آلمانییانین کؤلن شهرینده فعالییت گؤسترن اورمو گؤلونون مووقتی کومیته‌سینین ایکینجی بیلدیریسی
- توضیحات
- منتشر شده در چهارشنبه, 11 دی 1392 01:15
اورمو گؤلو سوسوز دور…
اورمو گؤلو جان وئریر…
آزربایجانین برکتلی یئرلریندن اولان گمیچی، خان تختی، سولدوز، قوشچو ساحیلی، قولونجو، کهریز، جامالاواد، بورچالی، اورمو جؤلگه‌سی، آق گونبد، شیرین بولاق، گؤورچین قالا، بوی‌داش، قارا باغ، باری، کاظیم‌داشی، قوشاچای، توفارقان، سالماس، خوی، ملیک کندی، خانا، اوسکو، ایلخچی، کوزه کونان، شبیستر، ماراغا، تبریز، عجب شیر… شرفخانا بوتونلوکله زار و پریشان اولماقدادیرلار.
اورمو-گولو31-600x330ایللر بویودور کی، بیزیم میلتیمیزین چیخارلارینا قارشی اولانلارین گیزلی و آچیق اللرینی بورادا گؤروروک. اونا گؤره بیزیم میلتیمیز آیاغا قالخدی و اؤز اعتیراضلارینی دونیا ایجتیماعییتینه گؤسترمک ایسته‌دی. بئله‌لیکله‌ده ایرانین مرکزی رئژیمی زیندانلاری بیزیم میلتیمیزین یاشام چئورینی سئونلر و میللی سیاسی محبوسلارلا دولدورولدو. تبریز، اورمو، زنگان، اردبیل… بیر واحید یومروق اولاراق، ائل حرکتینی یولا سالدیلار.
نئجه کی، هامی بیلیر، او گؤل بیزیم وار اولماغیمیزین بیر اؤنملی سندلریندن دیر.او بیزیم کولتوروموزون بؤیوک نیشانه‌لریندن بیری ساییلماقدادیر. اونو ساخلاماق اوچون علمی و عملی آددیملار آتیلمالیدیر. او گؤلون قوروماسی و قورودولماسی هم ائکولوژی و هم ده اینسانی فلاکت و فاجییه اولماقدادیر دیر.
غربی آزربایجانین ۳۷ مین کیلومئتئر مساحتی واردیر. بیزیم میلتیمیز مینلر ایلل تاریخه مالیک دیر. اوراسی بیزیم اوچون یالنیز دوز گؤلو دئییل. اوراسی بیزیم اوچون مین ایللیک تاریخ و کولتور دور. اوراسی بیزیم اسکی تاریخیمیزین سمبولودور.اوراسی بیزیم یازیچیلاریمیزین،شاعیرلریمیزین، ادبییارچیلاریمیزین ایلهام قایناغیدیر.
حؤرمتلی چئوره سئور و ایره‌لیجی اینسانلار:
نییه ایرانین تئهران رئژیمی بو اؤلکنین باشقا میللت یاشایان یئرین کویر بؤلگه‌سینی دیریتمک اوچون میلیاردلارجا دوللار خرج ائتمگه بودجه‌سی وار، آما اونلارین بو دیری یئری دیری ساخلاماق اوچون بودجه یوخدور؟؟؟؟؟
بورادا بیر سورغو اورتایا چیخیر و او دا بودور:
او دؤولت بو گؤلو قورودماسیندان هانسی هدفه اولاشماق ایسته‌ییر؟؟؟
تئهران رئژیمی بو گون ده عئین کئچمیش شاه رئژیمی چاغی کیمی، بیزیم میلتیمیزی فارس میلتینین ایچینده اریتمک ایستییر. اونا گؤره ده اونلار هر ایمکاندان یارالانیرلار کی، بیزیم میلتیمیزی اؤز دوغما وطن‌لریندن مجبوری کؤچه گؤندرسینلر. اونلارین یوخاریدا قئید اولونون سییاستلرینه بو گون ان اویگونو اورمو گؤلونو قورودماقدیر.میلتیمیز آییق اولمالیدیر.
آزربایجانین ایشچیلری، اکینچیلری، یاشام چئوره فعاللاری، کارخانا صاحابلاری، صنعت ایشینده مشغول اولانلاری، مال، حئیوان صاحابلاری، اونیوئرسیته اوستادلاری، اؤیرنجیلر، رادیو، تلویزیون، اینجه سنچیلرمیز، جاوان و یاشلیلاریمیز، یایین و مطبوعاتلاریمیز، تئهران حؤکومتینین قوللوغوندا اولان اوزدن ایراق میلت نوماینده‌لری:
بیز هامینیز اورمو گؤلونون قورتارماق اوچون مسئولییت داشاییریق. بیز وظیفه‌میزه گله‌جک نسیللرین قارشیسیندا جاواب وئرمه مسئولییتینی داشاییریک.
بیز طلب ائدیریک:
۱- اورمو گؤلونون قوروماسینی دایاندیرماق اوچون سدلرین آرخاسیندا دولان سولاردان یئترلی میقداردا اورمو گؤلونه پای ایسته‌ییریک
۲- اکینچیلیک اوچون علمی قطره‌لی سووارمادان یارارلانمالی
۳- اورمو گؤلونون اطرافیندا گؤی قورشاق یارادماق(ورالارین اطرافینا آغاج، چاییل، چوغان…..اکیلملی)
۴- گؤلون اطرافیندا بوتون صنعتی و شیمی کارخانالارین گؤلدن اوزاغا داشینماسی
۵- دونیا دؤولتلرین تجروبه‌لریندن فعال یارارلانماق
بو گون اورمو گؤلونون یاشامی هر طرفدن خطرددیر.بو گؤلو بیز قورتارمالیییق و او گؤلو قورومانی اؤزوموزه موقددس بیر وظیفه سایمالیییق.
کؤلن شهرینده فعالییت گؤسترن اورمو گؤلونون مووقتی کومیته‌سی
۱- احمد حسن‌زاده
۲- سیف الدین حاتملویی
۳- علی قنبری قوشچو
۲۰۱۴-۰۱-۰۱
آلمانییانین کؤلن شهری
