میللی موجادیلۀ دۀ هـدفۀ چاتماق اوُچون استراتژی ؤ تاکتیک لازیم دیر
- توضیحات
- منتشر شده در سه شنبه, 29 بهمن 1392 22:56
هدف گوُنئی آذربایجانین ایستقلالیتی دیر. هئچ بیر هدفۀ استراتژی ؤ تاکتیک اوُلمادان أل تاپماق اوُلماز. بوگونکو دوُنیامیزدا ، اوُزللیکلۀ گوُنئی آذربایجاندا میللتیمیزاوُز سیاسی ایستکلرینۀ چاتماق اوُچون دیققت لۀ اینجۀ لئنمیش ایستراتژی اساسیندا ، موجادیلۀ نین هئرمرحلۀ سیندۀ اوُیغون تاکتیک لری تعیین اتمئک اوُچون آشاغیدا قئید اوُلونان شرط لرین نظردۀ آلینماسی ضروری دیر.
1 ـ توُپلومون أحوال روحییۀ سین آنالیزاتمئک ـ
2 ـ دوُنیادا آکتوئل اوُلان سیاسی ، ایقتصادی دوُرومو نظردن کئچیرمئک ـ
3 ـ آیدین قاباقجیل فعاللارین دوُشونجۀ ؤ حاضیرلیقلارین نظردۀ آلماق ـ
4 ـ میللی حئرکت لۀ ایلگیلی باش وئرن هئرهانسی حادیثۀ نی زامانی ألدن وئرمۀ دن تجزیۀ تحلیل ائدیب نتیجۀ چیخارماق ـ
5 ـ تاکتیک وعمللریمیزدیققتلی پلان اوُزریندن اوُلمالی دیرـ
6 ـ تشکیلات لانماق ، یعنی کوُتلۀ لری اینظیباطلی شئکیلدۀ بیرلئشدیرمئک دئمئک دیر، ألبتۀ کی گوُنئی آذربایجاندا حاکیم اوُلان پلیسی شرایطی نظردۀ آلاراق ، تشکیلات لانماقی شرایطۀ اوُیغون شئکیلدۀ یارادماق اوُلار.
7 ـ تشکیلات لارین گوُجلو اوُلماسی اوُنون مالی دوُرومونون گوُجلواوُلماسیندان آسیلی اوُلاراق ، أن اوُنئملی ضرورت لردن بیریدیر.
ـ جامعۀ دۀ یاشییان اینسانلارین ایقتصادی ، سیاسی ، مدنی موقع لری ، اوُ توُپلومون دینامیزمی نین " حئرکت قوُوۀ سینین" نۀ سئویۀ دۀ اوُلدوقون گوُسترئر.
گوُنئی آذربایجان توُپلومون سوُسیولوژی یعنی "جامعۀ شیناسلیق" باخیمیندان آراشدیریب ، اوُنوتحلیل ائدرسئک ، چوُخ آغیرو چئتین آنالیزلۀ "اینجۀ لئمۀ ایلۀ " قارشیلاشاریق !
گوُرونرکی بوتوُپلومدا بیرطرفدن فئودالیسم ذهنییاتی ؤ اوُنون ایقتصادی ، سیاسی ، فرهنگی قالینتیلاری ؤمنفی تأثیرلری هئلۀ دۀ گئنیش کوُتلۀ لرآراسیندا آرادان گئتمۀ دیکدۀ ، حتی اینسانلارین گوُنلوک حئیاتیندا ؤ سیاسی اخلاقلاریندا ، آزدا اوُلورسا، هئلۀ قالماقدا دیر، بیرحالدا کی دوُنیانین بوگوُنکوتکنولوژی چاغیندا اینسانلار آراسیندا قوُرولوب یئنی لئشمیش موناسیبت لر منطیق ؤ قانونلارا دایالی اوُلاراق اینکیشاف اتمئکدۀ اوُلدوقو حالدا ، آنجاق هئلۀ دۀ بیرچوُخ دالی قالمیش اوُلکۀ لردۀ اوُلدوقو کیمی « بازارآلیش وئریش» شیوۀ سی ؤ اوُنا باغلی اوُلان بعضی گئریجی ؤ خوُرافی شیوۀ لرتوُپلومون آرابا آراسیندا آیدینجاسینا گوُرمئگ دۀ دیر .
