عیراق تورکملری نین دورومو
- توضیحات
- منتشر شده در پنج شنبه, 19 تیر 1393 13:02
عراق تورکمنلری نیچه ایلدیر یالنیش سیاست یورودوبلر و بوندان هچ بیر درس آلماییبلار.
آمریکا عراقا حمله ادنده کوردلر خمایت اتدیلر اما تورکمنلر اوز ایشلرین دویونلدیلر ترکیه نین سیاستینه و حمله دن حمایت اتمدیلر.
سونوندا صدام رژیمی دیوریلدی ، کوردلر یوخاری سویه ده فایدالاندیلار آمریکادا اونلاردان حمایت اتدی ، اوز بولگه سل دولت پارلمان و اردولارین یاراتدیلار ، اما تورکمنلرین باشی بورکسوز قالدی؛ چونکو دونیانین و بولگه نین دورومون ، دوغرو دوزگون قانمادیلار.
ایندی کوردلر مستقل اولماک ایستییر بونادا زمین یارانیب و آچیق گیزلی حمایتلر اولور اما گینه ده تورکمنلر موجود دورومو دوزگون آنالیز اتمیرلر.هرنه اولور اولسون اونلار کردوستانلا مخالفدیلر.
اما نیه؟ بونلارا نه ضرری وارکی؟ عراق بوتولویونده قالسالار نه یی الده ساغلییاجاکلار؟ مالکی یونه تیمی اونلارا نه وره جک؟ عراقدا تورکمن ساییسی مثلا 10 فاییز اولسا کوردوستاندا 25 فاییز اولا بیلر مثلا.
یعنی جمعیت آغیرلیقی داها یوخاری و داها اتگیلی و گوجلو کی نتیجه ده تورکمنلر بو فرصتی دوزگون و عاقیللیجا دیرلندیرسلر ، گله جک مستقل کوردوستاندا سوز صاحبی اولا بیلرلر. تورکمنلر ایسته سه ده، ایسته مه سه ده کوردوستان دولتی یاراناجاک و تورکمنلر گینه یالنیش سیاستین تاوانین ورجاخ.
تورکمنلر گره ک بو ایشین اونونده دایانمیالار بلکه تام ترسینه کوردلریله ایش بیرلیگی آپارالار اما عوضینده اوز منافعلرینه اونلاردان تضمینات آلالار مثلا فدرال بیر چرچیوه ده تورکمن لرین شهرلرین اداره اتماخ .
یا دولتده بعضی کورسولره صاحب اولماق، یا تورکمن دیلین کورد دیلین کناریندا رسمی دیل تانیتدیرماق و بیله بیر امتیازلار.انگلیسلیلرین بیر سوزو وار if you cant beat them join them.اگر بیرین ییخانمیرسانسا اونا قوشول.
مقاله ی دریافتی
