گادپ: یئنی ایل بایرامینیز (نووروز بایرامی) قوت‌لو اولسون
- توضیحات
- منتشر شده در پنج شنبه, 29 اسفند 1392 22:57
Yeni il bayramınız (novruz bayramı) qutlu olsun
Uluslar arası toplumlarda, Milli Herekatımızı artıq tanıtdırmaq ,lobiçilik ili olmasına çalışaq
Yeni Gün bayramı, Yaz bayramı, Azərbaycan Türk millətinin ən tanınmış və sevimli bayramıdır. Mahmıd Kaşğarlı divane loğatı Türkdə bu bayramı Yeni Gün adlandırmışdır. zaman zaman bu bayram Ergenekon , Oğuz, Çağan, Ulusun ulu Günü, Sultanı Novruz ya bugün deyilen Novruz adı ilə tanınmışdır! Azərbaycan cümhüriyyətinin önərisi əsası ilə BMT-də yeddi ölkənin rəsmi bayramı kimi anılmışdır.
Yeni Gün bayramı (Novruz bayramı) təbiətin yenidən canlanmasından və yazın gəlməsilə tanınmışdır. Yaz bayramı Güney Azərbaycanda yeni ilin başlanmasıla da bağlanılıbdır.
Bu gün Güney Azərbaycanda Çox saylı Milli Herekatın öncüllərin həbsdə olması bizi dərindən üzsədə , keçən il Güney Azərbaycan Milli Herekatı İç qolu və dış qoluna milli mübarizə yolunda başarılı il oldu , özəlliklə Avropa parlementi ,Amerikanın Sinat və Kongirəsində, Soros təşkilatı ilə və… Güney Azərbaycanın istəkləri, diqqətə alınması lobiçilik baxımından başarılı addımlar idi .
Yeni ildə bu addımlarımızın daha etgili və davamlı olması üçün ciddi proqramlarımız var.
xaricdə yaşayan bütün milli siyasi təşkilatlarımızı ,milli kültürel feallarımızı, insan haqları quruluşları , qadın feallarımızı və... bilgili ,proqramlı seviyyədə lobiçilik yoluna ,bu ağır və düzgün yola dəvət edirik.
lobiçilik vasitəsilə Milli haqlarımızı, milli - siyasi məhbuslarımızın durumun və özəlliklə Urmu gölün faciəsin ,dünyaya çatdırmaq ən önəmli görəvimizdir.
Uluslar arası toplumlarda, Milli Herekatımızı artıq tanıtdırmaq ,lobiçilik ili olmasına çalışaq.
Fars şovenizminə və istemara qarşı milli mübarizədə daha sığ bir arada olmağımız gərəkir.
Yaxın gələcəkdə Quzey Azerbaycanımızda olduğu kimi Güney Azərbaycanımızda da bu bayram milli dövlətimizdə dövlət səviyyəsində keçirlməsin arzu edirik. Bütün Türk dünyası, Novruzu qutlayanlar, özəlliklə Azərbaycan Türklərinin bu tarixi və önəmli bayramın qutlayırıq.
Güney Azərbaycan Demokrat partiyası (GADP)
2014.03.20
اولوس‌لار آراسی توپلوم‌لاردا، میللی هئرئکاتیمیزی آرتیق تانیت‌دیرماق ،لوبیچی‌لیک ایلی اولماسینا چالیشاق
یئنی گون بایرامی، یاز بایرامی، آذربایجان تورک میللتی‌نین ان تانینمیش و سئویم‌لی بایرامی‌دیر. محمود کاشغارلی دیوانئ لوغاتی تورکده بو بایرامی یئنی گون آدلاندیرمیش‌دیر. زامان زامان بو بایرام ائرگئنئکون ، اوغوز، چاغان، اولوسون اولو گونو، سلطانی نووروز یا بوگون دئییلئن نووروز آدی ایله تانینمیش‌دیر! آذربایجان جومهوریتی‌نین اؤنری‌سی اساسی ایله بمت-ده یئددی اؤلکه‌نین رسمی بایرامی کیمی آنیلمیش‌دیر.
یئنی گون بایرامی (نووروز بایرامی) طبیعتین یئنی‌دن جانلانماسین‌دان و یازین گلمه‌سیله تانینمیش‌دیر. یاز بایرامی گونئی آذربایجاندا یئنی ایلین باشلانماسیلا دا باغلانیلیب‌دیر.
بو گون گونئی آذربایجاندا چوخ سای‌لی میللی هئرئکاتین اؤنجول‌لرین هبسده اولماسی بیزی درین‌دن اوزسه‌ده ، کئچن ایل گونئی آذربایجان میللی هئرئکاتی ایچ قولو و دیش قولونا میللی موباریزه یولوندا باشاری‌لی ایل اولدو ، اؤزل‌لیکله آوروپا پارلئمئنتی ،آمئریکانین سینات و کونگیره‌سینده، سوروس تشکیلاتی ایله و… گونئی آزربایجانین ایستک‌لری، دقته آلینماسی لوبیچی‌لیک باخیمین‌دان باشاری‌لی آددیم‌لار ایدی .
یئنی ایلده بو آددیم‌لاریمیزین داها ائتگی‌لی و داوام‌لی اولماسی اوچون جدی پروقرام‌لاریمیز وار.
خاریجده یاشایان بوتون میللی سیاسی تشکیلات‌لاریمیزی ،میللی کولتورئل فئال‌لاریمیزی، اینسان حاق‌لاری قورولوش‌لاری ، قادین فئال‌لاریمیزی و... بیلگی‌لی ،پروقرام‌لی سئویه‌ده لوبیچی‌لیک یولونا ،بو آغیر و دوزگون یولا دعوت ائدیریک.
لوبیچی‌لیک واسطه‌سیله میللی حاق‌لاریمیزی، میللی - سیاسی مهبوس‌لاریمیزین دورومون و اؤزل‌لیکله اورمو گؤلون فاجعه‌سین ،دونیایا چات‌دیرماق ان اؤنم‌لی گؤرویمیزدیر.
اولوس‌لار آراسی توپلوم‌لاردا، میللی هئرئکاتیمیزی آرتیق تانیت‌دیرماق ،لوبیچی‌لیک ایلی اولماسینا چالیشاق.
فارس شووئنیزمینه و ایستئمارا قارشی میللی موباریزه‌ده داها سیغ بیر آرادا اولماغیمیز گرکیر.
یاخین گله‌جکده قوزئی آذربایجانیمیزدا اولدوغو کیمی گونئی آذربایجانیمیزدا دا بو بایرام میللی دؤولتیمیزده دؤولت سویه‌سینده کئچیرلمه‌سین آرزو ائدیریک. بوتون تورک دونیاسی، نووروزو قوتلایان‌لار، اؤزل‌لیکله آذربایجان تورک‌لری‌نین بو تاریخی و اؤنم‌لی بایرامین قوتلاییریق.
گونئی آذربایجان دئموکرات پارتیاسی (گادپ)
2014.03.20