بونا گوُرۀ دیرکی بوگوُنکوعصرۀ عاید اوُلان یئنی رابطۀ سیستمی ؤ اوُنون ایقتصادی ، سیاسی ، فرهنگی تأثیرلرین نظردۀ آلارساق ، اوُنو فئودالیزم چاغیندان قالمیش عادت لرلۀ مقایسۀ ائدرسئک ، سوُسیولوُزی یا جامعه شیناسلیق باخیمیندان اوُزل بیرتوُپلومنان قارشیلاشماق اوُلار، ایشین چئتینلیگی ؤ حساس لیقیدا ائلۀ بوردا دیر.
خستۀ سرمایۀ دارلیق سیستمی ؤ اوُنا باغلی اوُلان موُنتاژ صنایع سیستمی ایستر ایستۀ مز، توُپلومو دالی قالمیش بیرحالت دۀ ساخلامیشدیر.
بوگوُن کلاسیک توُپلوملاردا اینسانلاراوُ توُپلومون ایقتصاد ، مدنی ، صنایع اینکیشافینین پروسئس لری بیرگۀ اینکیشاف ائدیرلر.
کئچن 200 ایلدۀ ایران دئیلن اوُلکۀ دۀ نۀ بیربوُیوک ایقتصادی کشفیات ؤ نۀ دۀ گوُزۀ چارپاربیر صنعتی اینقلاب ویا حتی مدنی ، علمی ، فلسفی مسئلۀ لردۀ یا هئچ و یادا چوُخ آزمقداردا اینکیشاف اوُلموشدور .
ایران دئیلن اوُلکۀ نین توُپلومو ؤ اوُنا باغلی اوُلان گوُنئی آذربایجان توُپلومو بوُتون ساحۀ لردۀ چاغداش اینکیشافلاردان دالی قالمیشدیر، تأسوفلۀ دالی قالماقین نتیجۀ سی ؤ نیشانۀ لری اوُلاراق ، بوگوُن توپلومسال پروبلملراوُلاراق گوُرونمئکدۀ دیر، اینسانلاریمیز هم یاریم چیلیق سرمایۀ دارلیق سیستمی ؤ همدۀ کئچمیش فئودالیسم سیستمی نین آراسیندا قالمیشلار، سیاست ، ایقتصاد ، مدنییت ایسۀ ایکی فاکتورا باغلی اوُلاراق اوُز تأثیرین هئر اوُچ ساحۀ دۀ گوُسترمئکدۀ دیر.
دوُنیادا آکتوئل (فعال) اوُلان ایقتصادی ، سیاسی ، مدنی وضعییتی ؤ اوُنون سرعت لۀ اینکیشافینا بیزهئرگوُن شاهیدیک ، ایقتصادی نظردن کیچیک ؤ اوُرتا سرمایۀ توُپلومدا بوُیوک روُل اوُیناسادا ، آنجاق گوُنوگوُندن بوُیوک سرمایۀ لر قارشیسندا زوال حالینا گئلیب چاتماقدادیر.
تکنیک ، اوُزئللیکلۀ الکترو تکنیک سرعت لۀ اینکیشاف تاپدیقجا بوُتون ساحۀ لردۀ اوُزونۀ یئرآچماقدادیر، علم وایقتصادییاتین دینامیزمی ( سیچرایشی ) اینانیلماز سرعت لۀ هئرگوُن اوُزون گوُسترمئکدۀ دیر، مالی سرمایۀ (finanzkapital) ین هژمونیسینی (Real-kapitl) کی صنایع و توُلید لۀ بیرباشا موناسیبتی وارموشاهیدۀ ائدیریک .
بئلۀ بیر وضعییت د ۀ بیزلر اوُز اوُلکۀ میزین دوُرومونون هاردا اوُلدوقون گوُرمئللیک ، بیرحالدا کی اوُلکۀ میزگوُنئی آذربایجان توُرپاقلاریندا اوُلان یئترلی قدراینسان گوُجو ایلۀ یاناشی ، نفت ـ گاز ـ قیزیل ـ آلمینیوم ـ قیمتلی داشلارـ بوُیوک مرمر معدنلری وسایرۀ یئرآلتی ثروت قایناق لارینین اوُلدوقوبیرحالدا ، تأسوفلۀ ایقتصادی ؤ صنعتی نظردن دالی قالمیش اوُلکۀ لردن بیری ساییلیریق .
