونلار .
کئچن یازیمی قارشیما قویوب باخاندا و کئچمیش 2 ایلین اولایلارینی دیقتله آنالیز ائدنده بونودوشونورم کی 1 اینجی یازیدا هر نه ایی اؤن گؤرموشدوم بیره بیر دوغرو چیخمیشدیر .
اؤن گؤردویوم قوروملار توقوشمالاری ، پارچالانمالار و ها بئله حرکتیمیزین سوسقونلوغا گئدیلمه سی بیله مالاسف تمامیله سونوجلانمیشدیر .
ایندی ایسه ایکینجی یازینی 2 ایل دن سونرا یازماقی دوشونور و قراره گلیرم کی یازام .
ارنوموزده ، اولان سورجده نه لر اولاجاق و نه لر اولا بیلیر و نه قدر تدبیرلر آلمالییک :
بئله دوشونورم کی روحاً و جسماً یورقونلانمیش جرکتچیلر آرتیق کئچمیشدن درسلر چیخارمیش اولاجاقلار . اونلار دوشونجک لر کی هر شئی اونلارین دوزنلدیگی کیچیک دونیادا گرچکلنمیر ، اونلارآنلایاجاقلار کی اونلاری توقوشدوران اختلافلی قونولار آرتیق بیر یانا بوراخیلمالی و بوتون قوروملار مجبوراً بیرلشمسلرده اَن آزی ایش بیرلیگینه دوغرو حرکت ائتملیدیرلر . میللی تشکیلاتلار بونو آنلایاجاقلار کی تشکیلاتی دئدیکلری منفعت لردن داها میللی دیرلری اؤنه چیخاریب و مستقل دوشونجه لی گوجلر ایله اوزلاشمالیدیلار .
اونلار آنلایاجاقلار کی آرتیق دونیا ، بایکوت و شانتاژ ائتمه دونیاسی دئیل اونلار آنلامیش اولوبلار کی آرتیق قارشیلاریندا میلی منفعتلری اوستون توتان مستقیل بیر طیف وار .
منجه بو آرادا یئری بوش گؤرسنن " اوزلاشدیریجی ( هماهنگی ) شورا " یارانا بیلر . بو آددیم بیرینجی تدبیرلردن اولمالیدیر و اومارام کی بو ایش اولاجاقدی .
سونرا میللی قوروملار کئچمیشدکی هر طورلو پیسلیکلر و بیر بیرینه یاپدیقی شانتاژلاری اونوتمالیدیرلار بو مسئله نین اوزاتیلماسی دردیمیزی گونی گوندن بؤیوتور و یانلیز واحید دوشمنیمیزه قازانج وئریر .
هله بو مرحله یه انشالله چاتسین اؤلمه سم قالسام سونرا 3 جی بؤلومو قلمه آلارام .
یاشار شانلی گونئیلی
آتبریز
7/4/1393
( * ) :
