بیر میللت نئجه کؤچمه یه مجبور قالار ؟! " - بئهنام نورمحممدی نادارلی
- توضیحات
- منتشر شده در چهارشنبه, 15 مرداد 1393 18:50
ایران آدلی جوغرافییادا یئرلشن بؤلگه لری (ایالت) اوستانلارا چئویرمک مسله سی 1300 اونجو ایلین بیرینجی دهه سینده اوز وئردی.
بو بؤلگه لرین آدی اؤزل فاکتورلارلا آدلانیردی ( منطقه نین بیر دیلده دانیشماغی ؛ اورتاق و اوزون سوره لی تاریخ ؛ کولتورو ؛ و حتتا جوغرافییاسی)
اؤرنک اوچون "آذربایجان ، کوردوستان ، بلوچستان ، عربیستان...."
ایندیسه اوستانلا بؤلگه سل قوروملارین فرقی نه اولا بیلر !!!؟
"ایالت دئدییمیز مرکزییتله سهیم اولور و مرکزییت مجبورن بیر شریک تکین داورانیر ، دؤولت هزینه سی ارتش – دربار- اشرافا شامیل اولور . بوتون سازیمانلار موستقیل اؤز برنامه لری ایله ایرلی گئدیر . و اؤنملی اولان ایقتیصاد مسله سینده بوتون درآمد او منطقه نین اؤزونه خشله نیر . آما اوستانی مئتوددا تام ترسینه مرکزییه تین تابئع سی اولوب و بوتون ایختییارلاری وظیفه یه چئویریر .
آرتیق بئله دئسک "داها لوزوم دئییل آذربایجان یا باشقالاری مرکزییتین الینه باخا "
بو آرادا بیر بؤلگه نین هانسی یؤنده مملکتده رول اویناماسینا باخاندا اؤرنک اوچون "آذربایجاندا قطب ایقتیصادی هابئله تیجارت مسله سی قاجارلار دؤورونده و تبریز باش کند (پایتخت) اولدوغوندان دولایی بوتون خاریجی تاجیرلر و سییاستچی لر دوغال اولاراق بیر سیرا مئعیارلار اساسیندا (کنسول گری ، یاخین قونشولوق موناسیبه تی ، یول ، ریفاهی خدماتی و ....) تبریزله هر تورلو آلیش وئریشه گیره ردی .
داها بیر اؤرنک " ساحیلی اولان بؤلگه لرده ساحیلی در آمد، مئشه لی اولان بؤلگه لرو حتتی بعضن مذهبی درآمد (خوراسان) "
دولایسیلا آذربایجان بونلارین هئچ بیریسندن اوزاق دئییل ، یانی هر تورلو چالیشماق ایمکانیندا اولان بیر بؤلگه ساییلا بیلر .
مرکز گرایی (میندار سییاست) باشلاناندان بری بونو آرادان آپاردی
بوتون تصمیملر گئنل (عمومی) توتولوردو و هامییا بیر گؤزده باخیلیردی آنجاق مرکزییتین قازانجیلا اولونوردو آرتیق دئسک "نئچه ایللیک تجروبه نی باشقا بؤلگه لردن سیلیب قوپاریب مرکزییته آپارماق."
ایندیسه موستعمیره اولان میللت (اوستاندا یاشایانلار) بیرینجی مرحله ده بونا دیرنمک گؤسترر آنجاق بو دیرنیش اؤتری (سطحی) زاماندا بیر سیرا ایختیلافلارلا آرادان گئدر و بو طرفدن مرکزیییتین یاراتدیغی جاذیبه گیره وه لری (فورصت) موستعمیره میللت تاریخی و ایرثی اولاراق تقلید ائدیب مرکزییته سئل تکین آخیشماغا مجبور قالیر .
بیزیم اؤز کنیدمیزده بیر میثال وار "خالقین اوشاغی گئتدی اؤزونه آدام اولدو بیزیمکی قالدی !!!!!!!!
یازیقلار اولسون .
سونوج : بیر میللت اؤز قوردوغو و ایناندیغی دورومو ایتیریرسه (ملت در حال اوفول) سونوجدا سئچیملر آراسیندا قالار سونرا باشقاسینا باغلی اولار و اؤز دیرلرینی بیر سیرا ایمتییازلار اساسیندا الدن وئرر هابئله بونو دیل مسئله- سینده ده آرتیق گؤره بیلریک .
"سون درسی فلاکت نه دئمکدیر ؟!! گلمه سه اگر کندینه میللت گئدجکدیر"
a
