باتی آذربایجان دا" ترور اکن لر "اینسان حاققی" بیچه بیلمزلر- مهسا مئهدیلی
- توضیحات
- منتشر شده در یکشنبه, 22 دی 1392 22:17
گونئی آذربایجان میللی حرکاتی دیکتاتورلوغا و عئینی حالدا شوونیست بیر رژیمه قارشی ؛ایلکل انسان حاقلارینا؛ ساغ دویو و مدنی موباریزه یه دایالی؛ اجتماعی لشمک ده دیر.عئینی حالدا بوتون بو اینسانی و اوزگورلوکچو حاقلار اوچون اجتماعی بیر دابان(بستر)اولوشماسی دا شرط دیر.آیریجا گونئی آذربایجاندا یاشایان تورک اولمایان آزینلیق لارین حاقلارینی دا تمثیل ائده بیله جک ظرفیتی واردیر.
باتی آذربایجاندا یئرلشن و گئت گئده چوخالان آزینلیق لارین وارلیغی بیر گرچک دیر. بولگه ده ترور اسدیرن قروپلار بو نفوسون چوخالماسینا دایاناراق ؛ باتی آذربایجانین آدینی دییشمه و توپراق ایددیعالاری و بو بولگه نین ماددی معنوی دیرلرینه مسلط اولماق یونونده حرکت ائدیرلر.
دونیادا رسمی تروریست لیسته لرینده قئیده گئچمیش (پ ک ک ) و (پژاک ) کیمی ترور گروپلارینین عملیات بولگه لرینین بویوک بیر بولومو ده باتی آذربایجان توپراقلاری دیر. بو اوزلرینین آچیق آچیق اعلان ائتدیگی و اعلانیندان داچکینمدیکلری بیر گرچک دیر.
حاق و اوزگورلوک اوچون دئولته قارشی سیلاحلی ساواش؛ اوستوندن دانیشماق ایسته میرم کی بو بیر حاق دا اولا بیلیر آما دئولته قارشی کوردلرین حاقلارینی آلماق اوچون ساواشماق ایدیعاسیندا اولان بو ترور قروپ لارینین هدفی نین بویوک بیر پارچاسی دا سیلاح سیز دیفاع سیز باتی آذربایجانلی لاردیر.
باتی آذربایجان دا ترور و وحشت اسدیررک آیریجا نفوس چوخالتما سیاستیندن ایستیفاده ائدرک هم تورک لرین اوز یوردوندا امنیت سیزلیک و کوردلره قارشی بیر نفرته سبب اولورلار هم ده اوز خالقلارینی فلاکته سوروک له ییرلر جان اوستوندن جان بازارلاماسیلا بیر وحشی ساواشدیر بو...
آنا دیل حاققی و دموکراتیک حاقلار اوستوندن ایشغالچیلیق و توپراق ایددیعالاری و سیلاح و ترورا دایاناراق زوربالیق ائتمگه بیرده تر تمیز اینسان حاقلاری قیلیفی گئیدیرمک ده بیر قانلی ساواشین خبرچیسیدیر.
ترور قروپلاری توپراق ایددیعالاریندان و باتی آذربایجانی استراتژیک بولگه لری اولاراق اعلان ائتمه لرینین یانیجا اونلارین اوزانتیسی اولان خبر آژانسلاری اوزللیک له بعضی اینسان حاقلاری قوروملاری دا بیلگی کیرلیلیگی یاراداراق
عئینی چیزگیده حرکت ائدیرلر.
آیریجا جمهوری اسلامی دن تایید آلیب مجلسه گئتمیش بعضی کورد نوماینده لرین ده عئینی چیزگیده حرکت ائلمه لری دیققت چکیجی دیر.
نییه دئییریک ترور قروپلاری اوزانتی سی؟
بعضی اورنک لر وئررک دیققتینیزی چکمک ایسترم.
