بیلدیریش: گونئی آذربایجان سوی قیریمی
- توضیحات
- منتشر شده در جمعه, 27 دی 1392 01:00
حورمتلی یورداشلار، آزادلیق سئوه ر اینسانلار!
تئسوفلرایله اعتراف ائتمک لازیمدیرکی، بیز گونئی آذربایجانلیلار اوز تاریخیمیز، توپراقلاریمیز،باشیمیزا گئلن قانلی سوی قیریملار و… حاققیندا یا یئترینجه بیلگیمیز یوخ ویا اوزوله ره ک دئمک لازیمدیرکی گئره کن اهمییتی وئرمیریز، ائله اونلارین ان باشیندا گئله نی ده گونئی آذربایجان سوی قیریمیدیر.
بو قانلی حادثه ۱۹۱۸نجی ایلین مارت(مارس) آییندا، نووروز بايرامی‌نین سونونجو چرشنبه‌سینده باش وئریب. بؤلگه‌ده ماراقلاری اولان بریتانیيا، فرانسا و روسیيادان دستک آلان ائرمه‌نی داشناک لاری و آسورولار اورمو گؤلو اطرافیندا تورک تورپاقلاری حسابینا اؤزلرینه دؤولت” کیچیک ائرمه‌نیستان دؤولتی” قورماق ایدی.
بوچیرکین و خائنانه پیلان اوچون وحشی سیلاحلی دسته‌لر اهالینی غارت ائدیب، قادینلارین ناموسونا توخونوب، مین بیر آلچاقلیقلارا ال آتدیلار. مقاومت گؤسترنلر کوتلوی شکیلده قورشونا دوزدولر ، همین دحشتلی گونده اورمو اهالیسینی شهرده يئرلشن کاروانسارايا دولدورب و دیری – دیری ياندیردیلار. جیلوولوق فاجعه‌‌سیندن سونرا قیرغینلار بوتون گونئی اذربایجانین قربینده کی (باتیسینداکی) کندلرینی ایحاطه ائتدی.
قتل عام آنجاق، ۱۹۱۸ نجی ایلین مارت آیی نین سونو، آپرئلین اول لرینده عثمانلی تورکلرین آذربایجان اراضی سینه داخیل اولماسی ایله سوي داشلاریمیزین کوتلوی قتلیامینا سون قويولور.
بوسوی قیریم نه قده رده بیلینجلی اولاراق اورت-باس ائدیلسه ده،بعضی آراشدیرمالاردا جیلوولوق حادثه‌‌لری زامانی ان آزی ۱۰۰ مینلر آذربایجان تورکو قتله يئتیریلیب. اورمیيا لی تاریخچی آيرملو سون آراشدیرمالاردان سونرا بو نتیجه‌يه گلیر کی، سوي قیریما معروض قالان گونئی آذربایجانلیلارین سايی ۳۰۰ مین نفر اولوب.
آذربایجان کولتور اوجاغی کولن بو سوی قیریمی یاد ائتمک اوچون ۱۵/۰۳/۲۰۱۴ تاریخینده آلمانیانین کولن شهرینده بیر سئمینار کئچیره جک ، آماج بنظری سوی قیریملارین یاشاماماسی اوچون نه ائتمک دیر؟ سوروسونا چئشیدلی گوروشلردن جواب تاپماقدیر .
یئر:
Bürgerzentrum Ehrenfeld
Venloer Straße ۴۲۹
۵۰۸۲۵ Köln
زامان:
۱۵/۰۳/۲۰۱۴
۱۸:۰۰-۲۲:۰۰
یاشاسین آذربایجان
آذربایجان کولتور اوجاغی کولن
