تروریست لرین ایگید اولدوغو یئرده، آذربایجانین یالقیزلیغی - محمد احمدی زاده
- توضیحات
- منتشر شده در پنج شنبه, 24 مهر 1393 02:36
بو گونلر کوبانی مسئله سی و کوردلرین اوردا ایشیده ( داعش) قارشی آپاردیقلاری موجاده له گوندمده دیر و بوتون مئدیا و خبرلر بوندان بحث ائدیرلر. کوبانینین مظلوم لوغو و کوردلرین جسارتی خبرلرین تیتری اولوب و بیر چوخ مشهور اینسان اؤز حمایتینی و دسته یینی اوردا کی کوردلردن بیلدیریر. بونلارین بیر چوخو مئدیانین تاثیری آلتیندا دویغولانان اینسانلاردیلار. آمما بیر عیدده سی ده، نه ائتدیکلرینی یاخشی بیلیرلر و اهالیسیندان بوشادیلمیش کوبانی دا، هانسی اویون اوینادیغیندان دا خبرداردیلار.
اورتادوغوداکی اولایلاری تعقیب ائدن هر کس، ایشید آدلی بیر تروریست گوروپون نئجه یارادیلماسینی یاخشی بیلیر. او زاماندان بری کی، آمئریکانین سیاستی اورتادوغودا دئییشیلدی و بو بؤلگه ده عسگر گؤندرمک یئرینه، بولگه نین اؤز ایمکانلاریندان فایدالانما قراریینه گلدی، آمئریکا اوردوسونون یونه تیمی آلتیندا، یئنی بیر اوردو، یانی ایشید دوغولدو. باشدان بری، بو تروریست گوروپون یارادیلماسیندان تک جه بیر آماج واریدی، یانی آمئریکا و ایسراعیلین یئنی اورتادوغو خریطه سینی و باش دا اولان بؤیوک کوردوستان اؤلکه سینی چیزمک ده، اونو قوللانماق ایدی.
باتی مئدیاسینین آلداتیجی گوجو، هر کسی یانلیش بیر یؤنه یونلندیرمکده دیر و ایشید له آمئریکانین و ساتقین و تورک دوشمنی اولان اردوغان حوکومتینین، بیر طرفده و یانداش اولدوقلارینی اینسانا ایناندیرمیر. حال بو کی بونلار هامیسی یان یانا و بیرلیکده حرکت ائدیرلر. کوبانی دا اولان اولایلار بیر آلداتیجی و مئدیایی بسله ین اویوندان باشقا بیر شئی دئییل. او بوش شهرده گئدن ساواش، ایکی یانداش تروریست گوروپون یانی ایشید و کوردون آراسیندا بیر گؤستری آماجلی اویوندان باشقا بیر شئی اولا بیلمز. ساواشین سونوجو نه اولورسا اولسون، کوبانی ایشیده تسلیم اولسون یا دا اولماسین، سونوج تروریست کوردون اوردان ایگید و قهرمان کیمی دونیایا تانیدیلماسیدیر. سونوج بؤیوک کوردوستانین یارادیلماسی اوچون بیر آددیم داها ایلر له مه سیدیر.
روسیانین قورخوسوندان، سوریه یه گیره بیلمه ین امئریکا اوردوسو، سونون دا ایشیدین واسطه سی ایله، اسد رئژیمینی اورتادان قالدیراجاق. و یقین کی او گونون آردیندان ایشیدین ایران سرحدلریندن هوجومونا شاهید اولاجاغیق. و او گون عراق سئناریاسی کیمی، ایرانین بیر بولگه سینه راضی قالان فارس- شیعه رئژیمی ایشیدین قارشیسیندا آذربایجانی مودافعه ائتمه یه جک. او گون، گئچمیشین تروریست لری، قهرامان و ایگید کورد پئشمرگه آدلاناراق، صحنه یه چیخیب و آذربایجانین سیلاحسیز اهالیسینی اورمیه، تبریز و دیگر یئرلرده، یالانچی و گؤستری آماجلی بیر ساواشدا، ایشید دن قورمایا چالیشاجاقلار. و اؤز ایگیدلیکلیرینین قارشیسیندا، اؤدول و قازانج اولاراق کوردوستان بایراغینی گونئی آذربایجان توپراقلاریندا اسدیره جکلر. نئجه کی عراق دا وسوریه ده، بونو ائله دیلر.
