اینسان دیلسیز یاشارمی دوستوم؟- امین حاجیلو

اؤلدوردولر، بیر-بیر اؤلدوردولر اینسانلار

بولود، اوختای، صمد، ایبراهیم، امانی

قارا بیر بولود کیمی سوروشوب گئتدیلر گؤیلرین ماوی‌لییینه

بیر سه قوش اولدوق دوستوم، قوش

قوشلارین دیلی وارمی دوستوم؟

قوشلار دانیشارمی؟

شعیر یازارمی؟

قاشیغیمیزا آیریلیق گلدی دوستوم

حسرت گلدی

باتوم گلدی

آنالاریمیز نه پیشیردیسه یئدیک

یارپیزدان زهله‌میز گئتمه‌دی

قاپیمیزدا ایلان گؤوردی

کیمسه اؤز اؤز اولکه‌سینده پیغمبر اولمادی دوستوم

بیز سئوگی‌لی‌لریمیزه چلنگ توخومادیق دوستوم

بیر آووج تورپاق آلدیق ساده‌جه

ان بؤیوک فانتازیمیز دوستاق دووارلاریندا آدلارینی قازدیق سئوگی‌لی‌لریمیزین

کؤکوموزو قارماق، قبریمیزی قازماق

بیز بؤیوک آرزیلارلا یاشادیق

بوغازیمیزدا ایلیشیب قالدی بؤیوک سؤزلر

آغزیمیزدان شوبهه‌لندیلر

پیسکولوقالارا گئتدیک

آسمیالسیون توپوردولر داماریمیزا

اینسان چؤرکسیز یاشاماز دئدیلر

سوسوز یاشاماز

هاواسیز یاشاماز

اینسان دیلسیز یاشارمی دوستوم؟.

———-

امین حاجیلو

جنبش دانشجویی آذربایجان (آذوح)