3 ـ سوُزسوزکی دالی قالمیش اوُلکۀ لردۀ آیدینلارین (روشنفیکرلرین) روُلو أن بوُیوک و موهوم فاکتورلاردان بیری ساییلار، جامعۀ دۀ یاشییان اینسانلارین حئیات سوییۀ سی ؤ دوُشونجۀ طرزی هانسی سوییۀ دۀ اوُلورسا ، آیدین صینفینین دۀ آنالیزقابیلییتی دۀ اوُنا نیسبت اوُلا بیلر .
آذربایجانین گئلۀ جئیینۀ فیکیرلئشیب اوُنو دوُشونن آیدین ، کلاسیک توُپلوملارین آیدینلاری ایلۀ چوُخلوفرق لری وار، آذربایجان آیدینی توُپلومون ؤ میللتین آزادلیقین ایستۀ یر.
کلاسیک توُپلومون آیدینی دموکراسینی ، پولورالیسمی ، اکونومینی ، صنایعین مدُرن لئشمۀ سین ؤ نهایت مدنی اینکیشافین اوُزریندۀ فعالییت گوُستریر . میللی دوُولت لردۀ آیدینین احتیاجاتین ، مالی مسئلۀ سین و سایرۀ لری دوُولت تأمین ائدیر ؤ اوُنون هئر گوُن داها آرتیق اینکیشاف اتمۀ سین ایستۀ یر.
چوُنکی آیدین طبقۀ نین اینکیشافی اوُنون ایقتصادی دوُرومونا باغلی دیر. بیز بو مسئلۀ نین نمونۀ سینۀ آوروپادا اوُلکۀ لریندۀ شاهیدی اوُلموشوق ، آنجاق دالی قالمیش اوُلکۀ لردۀ اوُجولۀ دن ایران دئیلن یئردۀ ، آیدین هئرهانسی ساحۀ دۀ اوُلوراوُلسون دیکتاتورلارا خیدمت ائتمزسۀ ، ایشکنجۀ ، زیندان ؤ سوُنوندا محکمۀ یئرینۀ بیر موُللانین فیتواسی ایلۀ اعدام اوُلونور. بو آجیناجاغلی وضعییتی بیز اوُزون ایللردن بئری ایران دئیلن اوُلکۀ دۀ داواملی اوُلاراق گوُرمئکدۀ یک .
آنالیز: ایقتصادی ، سیاسی ، مدنی ساحۀ لردۀ داواملی دوُزگون آنالیزاتمئک چئتین بیرایش اوُلسادا ، لاکین توُپلومون نیسبی آیدینلاشماسی ؤ اوُنونلا یاناشی اینکیشافیندا بوُیوک ؤ موهوم روُلو اوُلدوقدا ، اینسانلارین گوُندۀ لیک دوُشونجۀ سیندۀ تأثیر باغیشلییان أن موهوم فاکتورساییلار . بوُنا گوُرۀ دۀ نیسبی ؤ دوُزگون آنا لوز( تحلیل) توُپلومون أحوال روُحییۀ سیندۀ تأثیر قوُیان فاکت لاردان بیری اوُلدوقونا اینانیریق .
پلان یا برنامه ـ هئرایشدۀ معیین پلان یا برنامۀ نین اوُلماسی لازیم دیر، خصوصی ایلۀ سیاسی ، ایقتصادی ، ایجتماعی ، مدنی ایش ؤ فعالییت لردۀ قاباقجادان موطالعۀ ؤ معیین اوُلونموش پلانا دایالی حئرکت اوُلونسا ، ألبتۀ کی یارارلی نتیجۀ دۀ آلماق اوُلار . بودا آیدیندیرکی فعالییت ساحۀ سیندۀ پلان سیزحئرکت ائدن هئچ بیر سیاسی تشکیلات اوُزهدف لرینۀ نائیل اوُلابیلمیز ، بوناگوُرۀ دۀ مبارزۀ نین مختلیف مرحلۀ لرینۀ اوُیغون اوُلان پلان ؤ تاکتیکلردن ایستیفادۀ اتمئک ضروری دیر.
