گوُنئی آذربایجاندا میللی حرکت و گئنج نئسلیمیز.-- آذرخش
- توضیحات
- منتشر شده در پنج شنبه, 30 مرداد 1393 14:51
مقالۀ نین داوامی اوُلاراق : دئمیشدیک کی بیر نئچه واخت دیر کی فارس راسیست محافیلی اوُز مئدیالاریندا ( تلویزیون و اینترنت سایت لاریندا ) بعضی تانینمیش آنتی آذربایجان ؤ آنتی توُرک دانیشمانلاری ؤ یازیچیلاری آزادلیق قورتولوش یولوندا موجادیلۀ ائدن یاشلی و گئنج آذربایجانلی مبارزلرۀ قارشی اوُلمازین تهمت لرین وُوروب اوُنلاری بوُلوجوُ«تجزیۀ طلب» بیگانۀ لرنوکری و باشقا اوُزلرینۀ یاراشان کلمۀ لرلۀ زئهرلی تبلیغاتلارؤ دامغالار وُورماقدا دیلار .
بو تهمت لری بیر حالدا آذربایجان توُرکلرینۀ وُوروُرلارکی ، راسیست فارس باشچیلاری هئلۀ یوز ایللر قاباقدان ؤ یا ایستر پهلوی رژیمیندۀ ، ایستر بوُگوُنکو موللا رژیمیندۀ اوُزلری نئسیلدن نئسیلۀ اینگیلیس ، روس ؤ باشقالارینین آچیق آشکارنوُکرچیلیگیندۀ اوُلموشلار ؤایندی دۀ واردیلار.
آذربایجان توُرک میللتی کیمسۀ یۀ نوُکرچیلیک اتمۀ میشدی ، مستعمرۀ لیکدن خیلاص اوُلوب اوُز سرنوشتینۀ حاکیم اوُلماق ایستگی ایلۀ ، اسارت خیلاص اوُلماق ، أسیر اوُلموش بیر بوُیوک میللتین طبیعی و قانونی حاققی دیر .
کئچمیش مبارزلردن بیرچوُخلاری موُللا فاشیست رژیمینین تعغیب لری و جوُربۀ باسغی لارینا باخمییاراق حال حاضیردا وطنیمیزدۀ و بعضی لریدۀ خاریج اوُلکۀ لردۀ یاشاماقدا دیرلار، بو بوِیوک آرمانلی اینسانلار هئچ زامان آنا دیللرین ، آذربایجانلی و توُرک اوُلدوقلارین اوُنودمامیشلار، وطن دۀ ایسۀ فارس رژیملرینین آسیمیلاسیون باسغیلاری بیرطرفدن ، حئیاتین چئتینلیکلری دیگر طرفدن دوُزولمز شرایط داوام ائدرکن، آنجاق اوُنلار سوُنسوز ایرادۀ ایلۀ مبارزۀ مئیدانیندا گئنج نئسلیمیزلۀ چیین چیینۀ میللی وارلیقیمیزین صداقتلی گوُزئتچیلری دیرلر.
ألبتۀ کی فارس راسیست لری موباریز تورک میللتینۀ چامور آتماقدا اوُستادیرلار، اوُنا گوُرۀ دۀ بو یوُرولماز ، گوُجلو ایرادۀ لی اینسانلاری هئچ زامان گوُرئر گوُزلری اوُلمامیشدیر ؤ یوخدور ، بو سبب دن جوُربۀ جوُر باشقا مئدیالاردا پهلوی رژیمی نین جینایت لریندن دوُگونلوکلۀ دانیشیلدیقی زامان " غضبلئنرئک ! اوُتانمادان اوُزلرینۀ حاق وئریب اوُ حادیثۀ لرتاریخدۀ قالدی دئیۀ " جینایت لرین اوُستون آچماق ایستۀ میرلر، چونکی بو گوُنۀ قئدر حئیاتدا قالان دموکرات میللییتچی آذربایجانلیلار کئچمیش میللی موجادیلۀ نین تجروبۀ لی ؤ جانلی تاریخلری دیرلر، ائلۀ بونا گوُرۀ دۀ فارس راسیسمی جوُر بۀ جور شیوۀ لر و آغیر تحقیرائدیجی کلمۀ لرلۀ میللتیمیزین یاشلیلاری ایلۀ گئنجلری آراسیندا ایتخیلاف یارادماق اوُچون ، ایسترداخیلدۀ و یا خاریجدۀ اوُنلارا هئر جوُر تهمت لر وُورماقلا ( چوُروموش ، یانمیش کارت لار !!) آدلاندیرلار! بیرحالداکی اصیل فیکیرلری چوُروموش تاریحدن سیلینمیشلر اوُزلری دیرلر.
عینی حالدا تلاش ائدیرلر گئنجلریمیزین بئینیدۀ قاباقجیل موباریزلرۀ قارشی بد بین لیک ، کوُهنۀ فیکیرلی لر، پاسیف اوُلموشلارعنوانی ایلۀ فیکیر تخریباتی یارادسینلار.
