آمئریکا سسی ایله موصاحیبه؛ امیر مردانی: لوببیچیلک فعالیتینده آردیجیل‌لیق لازیم‌دیر+ ویدیو
- توضیحات
- منتشر شده در یکشنبه, 12 بهمن 1393 17:33
آذوح: علیرضا قولونجو
ایسوئچده یاشایان گونئی‌لی دیاسپورا فعا‌لی امیر مردانی آمئریکانین سسینه موصاحیبه‌ده اینسان حاق‌لاری پوزونتولاری، ائله‌جه ده گونئی‌دکی سیاسی دورومو گوندمه گتیرمک ایستیقامتینده یورودولن لوببیچی‌لیک فعالیت‌لری و بو ساحه‌ده مؤوجود اولان پروبلئم‌لر و چتین‌لیک‌لر حاقیندا دانیشیب.
گونئی آذربایجان اؤیرنجی حرکاتی (آذوح) وئب صحیفه‌سی‌نین رئداکتورو همچی‌نین منسوب اولدوغو قروپ و گونئی آذربایجان دئموکرات پارتیاسی‌نین (گادپ) بیرگه تشکیل ائتدیگی گونئی آذربایجان اتفاقی هئیتی‌نین 2014-جو ایلده موختلیف اؤلکه و بئینلخالق قوروم‌لارین تمسیلچی‌لری ایله کئچیردیگی گؤروش‌لر حاقیندا معلومات وئریب.
امیر مردانی‌نین دئدیک‌لرینه گؤره، لوببیچی‌لیک فعالیت‌لری ایله علاقه‌لی مؤوجود اولان اساس پروبلئم‌لردن بیری "بئینلخالق قوروم‌لارین گونئی آذربایجانی تانیماما‌لاری‌دیر". او، سون ایللرده آتیلمیش بعضی آددیم‌لار نتیجه‌سینده بو مؤوضودا نیسبی اولا‌راق ایرلیلییشین موشاهیده اولوندوغونو دئییر.
لوببیچی‌لیک فعالیتی باخیمین‌دان چوخ آجینا‌جاق‌لی دورومداییق. بونو چؤزمک اوچون چالیشما‌لاردا آردیجیل‌لیق و یورولما‌دان پروسئسی داوام ائتدیرمک لازیم‌دیر... فعالیت اولور، آمام داوام و آردیجیل‌لیق اولمادیغی زامان، ساده‌جه بیر گؤروش کئچیریب وو گؤروشون آردی توتولمادیغی زامان سونوجا وارا بیلمیریک.
2014-جو ایلده گونئی آذربایجان اتفاقی‌نین چالیشما‌لاری حاقیندا دانیشان گونئی‌لی فعال خصوصیله آوروپادا آپاریلان و اؤزونون ده ایشتیراک ائتدیگی گؤروش‌لر و توپلانتی‌لار حاقیندا اطراف‌لی معلومات وئریب.
اونون سؤزلرینه گؤره، اتفاق آوروپا پارلامئنتی‌نین بعضی نومایندلری ایله کئچیردیگی گؤروش‌لرده گونئیین موختلیف پروبلئم‌لری، او جمله‌دن اورمییه گؤلو اطرافیندا ائکولوژی فلاکتی گوندمه گتیریب.
مردانی‌نین فیکرینجه، عمومیتله گونئی‌لی تشکیلات‌لارین لوببیچی‌لیک فعالیت‌لری یاخشی سویه‌ده دئییل:
“بو باخیم‌دان چوخ آجینا‌جاق‌لی دورومداییق. بونو چؤزمک اوچون چالیشما‌لاردا آردیجیل‌لیق و یورولما‌دان پروسئسی داوام ائتدیرمک لازیم‌دیر... فعالیت اولور، اما داوام‌لی‌لیق و آردیجیل‌لیق اولمادیغی زامان، ساده‌جه بیر گؤروش کئچیریب و او گؤروشون آردی توتولمادیغی زامان سونوجا وارا بیلمیریک،” دئیه ایسوئچده موهاجیرتده یاشایان فال لوببیچی‌لیک ساحه‌سینده اوزون پروسئس‌لردن سونرا نتیجه آلماغین مومکون اولدوغونو بیان ائدیر.
امیر مردانی ایراندا یاشایان دیگر قئیری-فارس میللت‌لرین لوببیچی‌لیک ساحه‌سینده آکتیو‌لیگی‌نین تورک‌لردن داها آرتیق اولدوغونو اؤنه چکسه ده، گله‌جه‌یه اومیدله باخدیغینی سؤیلییر.
او، خصوصیله اینسان حاق‌لاری عذره لوببیچی‌لیک فعالیت‌لرینه جدی احتیاج اولدوغونو وورغولاییر.