بونودا آچیقلاماقدا فایدا وار کی جمهوری اسلامی نین تاییدین آلمیش نوماینده لری؛ اولور اولسون؛ یوخسا داغدا چیگنینه سیلاح گوتورن تروریست اولسون ؛یوخسا مدنی فعال آدینی داشییان لاری اولور اولسون؛ غالیب بیر اورتاق هدف وار او دا باتی آذربایجانی کوردوستان گوستریب، یئری گلدیگینده دئموکراتیک اورتاملارا؛ یئری گلدیگینده اینسان حاقلارینا؛ یئری گلدیگینده اینسان اولدورمه گه سیغینماقدیر.
بوردان بئله بیر نتیجه چیخیر؛ سیلاحلی سی،سیلاحسیزی، رژیمه باغلی اولانی و اولمویانی نین بو چیزگیسی دییشمیر: باتی آذربایجاندا توپراق ایددیعالاری و بو ایددیعا اوستونده اورقانیزه اولماق.
اورنکلر و او دییشمه ین چیزگی:
-1325-1324آذربایجان میللی حکومتی ایله چیگین چیگینه گورونن مهاباد دا قاضی محمد باشچیلیغیندا قورولان حکومتین؛ بویوک قایغی سی باتی آذربایجانین قوزئی شهرلریندن ان آز یاری ایداره حاققی قازانماق و آذربایجان میللی حکومتینین بو بولگه ده گوجونو آزالتماقدیر. بو حالدا کی او زامان کورد لرین ساییسی بو بولگه ده یوخ دئییله جک قدر آزایدی.
اورنک اوچون قاضی محمد، قوام السلطنه یه بئله بیر اونری گوتورور و حاضیر اولور قارشیلیغیندا آذربایجان مییلی حکومتینین علیهینه قوام اسلطنه ایله بیرلشه شرطی بودور:آذربایجان میللی حکومتی آذربایجان دا سقوط ائدن دن سونرا، اورمونون حکومتی پستلارینین، یاریسی کوردلره وئریلسین.
-ایران انقلابیندان سونرا کوردوستان دموکرات حیزبینین (قاسملو باشقانلیغیندا)چلیشگیلی داوراندیغی و منفعتینی باتی آذربایجان ا مسلط اولما یونونده چیزدیگی آچیق و آشگار دیر
بو حیزب 32 ایل گیزلی چالیشمادان سونرا جمهوری اسلامی نین قورولماسیلا بیرلیکده کوردوستان.(اوزه رک)خودمختار بولگه سینین طرحین وئریر و بو حکومتی هاردا قورماق ایستدیگینی بئله آچیقلاییر:
"ک.دئموکرات حیزبینین اورتایا قویدوغو اوزه رک کوردوستانین سینیرلاری، ایرانین کوردوستان یوردونون هامیسینی ایچریر(شامیل اولور)کوردوستان سینیر لاری تاریخی جغرافیایی و اقتصادی شرطلره گوره و چوخونلوغون ایستکلرینه گوره بلیرلنیر" .
ک.دئموکرات حیزبینین باشچیلارینین خمئینی یه آچیق مکتوبو (آیندگان(1358 /5/15):
"جناب آیت الله بیزیم حیزبیمیز کورد خالقینین ایستکلرینی انقلابدان سونرا اورتایا قویوبدور سیز اوزوز یاخین گوروشوموزده بیزه بویوردوز جمهوری اسلامی ده آیری سئچگی لیک(تبعیض)یوخدور .ندن سالماسین و اورمونون یوز مینلرجه کوردونون بیر نفر ده نوماینده سی شورالاردا یوخدور"
بو حیزبین سولدوزون مئیدانیندا مسلحانه میتینگ اصراری و سولدوز ساواشی و بوتون بوردا وئردیگیم اورنکلردن آنجاق بو سونوج چیخا بیلر کی یئری گلنده باریشجیل(مسالمت آمیز) قیلیف گئین تئروریست قروپلار ؛باتی آذربایجان دا بیر چوخونلوق یاراتماق و چوخونلوق کیمی گورونمک اوچون اللریندن گلن هر ایشه متوسل اولورلار. ایکی مسئله نیده آرتیریم کی هر هانچی بیر خالقین خودموختارلیق ایسته مه سی اونون حاققی دیر آما بو خودموختارلیغی قونشو خالقلارینین توپراقلاریندا و بوردا بیزیم توپراقلار اوستونده قورماق ایسته می آنجاق بیر متجاویز و اشغالچی ذهنیت و سیستمدن قایناقلانیر.