تشکیلات: بوگوُنکوُ عصردۀ اینظیباطلی ؤ اینسیجاملی تشکیلاتین وارلیقی أن اوُنئملی ؤ ضروری فاکتوُرلاردان بیری ساییلیر. اوُزللیکلۀ اینکیشاف ائدن اوُلکۀ لردۀ و یا حتی دالی قالمیش جامعۀ لردۀ تشکیلات سیز اوُلان هئچ بیر سیاسی ، ایجتیماعی ، مدنی فعالییت لازیم اوُلان نتیجۀ نی وئرمز، اوُرنک اوُلاراق اکونومی ساحۀ سیندن توُتموش ، سیاسی ، ایجتیماعی ، مدنی ساحۀ لردۀ فعالییت گوُسترن قوروملارین دوُرومو گوُزاوُنوندۀ دیر.
دالی قالمیش توُپلوملاردا یالنیزدینی و مذهبی گروپلارین فعالییت لری مسجیدلردۀ ؤ باشقا جم لردۀ اوُلموشدور، لاکین اوُنلارتکجۀ تشکیلات فوُرمونا چئوریلدیکدۀ فعالییت لرین گوُرمئک مومکون اوُلموشدور، بو گروپلارأگربیرلئشیب تشکیلات لارا چئوریلمۀ سئیدیلر عصرلربوُیو داوام گئتیرۀ بیلمزدیلر. اوُرنک دوُنیادا اوُلان چوُخ سایدا سیاسی تشکیلات لاری گوُرمئگ اوُلار، اوُجوُملۀ دن سوُسیال دموکرات پارتیلری .
مالی گوُج : دئدئۀ بابالاریمیز دئمیشلرکی : پوُل اوُلماسا ، هئچ بیر ایشی گوُرمئگ اوُلماز.
آیدین دیرکی هئر اینسانین مالی قایناغا احتیاجی اوُلدوقو کیمی ، هئرسیاسی تشکیلاتیندا مالی قایناغا احتیاجی وار، مالی قایناغ اوُلمادیقدا ، ایستۀ نیلن هدفۀ چاتماق چئتین ؤ زور اوُلار. بوگوُن میللی آزادلیق حئرکاتی ؤ اوُنون تجروُبۀ لی پرُفسیونل آکتویست کادرلاری اوُز فعالییت لرینۀ داوام وئرمئگ اوُچون ، لازیم اوُلان مالی قایناغا احتیاج لاری وار.
اوُزللیکلۀ اوُلکۀ میزدۀ زیندان ، اشکنجۀ ، اعدام آتمسفری حاکیم اوُلدوقو بیر شرایطدۀ ، اوُستۀ لیک مالی دوُرومون ضعیف اوُلماسی ، اوُنلارین حئرکت ؤ فعالییت لریندۀ آغیرچئتینلیکلر یارادماقدا دیر. مالی مسئلۀ چئتینلیگی باشقا پروبلم لرۀ علاوۀ اوُلدوقدا ، ایسترایستۀ مز میللی آزادلیق حئرکانینی چئشیدلی چئتینلیک لرلۀ اوُزلئشدیرۀ بیلر، نتیجۀ دۀ فعاللارین انرژی لرین آلیب ، حئرکتۀ زیان وئرۀ بیلر. آیدیندیرکی میللی آزادلیق حئرکاتی نین هئچ بیرقایناقدان ، منبع دن ، هچ بیر گئلیری یوخدور، بونونلا بئلۀ گوُنئی آذربایجانین میللی حئرکاتی میللتیمیزین یوُکسئک روُحییۀ سی ایلۀ داوام اتمئکدۀ دیر، لاکین ضعیف ؤ یوُخسول أللرلۀ موجادیلۀ اتمئک چئتین دیر ؤ بیزبونو چوُخداندیر درک اتمیشیک . ائلۀ بونا گوُرۀ دۀ حئرکاتین اوُرگانیزۀ ائدیلمۀ سی اوُچون خاریجدۀ یاشییان تشکیلات لارین آکتویست لرینین میللی وظیفۀ لریندن بیری ؤ أن اوُنئملیسی دۀ داخیلدۀ گئدن میللی حئرکاتا مالی یاردیم اتمئک أن موُهوم و ضروری وظیفۀ لریمیزدن بیری دیر.
یاشاسین آذربایجان
گوُنئی آذربایجان سوُسیال دموکرات پارتیسی . 17 / 2 / 2014 .
