دومان رادمهر: میللی حرکت اینسان حاقلارینا جیدی دیقت یئتیرمه‌لیدیر
- توضیحات
- منتشر شده در پنج شنبه, 26 دی 1392 00:06
“ایراندا بیر چوخ قئیری- فارس سیاسی قروپلاردان فرقلی اولاراق عملده هر هانسی زوراکی فعالیییتدن اوزاق اولان گونئی آزربایجان ملی حرکتینین اینسان حاقلاری سؤیلمینه بو قدر بیگانه یاناشماسی چوخ قریبه‌دیر،“ دومان رادمهر سؤیله‌ییر. گونئیلی سیاسی فعال آمئریکانین سسینه موصاحیبه‌ده گونئیلی فعاللار و تشکیلاتلار آراسیندا اینسان حاقلارینین مودافیعه ساحه‌سینده فعالییتلرین دورومونو دیرلندیریب.
سجاد رادمهردومان رادمهرین سؤزلرینه گؤره بو گون تورکلر و تورکمنلری ایستیثنا ائتمکله ایراندا اکثر قئیری- فارس ائتنیک قروپلارین سیاسی جریانلاری ایچه‌ریسینده سیلاحلی تشکیلاتلار مؤوجوددور. آنجاق همین سیلاحلی قروپلار دا هر زامان اینسان حاقلاریندان دم وورورلار.“ بو دورومدا هر هانسی زوراکی بیر فعالییتدن اوزاق اولان گونئی آزربایجان ملی حرکتینین اینسان حاقلاری سؤیلملرینه بو قدر بیگانه قالماسی چوخ قریبه بیر حالدیر،“ دئیه او، علاوه ائدیر.
گونئی تشکیلاتلارینی اینسان حاقلاری فعالییتلری باخیمیندان تنقید ائدن رادمهر اؤزو و فیکیر یولداشلارینی دا ایستیثنا ائتمیر:
“من بوتون بو تنقیدلری ایرەلی سوردویومده اؤزومو و دوستلاریمی آییرمیرام و حرکتیمیزی بیر بوتون اولاراق دئییرم. ۳۵ میلیون اینساندان دانیشیریق، ایستدیکلریمیزین هامیسی دا اینسان حاقلاری چرچیوەسیندەدیر، آنجاق حقوق مودافیعچیلییی ساحه‌سینده بارماق ساییسیندا چالیشانیمیز یوخدور.“
ایسوئچده موهاجیرتده یاشایان فعالین فیکرینجه، حاضیردا دونیادا مؤوجود اولان شراییط دؤولتلری ده اینسان حاقلارینا رعایت چرچیوسینده سییاست یوروتمه‌یه مجبور ائدیر.
“ایندیکی دونیادا پست-مودئرن بیر شراییط حاکیمدیر. معاصیر دونیادا دؤولتلر اؤز ماراقلارینی قوروماق اساسیندا دیرلندیریلیردیلر، آنجاق بو گون داها چوخ باشقالارینین حاقلارینا داییر مؤوقئعلری ایله قییمتلنیرلر.“ بو سببدن ده جناب رادمهر حئساب ائدیر کی، بین الخالق میقیاسدا گونده‌مه چیخماق ایسته‌ین سیاسی حرکات اؤزونون اینسان حاقلارینین مودافیعه‌سی اوزره گؤستریجیلرینه جیدی دیقت یئتیرمه‌لیدیر.
سیاسی فعال ایرانین آزربایجان و دیگر ویلایتلرینده یاشایان تورکلرین بوتون حاقلاری و طلبلرینین اینسان حاقلاری بیاننامه‌لرینده نظرده آلیندیغینی وورغولاییر.
آمئریکانین سسی / علیرضا قولونجو