صاباحین بیرینده ده ایشید( داعش) آدیندا اولان امریکا اوردوسونون، ایران سینیرلاریندان سالدیریسینا تانیق اولاجاغیز. کسین لیکله، بو سالدیرینین آردیندان شیعه ماسکه سینین آرخاسیندا اؤزونو گیزله دن ایرانین فارس رئژیمی، اؤز وارلیغینی قوروماق آماجینا، باتی ایله آنلاشمایا گئچیب و ایرانین بللی بیر بؤلگه سینده حاکمییتینی سوردورمک اوچون امئریکا ایله راضیلاشاجاق. بو دورومدا سیلاحسیز آذربایجانی ایشید و کورد اویونوندا و گؤستری آماجلی محاریه سینین ایچینده یالقیز بوراخاجاق. بو قونویا بعضی آذربایجان فاعاللارینین کی گله جک ده، اومودلرینی پاسداران اوردوسونون، تورک کیتله سی ایله بسله ییبلر دیققت ائتمه دیلر. و بونو آنلامالیدیلارکی، فاشیست فارس رئژیمینه خیدمت ائدنبیریسی، هئچ بیر زامان آذربایجان اوچون اوز حیاتینی تهلوکه یه آتمایاجاق. نئجه کی بو سئناریا نین عئینی سینی عراقدا شاهیدی اولدوق. او زامان کی ایشید موصله، کرکوکه و تلعفره هوجوم آپاردی، عراق اوردوسو اؤنجه کی آنلاشمانین اساسیندا، اونون قارشیسیندا دایانیب، ساواشا گیرمه دی و بیز یالنیز پئشمرگه ایله ایشید آراسیندا بیر گؤستری آماجلی موحاربه یه شاهید اولدوق، کی هر کسین بیلدیگی کیمی، او موحاربه نین سونوجو پئشمرگه نین دونیایا قهرمانلیغینی گؤسترمک و عراق تورکلرینین توپراقلارینی راحاتلیقلا کورده تسلیم ائتمک ایدی.
موصل، کرکوک، تلعفر و بو گون ده کوبانی، بونلار هامیسی آذربایجانا و اؤزللیکله آذربایجانین سیاسی فاعاللارینا اویاریلاردیلار. آذربایجانین یالقیزلیغی ایندینین ایندیسی بئله، گؤزون اؤنونده دیر. تروریست بو گون اورمیه ده آچیق آچیق فعالییته گئچیب و حتتا فارسین دسته ییندن ده بئله فایدالانیر. آمما آذربایجانین گله جک ده کی یالقیزلیغی، چوخ قورخونج و دهشت اولاجاق. و بو آرادا، گؤره وین بیر چوخو فاعالارین بوینوندادیر. بو گونه قدر بوتون فعاللارین امکلری، هر هانسی ساحه ده اولسون تقدیرلنمه لیدیر، آمما آرتیق بیرلشمه نین زامانی گلمیشدیر. هر کس الیندن گله نی اورتایا قویمالیدیر. تعجیلی و اوزون سوره لی فیکیرلر قیلماق لازیمدیر. بوتون آذربایجان فاعاللارینین، بیر واحید اورگانیزاسیون ایچریسینده فعالییته گئچمه زامانی گلمیشدیر. بیر - بیرلرینی کوچومسه مه و بیر – بیرلیرینی محکوم ائتمه نی بیتیرمه زامانی گلمیشدیر، آذربایجانین گله جه یی اوچون.