ایکینجی مسئله چوخونلوغا ایصرار لاریندا؛ ایشلدیلن حیله لردیر کی 30 ایل بوندان اونجه بئله ؛سلماسین یوز مین نفر نوفوسو یوخویموش کی اوردا یئرلشن آزینلیق یوز مین اولسون...
1358 رادیو بی بی سی:سولدوز کوردوستانین قاپی سیدیر
چمران سولدوز میتینقی حاققیندا بئله دئییر:
«تعجب ائلملی دیر کی یوزده 12 کورد نفوسو اولان بیر شهر نییه میتینق مرکزی اولاراق سئچیلیر»
-اوجالان آ. ک. پ حکومتی ایله باریش سورجینی باشلاتدیق دان سونرا وئردیگی یئنی ایل(نوروز) مساژیندا اوز خالقینی خیطاب ائدرک "زاگرس دان آغرییا قدر ساکن اولان کوردلرین آزادلیق ساواشیندا اولدوقلارینی بلیرتدی".(باتی آذربایجان دا بو چیزگی ده دیر)
-هله ده کوردوستان دئموکرات حزبی شعار وئرنده فدرالیسم و ایراندا سیتم آلتیندا اولان خالقلارین حاقلاریندان و حتی ایش بیرلیگیندن دانیشیر؛ تامام بورا قدر سورون دییل ؛آما گوتوردوگو سیاست ده "آذربایجان غربی"اوستانی نین آدینی"اورمیه "اوستانی اولاراق بلیرلیر.آذربایجان آدینین اینکارینین ندنی ندیر؟؟؟آیریجا وئردیگی بیلدیریلرینده اورمو و آذربایجان شهرلرینی کوردوستان کیمی گوسترمه گه جهد ائدیر؛بو ایل یئنی ایل مساژلارینین بیر بولومونو اورنک اوچون گتیریرم:
(شما مردم شجاع ...از ایلام قصر شیرین-سرپل ذهاب-پاوه-کرمانشاه-تا مرگه ور و ارومیه از سنندج و مریوان در تمامی شهرهای کوردوستان...)
-خدیجه منصوری اورمو شهر شوراسینین اویه سی اولاراق ؛ ساغ دویو ایلا اونا اوی وئرن اورمو خالقینین جوابین بوجور وئردی
او سنندجین "هاوار"قزئته سیله دانیشیغیندا(19 آبان 1386) اورمیه دن ماکی یا دک قوزئی کوردوستان اولدوغونو ایددیعا ائتدی .ایلگینج اولان دا بودور کی بو قزئته آتدیغی باشلیقدا اورمونون شورا اویه سی سئچیلن منصوری نی "دختری از خطه کوردوستان" اولاراق تانینتدی.بونو دئمک ده ده فایدا وار کی بو قزئته نین سوروملو مودور (مدیر مسئول)و باش یازاری سنندجین اوستانداری سینین مسئول و ارشد مودورلریندن ایدی.(سید هاشم هدایتی :مدیر کل صنایع استان ... و مشاور استاندار...)(محمد علی توفیقی:مدیر ارشد استانداری ...)
-بهاءالدین ادب سنندجین نوماینده سی ایران مجلسینده اورمونو بویوک ک.و.ر.د.س.ت.ا.ن.ی.ن قلبی اولاراق آدلاندیردی.
-خاتمینین زامانینداکی یاردیمجیسی(معاونی)رمضان زاده تبریز بیلیم یوردونداکی بیر دانیشیغیندا اورمو و سولوزو ک/و.ر.د.س.ت.ا.ن.ن آیریلماز پارچالاری اولاراق بیلدیردی.
-عابد فتاحی اورمونون نوماینده سی پ ک ک طرفدارلارینین تورکیه ده گئچیردیگی آجلیق آکسیاسیندان حیمایت ائدرک اونلاری ساووندو.
-اوجالانین توتوقلانماسی سیراسیندا سنندج نوماینده لری مجلسدن سسله نیب تورکیه کالالارینین تحریم ائدیلمه سینی ایسته دی.
