گونئی آذربایجاندا میللی حرکت و گئنج نئسلیمیز- آذرخش
- توضیحات
- منتشر شده در یکشنبه, 19 مرداد 1393 22:17
پهلوی رژیمی دئوریلدیکدن سوُنرا ( 1357) دۀ همان چاغدا کوُرپۀ اوُشاغلاراوُلان اینسانلار بوگوُن بوُیویوُب یئتیمیش گئنجلر اوُلموشلار، بیر چوخلاری چئشیدلی ساحۀ لردۀ تحصیل آلیب ، ؤبعضی لریدۀ صنعت تیجارت ، ایشچیلر، کئندچیلرؤ چئیدلی بوُلوم لریندۀ فعالیتت دۀ اوُلماقلا همدۀ عائلۀ قوروب ، طبیعی اوُلاراق هئربیرینین نئچۀ اوُشاغ لاری وار.
اینقلاب نئسلی دئیلن بیرینجی بوگوُن اوُنلارین اوُلادلاری بوُیویوب یئتیشمئک اوُزریندۀ دیرلر، بونلار میللتیمیزین یئنی نئسیللری گئنج اینسانلاراوُلاراق یاشادیقلاری موحیطی تانیماقا باشلییب ، مدرسه چاغیندان ویا ایش محیطیندۀ جوُربۀ جورچئتینلیکلرلۀ اوُزلئشدیکلری حالدا ، زامانین طلبی و حوُکمو نئدنیلۀ طبیعی اوُلاراق مالی مسئلۀ باشدا اوُلماقلا همد میللی ، فرهنگی ، مدنی ، سیاسی ، ایجتیماعی مسئلۀ لرۀ دۀ ماراق گوُسترمئگۀ باشلییرلار. چوُنکی هئر جامعه ده اوُلدوقو کیمی اینسان اوُغلونون دوُشونجۀ سیندۀ ذاتی ماراقلاری اساسیندا ، یاشادیقی محیط دن قایناقلانان جوُر بۀ جوُر سئوال لار یارانیر ، بوسئوال لاردان بیریدۀ من کیمم ؟ وطنیم هارادیر ؟ ، شئهئریم ، ائلیم اوُبام ، آنا دیلیم نئدیر سئوال لاری دیر ! بونا گوُرۀ دۀ چئورۀ سیندۀ باش وئرن هئر بیرآجی ، شیرین حادیثۀ لرین ندئنلرین ؤ سببلرین بیلیب آنلاماق ایستر.
بونلاردان أن اوُنئملی سی آنا دیل باشدا اوُلماقلا ، اوُنون مکملی اوُلان میللی کیملیک مسئلۀ سی دیر، مالی طبقاتی دوُرومو اویغون اوُلانلارتحصیل آلیرلار، تحصیل آلماقا دوُروملاری اوُیغون اوُلمیان لار، ایشچی ، صنعت کار ، زارع ؤ یا کیچیک تیجارتۀ " اصناف" چیلیغا باشلییب ، حئیات لارین سوُردورمئکلۀ بیرلیکدۀ جامعۀ دۀ ؤ دوُنیادا اوُلوب کئچنلری دۀ نظردن کئچیریب ، باجاردیقلاری قئدر حادیثۀ لرۀ دیققت یئتیریرلر، چوُنکو بو یاشادیقیمیز چاقین حوکمودور، چونکو بو گونکو دوُنیادا باش وئره ن حادیثۀ لرۀ سایمازیانا ، تفاوت سوز قالماق اوُلماز، بویاشادیقیمیزچاقین حوکمو اوُلماقلا حئیاتیمیزین آیریلماز بیر پارچاسینا چئوریلمیشدیر.
