يالان دئيرلر- محمود دالغا

سن يئتیم

من يئتیم

هاممیمیز يئتیم

آناسیز

آتاسیز،يوْخ

دیلیمیز يئتیم.

وطنسیز

کفنسیز

دئيرلر بیزه

گۆلمه جه قوْشوللار

گۆلورلر بیزه.

فؤزولی، نسیمی،شهريار هانی؟

غزللر دۆزه له

يالان دۆزه له.

يازیلار يازیلیر

هامیلار يازیر

يازاندا من نه‌دن آيری دئيرلر

سئپاراتیست دئيرلر

خاین دئيرلر.

دئيرلر يئتیمم آمما اێنانما

قوْرخولار سالمیشیق دۆشمان جانینان

ستتارخان شیشلوْلی دیزیمیز اۆسته

ایگیدلر اؤلمه سێنه

هیش واخت اێنانما.

يازیلمیش تاریخلر

اوْلموش تاریخلر

يئدی يۆز مین ایللردیر

واریمیز بیزیم

اوْغولسان گل دۇراق بۇي بۇيا ایندی

گؤرسونلر سێز کیملرسیز؟

بیز کیمیک ایندی.

قانداللی قوْللاری قوْي آچیلسینلار

تیکیلمیش دوْداقلار قوْي آچیلسینلار

دوْستاقلار دوْواری قوْي يخیلسینلار

سێزله بیز ایکیمیز

يان يانا دۇراق

گؤرونسون بؤيوموز

هاردان - هارادی.

جنبش دانشجویی آذربایجان (آذوح)