کویر اولماق نووبتی چاتیب آذربایجانا!- کریم گل اندام
- توضیحات
- منتشر شده در سه شنبه, 18 فروردين 1394 23:35
انشالله آرامیزدا،
آیری سئچکی‌لیک یوخدور!
یایدا سیزده سرین‌دیر،
قیشدا بیزده سویوق‌دور!
سیزین الینیز دولو،
بیزده ایشله‌ین چوخدور!
بیزیم بالامیز آجدیر،
سیزین ایتینیز توخدور!
انشالله آرامیزدا،
آیری سئچکی‌لیک یوخدور!
سیمنان دوزلاق لارینا،
ائشیتدیم سو چکیرسیز!
خزرین سویون چکیب،
بوزقیرلارا توکورسوز!
تونئل ووروب داغ دلیب،
تپه لری سوکورسوز،
سویودا شیرین‌لدیب،
چول لره گول اکیرسیز!
اورمو گولو قوی اولسون،
وراغینی بوکورسوز!
اولویه لازیم دئیل،
نه درمان، نه ده دوکتور!
انشالله آرامیزدا،
آیری بیر سئچکی لیک یوخدور!
موبارک دیر خزرین،
سویو آخا سیمنانا!
قومو دا سیراب ائدیب،
آخیب گله کاشانا
کاشان دان ایصفاهانا
ایصفاهان دان کیرمانا
کویرلر دونسون گرک
جنته گولوستانا!
کویر اولماق نووبتی
چاتیب آذربایجانا!
ایشسیز، ائوسیز، پاراسیز،
بیزی حایات دان بیخدیر!
انشالله آرامیزدا،
آیری بیر سئچکی لیک یوخدور!
۳۷-ایل دن سونرا،
هر شئی سیزلره چاتمیشپ!
آنا دیلی حسرتی،
قالیب بیزلره چاتمیش!
دوولتین بوش وعده سی،
شیشیب یوزلره چاتمیش!
آنا یاسادا حاققیم،
گلیب سوزلره چاتمیش!
اورمو گولو چکیلیب،
سویو دیزلره چاتمیش!
سن بیزی سوزلرینله
یا آلدات یا هویوخدور!
انشالله آرامیزدا،
آیری بیر سئچکی لیک یوخدور!