ایران دئیلن اوُلکۀ دۀ ایسلام رژیمی حاکیم اوُلدوقو گوندن اینسانلارین گوُندۀ لیک یاشایش سوییۀ لری یاخشیلاشماق یئرینۀ ، عکسینۀ اوُلاراق حاکیمییتین یوُکسئک اوُرگانلارین بیر سوُرو سابقۀ لی لات لوت لرایشغال اتمئکلۀ ، آبیرلی حئیثییتلی اینسانلارین سرنوشت لری ، ناموس لارین همان جانی لرین ألینۀ دوُشدو. نتیجۀ دۀ بوگوُن شاهیدی اوُلدوقوموز ایرنج ؤ ضید اینسانی شرایطی یاراددیلار. رژیمین یالان و آلدادیجی وعدۀ لری نئدنیلۀ یوخسول عائلۀ لرین حئیاتی و ایقتصادی دوُروملاری هئرگوُن قات قات پیسلئشیب ، فلاکتۀ چئوریلدیگی حالدا ، همان لات لوتلر بوُیوک قاچاقچی مافیالار اوُلدولار. یارانمیش بئلۀ دهشتلی شرایطدۀ اینسان حاقلاریندان نئجۀ دانیشماق اوُلار؟
ایقتیصادی فلاکت لر باشدا اوُلماقلا ، أمنییت سیزلیک ، هرج و مرج ، 8 ایللیک عمدی محاربۀ نین، آردینجا دینی موُللا راسیست رژیمی نین دهشتلی ظولملری ، رژیم باشچیلارینین نجومی اوُغورلوق لاری ، زیندان ، تجاوز ، اعدام ، اعتیاد ، فساد ، باهالیق و سایرۀ لر باش توُتوب گئتمئکدۀ دیر ، بودور ایران دئیلن اوُلکۀ نین عمومی منظرۀ سی ، علاوۀ اوُلاراق فارس رژیمینین آذربایجان توُرک میللتینۀ قارشی ظولملری داها قات قات آرتیق اوُلموشدور.
لاکین زامانین حوُکموایلۀ آذربایجان میللتینۀ سئویندیریجی اوُلان بیر تاریخی حادیثۀ باش وئردی . 1991 ینجی ایلدۀ سوُویت ایمپریاسی داغیلدی ؤ کمونیزم زنجیرلری قیریلدی. آردینجا سانکی گوُنئی آذربایجان میللتی اوُچون یئنی فرصت یاراندی .
کئچمیش 22 ایلدن بوگونۀ قئدر وطنیمیزین قوُزئیندۀ یارانمیش میللی موستقیل دوُولتی میزین وارلیقی ؤاوُنون هئرساحۀ دۀ ایرۀ لییۀ دوُعرو اینکیشافین گوُروب سئوینرئک ، همدۀ دوُنیادا باش وئرن اوُنئملی حادیثۀ لری گوُروب ایزلۀ مئکلۀ، اوُز گئلۀ جئک سرنوشتیمیزی دوُشونوب اوُنا بیگانۀ لیکلۀ یاناشا بیلمزدیک . چوُنکی قوُزئی آذربایجان نین موستقیللیگی ؤ اوُنونلا یاناشی تورک جمهورییت لرینین أسارت دن خیلاص اوُلماسی ، بوُتون توُرک میللت لرینین یئنی دن دوُغوشو معنا سیندا ایدی. تورُکلویون بویئنی دوُغوشو دوُنیانین هئرهانسی اوُلکۀ سینۀ سئپۀ لئنمیش آذربایجان توُرک میللتی نین میللی غرورونون اوُیانیشینا ؤ یوُکسئلمۀ سینۀ یوُل آچمیشدیر.