-روحانی نین ائتنیک حاقلار اوستونده آچیقلادیغی طرح دن سونرا روحانییه یازیلان ایلک طلب لردن بیری کوردلردن گلدی و بو ایستک باتی آذربایجان اوستونده اولدو.60 سیاسی و مدنی فعال ایمضا سیلا یازیلان بو مکتوب دا ؛ باتی آذربایجانین تاریخی توپراقلاری؛کوردوستان اولاراق بلیرله نیر. ندنسه هر دییشیم ده و هر فورصت ده ترور اوزانتیلاری هرشی دن اونجه باتی آذربایجان دا ایستکلرینی اورتایا قویورلار.
-گئچن آیلاردا کورد اوستاندار همتی نین باتی آذربایجانا اوستاندار اولاراق آدای گوسترمه چاباسیندا؛ تورکیه دکی کوردچولر له ایران داکی حکومته یاخین کوردلرین ؛عئینی چیزگیده حرکت ائتمه سیده دیققت چکیجی ایدی.
باتی آذربایجاندا خالقینین تاریخی حافیظه سینده بوراخیلان یارالار ساغالمادان بو پروژه تزه دن بو قایغی نی یاراتدی:" اوتوردوغوموز یووامیزدا باشیمیز یئنه می؛ بورا قوناق گلیب گئتمیین لر الیله کسیله جک..."
-ایلگینج دیر تورکیه ده کوردچو بیر قزئته باتی آذربایجانا کورد نوماینده سئچیلمه سینی بئله دویوردو
طرف قزئته سی:
"ایران دا قیسا سوره اونجه جمهور باشقانلیغینا سئچیلن روحانی کوردلرین یوغون اولاراق یاشادیغی اورمیه شهرینده کورد کوکن لی بیر والی آتادی(منصوب ائلدی)
ایران دا کوردلرین یوغون اولاراق یاشادیغی بولگه لر کور.دوستان اولاراق تانیملانیر"
قزئته بئله دوام ائدیر:"
کورد والی (اوستاندار)همتی نین پ ک ک ایلا ایلیشگیسی یاخشی ایدی.کورد کوکنلی اولان همتی 1992-1998 پ ک ک نین اوست دوزئی یونتیجیلری ایله دوغرودان (مستقیم) ایلیشکیلری اولان اونم لی بیر سیاستچیدیر.
عثمان اوجالانین اورمیه ده یاشاماسی اوچون ایذین آلا بیلمه سینی ده همتی ساغلامیشدی"
من اورمونو تانیمایان بیری اولوب بو خبری اوخوسام بیلمره م بو همتی بی رسمی آدی "باتی آذربایجان" اولان بیر اوستانا والی سئچیلیراورمیه نین کوردوستان اولدوغونو آنلارام.
و
عثمان اوجالانا ان گوه نیلیر یئر ین سنندج دییل اورمو اولاراق تانینماسی دا دیقت چکیر
و...
هله تکجه بو اورنک لر دییل بوتون خبر آژانسلاری و اینسان حاقلاری قوروملارینا گوز آتینجادا اوردا اوزللیک له باتی آذربایجان شهرلری او جومله دن ماکی ؛خوی سالماس اورمو سایین قالا تیکان تپه سولدوز ...کوردوستان کیمی گورسدیلیر یعنی فیکیر همن فیکیردیر قیلیفی فرق ائدیر.
ان اونملی خبر و انسان حاقلاری اورقانلاریندان اولان کورد پا و موکریاندا گئچن بعضی تیترلره دیققت :
تخریب آثار باستانی کوردستان در منطقه سلماس
اعدام زندانیان در مناطق کورد نشین...اورمیه
آثار دیدنی کوردستان ...ماکو سلماس سولدوز سایین قالا
کشته شدن پیشمرگان ...در ماکو
آژانس کورد پا: کوردستان در نقشه جهان قرار گرفت(بو خریطه ده باتی آذربایجانین بوتونو یئرلشیب دیر)
تورکیه دکی ترورا دایالی حرکت ائدن کوردچولر له؛ ایران داکی ایستر دئولت آدامی ایستر موخالیف؛ ایستر داغا چیخان تروریستی؛ هامیسی هم دئموکراتیک اورتام لاردا بیلگی کیرلیلیگی و گرچکلری منحرف ائدرک ؛ ده باتی آذربایجانا تسلط استراتژیلری یونونده گئدیشلری گورونور..