ایران دئیلن مخروبّ یۀ حاکیم اوُلان موللا راسیسم رژیمی ایلۀ سیخی ایش بیرلیگی ائدن ، فارس پان ایرانیست لری بوکیمی زهئرلی شیوۀ لرلۀ دانیشارکن، آیدین دیرکی اوُنلارین معیین هدف لریدۀ وار، گوُنئی آذربایجاندا گوُندن گوُنۀ گوُجلنمئکدۀ اوُلان میللی قورتولوش حئرکاتین ، بوگوُن میللتیمیزین شهامتلی ؤغیرتلی اوُغول قیزلاری رهبرلیگ ائدیرلر، گئنج نئسلیمیزین یوُرولماز ، سارسیلماز موجادیلۀ لری نتیجۀ سیندۀ هم رژیمین باشچیلاری ؤ همدۀ اوُنلارین خاریج اوُلکۀ لردۀ اوُلان قویروقلارین قورخویا وحشتۀ دوُشموشلر.
هئرگوُن فارس مئدیالاریندا گوُنئی آذربایجانین میللی حئرکاتینا قارشی گئنیش ؤ منفی تبلیغاتلار یاییلماقدا دیر، اوُنلارسئچیلمیش کلمۀ لر ؤ موذیانۀ تبلیغات لارلا خاریج اوُلکۀ لردۀ فعالییت ائدن ؤ توُرکلوک مفکورۀ سیندن مدافعۀ ائدن آذربایجانلی لارین بئنیندۀ میللی حئرکتۀ دائیر شئک ، تردید یارادماق و اوُنلاری اوُز کئچمیش آتا بابالارینین آزدالیق یوُلوندا آپاردیقلاری فداکارلیقلارینا بد بین اتمئک ایستۀیرلر ، بوناگوُرۀ دۀ میللی فعاللاریمیزآذربایجانچیلیقی و تورکلوگو منیمسۀ دیکلری حالدا اوُنلارین بوُتون دوزاقلاری پوچا چیخاجاقدیر.
فارس پان ایرانیست لری عمدۀ اوُلاراق 21 آذر قیامینا ؤ میللی حاکیمییتین رهبرلرینۀ قارشی باشدا سید جعفر پیشۀوری اوُلماقلا کینۀ لرین هئلۀ دۀ خائین اوُرۀ ی لریندۀ داشیماقدا دیرلار. بو بیر حالدا دیر کی اوُتانمادان پهلوی رژیمنین بوُتون جینایت لرین اوُرت باسدیر ائدیرلر!
لاکین گوُنئی آذربیجانین یئنی گئنج نئسلی دوُزگونلوکلۀ کراواتلی ، عمامۀ لی فارس راسیست لرینین بوُتون شئیطانی ؤتخریباتچی اوُیونلارین بیلیرلر. سوُنوندا بونودا قئید اتمئک یئرندۀ اوُلارکی :
ــ میللی حرکتین بوگوُنکو و گئلۀ جئک رهبرلری گئنجلریمیزاوُلماقلا بیرلیکدۀ ، اوُنلار بوُتون میللتیمیزلۀ سوُزدۀ ، عملدۀ ، هدف دۀ چیین چیینۀ مجادیلۀ ائدیرلر.
ــ ایران دئیلن یئردۀ حاکمییت فارس راسیست لرینین ألیندۀ اوُلدوقو حالدا ، فارس دیلی دۀ زوراکی لیقلا حاکیم اوُلموشدور ؤ بو یادلار دیلی زوُراکیلیقلا آذربایجان میللتینۀ تحمیل اوُلونماقدا دیر .
ــ خاریج اوُلکۀ لردۀ اوُلان میلیونر فارس آریاچیلارینین داواسی أللریندن چیخمیش مقاملاری ، وزیرلیکلری ، رئیسلیکلری ، غارتچیلیکلری خاطیرینۀ دیر. یوخسا اوُنلارین فارس حاکیمییت ایلۀ عمدۀ مخالیفت لری یوُخدور.
ــ رژیم اوُنلارا یاشیل چیراغ گوُستردیگی حالدا ، فرصتی ألدن وئرمۀ دن خامنۀ ای ؤ باشقا موُللا لارین أللریندن اوُپمئگۀ دۀ حاضیردیرلر.
ــ بونا گوُرۀ دۀ داخیلدۀ ، خاریجدۀ اوُلان آذربایجانلی لار بئلۀ یئرتیجی ، ایرقچی دوُشمانلارین قارشیسندا تشکیلاتلانمالی ؤ بیرلئشمئلی دیرلر. چونکی میللتیمیزین ، ؤطنیمیزین تک قورتولوش یوُلونون چارۀسی بیرلیگیمزدن آسیلی دیر.
یاشاسین گئنجلریمیز ـ یاشاسین بیرلیک ــ آذرخش ـ 20 / 8 /