توُرکلویون یئنی دن دوُغوشو هئر بیرآذربایجان توُرکونون روُحوندا ، میللی شعوروندا موُثبت تأثیر لر قوُیماقلا ، ألبتۀ کی وطنیمیز گوُنئی آذربایجاندا فارس أسارتی آلتیندا یاشییان میللتیمیزین دۀ احوال روُحییۀ سیندۀ موثبت تأثیرلرقوۀیوب ، کئچمیشلردن فرقلی اوُلاراق " ایدئولوُژی ، اینترناسیوال ، دیکتاتوری پرولتاریا " یوُخ ، بئلکۀ اوُیدوروجو شعارلارین یئرینۀ میللی مفکورۀ آذربایجانچیلیق ، ایستیقلالییت شعورو جوُجرمئگۀ باشلادی .
بواوُزوموزۀ دوُنوش پروسئسی ، خصوصی ایلۀ یئنی چاقدا یاشییان گئنج اوُغلان ، قیز ، قادین آنالاریمیزین دا ، روُحوندا ، دوُشونجۀ سیندۀ ؤ هابئلۀ میللی کیملیکلرین تانییب اوُنو منیمسۀ مۀ لریندۀ موُثبت ؤ تاریخی تأثیرلری اوُلموشدور. بیز بو تأثیرلری فداکار ، مباریز گئنج اوُغلان لارین قیزلارین ، قادینلارین سیماسیندا گوُرمئکدۀ ییک .
یئنی نئسلین اوُزونۀ قاییدماق روُشئیم لرینین سئویندیریجی نمونۀ لری ، بابک قالاسیندۀ کئچیریلن میللی قوُرولتای ؤ فارس رژیمی نین یاساغلامالارینا ، توتوقلامالارینا باخمییاراق ، اوُنون سوُنراکی ایللردۀ آردیجیل داوامی میللی اوُیانیشین گوُجلئنمۀ سی نین علامتی دیر .
بو اوُیانیشین آردیجیل داوامی 1385 ینجی ایل خردادقیامی ، اوُرموکوُلوموزون قورودولماسینا قارشی یوُروشلر، تراختور مسابقۀ لریندۀ وئریلن میللی شعارلار، اوُ جوملۀ دن اینگیلیس دیلیندۀ یازیلمیش ( گوُنئی آذربایجان ایران دئییر) شعاری فارس راسیسمین وحشتۀ سالماقلا ، میللتیمیزین گوُجلو روُحییۀ سی نین ؤ دیرچئلیشی نین آچیق نمونۀ سی دیر . بونا گوُرۀ دۀ گوُنئی آذربایجانین میللی اوُیانیش پروسئسی نین داها گئرییۀ دوُنوش یوُلو یوُخدور ، بو حئرکت میللی ایستیقلالییتۀ نائیل اوُلان گوُنۀ قئدر داوام ائدۀ جئک ، چوُنکوُ میللتیمیزین طبیعی ایستگی و زامانین حوُکمودور .
گوُنئی آذربایجاندا یئنی میللی حئرکت یاراندیقی چاقدان بئری فارس موُللا راسیست رژیمینین زیندانلاری آذربایجانلی مباریزلرلۀ دوُلوب داشماقدا دیر. چئشیدلی شئهرلرین زیندانلاریندا اوُلان شرفلی غئیرتلی قهرمان اوُغول ؤ قیزلاریمیزین دیرۀ نیشلری ، و اوُنلارین قهرمانجاسینا اوُز میللی کیملیکلریندن ، آنا دیللریندن جسارتلۀ مدافعۀ اتمۀ لری فارس رژیمی نین سرسم لئشمۀ سینۀ سبب اوُلموشدور، بو بوُیوک اینسانلارین قهرمانلیقلاری اوُنودولماز اوُلاراق ، آدلاری میللی حئرکت تاریخیمیزدۀ قیزیل حرف لرلۀ یازیلمالی دیر.