سون اولایلاردا باتی آذربایجانین توپراقلاریندا کوردوستان اوستانی قورولماسی ایددیعاسیندادا همن اوزو گوردوک ؛کی هر دفعه گوروردوک. هله اوزل لیک له سنندج نوماینده سینین سفسطه لری بو دییشیلمه ین متجاویز و تجاووز یولو ایله تسلط چیزگیسینی داها دا بلیرتدی.
بوتون آزینلیق و چوخونلوقلارین اینسانی حاقلاری اوغروندا ساواشماسی سایقی دویولمالیدیر آیریجا میللی حرکتین ماهیتی مدنی و بوتون خالقلارین حاقلارینا سایقیلی دیر. آما هر هانچی بیر دئولته قارشی ایستک لری اوچون ساواشان هئچ بیر قروپ هر آد آلتیندا اولورسا اولسون آذربایجانین مظلوم خالقینین توپراقلاریندا ترور و وحشت اسدیررک بو خالقین روانی و فیزیکی امنیتینی هده له یه بیلمز.
دوغرودان یا دولایی لی یوللارلا ؛بو چیزگیده گئدن قروپلار و فردلر داغدا؛ مجلس ده ؛یا دا دموکراتیک قوروملار آلتیندا آنجاق و آنجاق اینسانلیق وآذربایجانلی دوشمانی دیرلار.
باتی آذربایجان بولگه سینده تورک لره قارشی تبلیغات آپارماق
باتی آذربایجانی کوردوستان کیمی گورستمک
شورالار و شهر سئچگی لرینده تورک شهرلریندن کورد کاندیدالارا رای قازاندیریب او بولگه ده اکثریت کیمی گورونمک و بئله لیک له آذربایجان تورکلرینه روانی فیشار
بینالمللی و دمکراتیک اورقانلارلا ایرتیباطا گئچرک اینسان حاقلاری قوروم و قورولوشلارینی آلدادیب کورد آزینلیغی بهانه ائدیب باتی آذربایجانی کوردوستان اولاراق تانیتماق
ترور و وحشت اسدیررک باتی آذربایجانلیلارین آراسیندا قورخو و امنیت سیزلیک یارادیب موهاجیرتلرینه سبب اولماق
پ ک ک نین باتی آذربایجان دالی پژاکین هدف و پروقرامیلاریدیر
ایندی جلالزاده ده همن چیزگیده گئدیر اوز خالقینین حاقلارینی ساوونماق طبیعی و اصلینده سایقی دویولماسی گرکن بیر داورانیشدیر؛ آما آذربایجانین مظلوم خالقینین علیهینه تبلیغات آپارماق؛" آذربایجانا کوردوستان دئییلمز" دئیینلره پان تورک دئمک؛ بئلنچی سفسطه لر آنجاق بونون اثباتی دیر:
حاق دا،حقوق دا بهانه دیر. هدف باتی آذربایجان اوستونده کوردوستان قورماق هدف خیالی کوردوستانین بو پارچاسینی تاماملاماقدیر. آیریجا ایران دا کوردلرین حاقلارینین مرکزیتی سنندج و کرمانشاه دیر اورمو دییل دیر. کوردلرین آلاجاق حاققی وارسادا مرکزی فارس حاکمیت دیر .وئریلجک حساب وارسادا باتی آذربایجان خالقینی قتل ائدن جیلولار و سولدوزدا قانلی ساواشلار باشلادانلار دی....
آما بونو دا اونوتمایاق باتی آذربایجان توپراقلاری اوستونده کوردوستان سویلمینی یارادا بیلمک ایشغالچیلارین گئچیجی باشاریسیدیر ... هم ده یوخولاریندان اویانما زامانینین گلدیگینین خبرچیسیدیر...