اوُنئملی مسئلۀ لردن بیری دۀ ؤطن داخیلیندۀ میللی حئرکتی بیرلیکدۀ گئنجلریمیزین رهبرلیگ اتمۀ سی دیر، حئرکتین باشچیلاری میللتیمیزین جسارتلی ، باجاریقلی ، فداکار ، آییق ساییق گـئنجلری رهبرلیگ دیر، آنجاق بو اوُ معنادا دئییر کی تجروبۀ لر گوُرموش ایللر بوُیو وطن ، میللت عشقی ایلۀ یوُرولمادان، سارسیلمادان ، ایستر شاه رژیمیندۀ ، ایستر موللا رژیمین حبسخانالاردا ایشکنجۀ لرۀ ؤ جوُربۀجوُرعذابلارا معروض قالمیش یاشلی اینسان لاریمیزی اوُنودوب ، اوُنلاری بیر کنارا بوراخماق معناسیندا دئییر، اصلیندۀ دوُشمانیندا ایستۀ گی بودور ، عکسینۀ اوُلاراق یاشلی لارین اوُزون ایللرتجروُبۀ لری، گئنج لرین انرژیسی ایلۀ بیرلئشئرئک، میللی حئرکتیمیزین باجاریسی نین داها آرتیق گوُجلئنمۀسینۀ یوُل آچار .
بو گوُنلردۀ فارس راسیست لرینین مئدیالاریندا یئنی بیرآزدیریجی و حیلۀ کار اوُیونا باشلامیشلار، بو اوُیونو تام مهارت لۀ بعضی ضعیف فیکیرلرۀ آشیلاماغا باشلامیشلار، کی گویا ! کئچمیش نئسیلین دوُرانی سوُنا چاتمیشدیر! داها کئچمیش تاریخلردن یاد اتمئک و یا اوُنو تیکرار یادا سالماقین نۀ لزومووار، ؤ نۀ دۀ اوُنون دئییری وار؟! چوُنکی کئچمیش حادیثۀ لرتاریخدۀ قالیب ! اوُ خطاکارلار آرتیق یانمیش واراقلار اوُلاراق أسکی لئشمیش بئیینلردیرلر ! اوُنلارین زامانی کئچیب ؤ فیکیرلری پاس وُوروب ! بئلکۀ دۀ فارس راسیست لری نین بئیین لری پاس وُورموش اوُلسون ؟؟
بوآزدیریجی تبلیغات لاری ائدرکن، اوُزلری دوُرمادان هم اسکی قوُندورما " کوُروشدان، داریوُش دان ، انوشیرواندان ، فیردوسی دن ، ریضاخاندان ، محمد ریضادان ، فروغی دن ، مستوفیدن و باشقا راسیست لردن آغیذ دوُلوسو دانیشیب ، قومدارما میثاللار گئتیریب ، اوُنلارین جینایت لرین خئیانت لرین گیزلئدیب ، ایرانچیلیق لارین ، فارسچیلیق لارین قات قات شیشیردیب ، بوُیودوب ، فارس گئنجلرینین بئیینلرینۀ آشیلاماقا چالیشیرلار! و بیر چوُخلاری موللا رژیمی ایلۀ ایش بیرلیگی تیجارت ائدیب ، گیزلی دۀ آشکاردا اوُنلارا یوُل گوُستریرلر.
بوگوُن آمئریکا ، کانادا ، آوروپادا اوُلان ؤ حال حاضیردا یاشاماقدا اوُلان (80 ـ 90) یاشیندا اوُلان فارس راسیست لریندن آغیز دوُلوسو دانیشیب ، اوُنلاری داهی ؤ یوُل گوُستریجی آدلاندیریب ، بوُیوک حورمت قوُیورلار. نمونۀ لرین لوُس آنجلس فارس کاناللاریندا هئر گوُن گوُرمئگ اوُلار.
لاکین ، گوُنئی آذربایجانین میللی حرکتی اوُز مقدس قوُرتولوش یوُلونا یوُرولمادان ، سارسیلمادان داوام وئرمئکدۀ دیر.
یاشاسین آذربایجان میللتی نین بیرگۀ میللی مجادیلۀ سی . آذرخش ــ 9 / 8 / 2014
